يا جماعه فودافون قفلت خطي .. اعمل ايه افتوني

السلام عليكم ورحمة الله وبركاته
انا صحيت امبارح من النوم كلمت واحد صحبي وقفلت وبتصل بعدها ب10 دقائق
لافيته بيقلي البطاقه غير صالحه قلت شكلها اتكسرت بس ازاي هي في الفون ومش بخرجها
اتصلت بالشركه وقلتلهم تليفوني اتقفل قوليلي اه اتقفل ورجع الشركه من تاني
قلتلهم ازاي رقمي شغال وبشحنه كل يومين وباستقبل وبارسل منه كتييييييير
قلوليلي هيئة تنظيم الاتصالات هي اللي قفلته
بعت شكوي للهيئه وقلولي هنرد عليك ومحدش رد عليا منهم لحد دلوقت
اتجننت واتصلت بالشركه تاني
قلولي ده حصل خطء وتليفونك اتقفل
قلتلهم مليش دعوه وانا مش هسيبكم وهرفع عليكم قضيه في ناس مش هتعرف توصلي الا بالرقم ده
ومعايا العقد بتاع الخط ومش هسيب حقي
وقفلت السكه
بالله عليكم قولولي اعمل ايه ارجوكم فيدوني
شكراً جزبلاً

ده ايه التهريج ده

شكراً يا باشا على الرد ..

ارجوكم يا جماعه اللي يقدر يفيدني يقولي اعمل ايه بجد ..

مرفق تنظيم الاتصالات و حماية المستهلك
و دلوقت تعمل محضر اثبات حاله و لو عايز ترفع قضيه و تبعت للشركه انذار على يد محضر بعدم التصرف فى الخط لحين الفصل فى الحاله

لو عايز تمشي الموضوع ميري اعملهم محضر واشتكي في جهاز تنظيم الاتصالات وطالبهم بالتعويض...
تحياتي

Sent from my SE Arc S using Forum Runner

طب كويس انا سيبت الخط بتاعي تقريبا شهر ونصف مقفول ولما جيت اشغل الخط لاقيته مش شغال قولت خلاص اروح اشوف الشريحة رحت غيرتها وقالي هاتشتغل كمان ساعتين :))

سيته اربع ايام وبعد كده رحت تاني مركز الخدمة قالي للاسف الخط اتقفل ومش بس كده لا الشركة باعت الخط كمان والي اشتراه شغله :)))))


فودافون شركة سو ديرتي :))

ارفع قضية متسبش حقك
دولا بيهزروا ..

انا قدمت شكوي لهيئة تنظيم الاتصالات
وهروح لمحامي بكرا ارفع القضيه . وحقيقي مش هسيبهم

بس في ناس قلوليلي لازم يكون وقع عليك ضرر فعليِ ِ عشان تقدر تعمل تعويض

وكلمت محامي وقلي لو اي حد اخد عليهم حكم قضائي مماثل هيفيدنا في الموضوع

هل الكلام ده صحيح وهل في حد رفع قضيه عليهم وكسبها



شكرا يا جماعه بجد على الردود الطيبه

كلمت جهاز حمايه المستهلك؟؟
هنا بيشكروا فيهم جدا

اقتباس:

---

المشاركة الأصلية كتبت بواسطة beshomilan

كلمت جهاز حمايه المستهلك؟؟
هنا بيشكروا فيهم جدا

---

كلمتهم بس سمعت انهم بيحلوا المشكله متاخر 15 يوم تقريباً


الله المستعان

انا دائما اقول فودافون الشركة الحرامية الاولى فى العالم ,
عملوا معايا نفس العامله دى وقفلوا خطى من غير رسالة انذار ولا اى تحذير

طب هما ايه اللي بيستفيدوه لما يقفلو خط شغال ويبيعوه تاني ماهو كده كده شغال وبيجيب عائد للشركه. ولا ايه؟

اقتباس:

---

طب هما ايه اللي بيستفيدوه لما يقفلو خط شغال ويبيعوه تاني ماهو كده كده شغال وبيجيب عائد للشركه. ولا ايه؟

---

اعتقد ان طريقة تسويقيه لبيع الخط الواحد اكتر من مره فبالتالى يستفادوا منه اكتر
وفكل الاحوال العميل القديم والجديد هيتكلموا فى الخط
فبيستفادوا من فرق سعر البيع
ويمكن يتباع كذا مره مش مره او اتنين بس

و عليكم السلام و رحمة الله و بركاته
أستاذ ياسر هو رقم حضرتك مميز ؟ ..و بقاله كام سنه مع حضرتك ؟

اقتباس:

---

المشاركة الأصلية كتبت بواسطة nimaster

انا دائما اقول فودافون الشركة الحرامية الاولى فى العالم ,
عملوا معايا نفس العامله دى وقفلوا خطى من غير رسالة انذار ولا اى تحذير

---

طيب حضرتك مخدتش اي اجراء ضدهم . تقلنا عملت ايه

اقتباس:

---

المشاركة الأصلية كتبت بواسطة hossam99

و عليكم السلام و رحمة الله و بركاته
أستاذ ياسر هو رقم حضرتك مميز ؟ ..و بقاله كام سنه مع حضرتك ؟

---

ميعتبرش مميز بس نطقه سهل جدا

الرقم معايا بقاله 7 سنين

اقتباس:

---

المشاركة الأصلية كتبت بواسطة ياسر مصطفي

ميعتبرش مميز بس نطقه سهل جدا

الرقم معايا بقاله 7 سنين

---

يبقي مشكلة حضرتك غلطه من الشركه و تابع شكواك و إم شاء الله تحل

مفيش شركة أتصالات بتعمل كدا متعمدة

غالبا بتكون خطأ في النظام (السيستم ) لو فعلا عملية الشحن بتتم بطريقة منتظمة

انا مقدر كلامكم يا جماعه والله
ولما كلمت مسؤال الفرع .

قلي انه عن طريق الخطاْ . بس اللي جنني قلي خلاص رجع للشركه

يعني ممكن ما يرجعوش الخط ..

حصلت معايا وكان رقم مميز جدا وكان فودافون برده تقريبا الشركة شغالة الله ينور على الموضوع ده ورحت فرع فودافون علشان اغير الشريحة ومكنتش اعرف لان الشريحة كنت شايلها بس مش الفترة اللى هووووووووووووب يقفلوها ويبيعوها رحت فرع فودافون وطلعت البطاقة والشريحة علشان اغيرها لقيت الافندى بيقوللى اسف الخط باسم واحد تانى ازاى ياعم يهديك يرضيك مفيش فايدة وتخيل الرقم كمان كان عامل ازاى 0100494909 مش هكمل اخر رقم علشان حرام بس نصيحة منى لو كده امشي فى اجراءاتك وبلغ عنهم جهاز حماية المستهلك انا اللى خلانى سكت ان الخط ده مكنتش مدى رقمه لحد فمفرقش كتير معايا

اقتباس:

---

المشاركة الأصلية كتبت بواسطة المنسي

حصلت معايا وكان رقم مميز جدا وكان فودافون برده تقريبا الشركة شغالة الله ينور على الموضوع ده ورحت فرع فودافون علشان اغير الشريحة ومكنتش اعرف لان الشريحة كنت شايلها بس مش الفترة اللى هووووووووووووب يقفلوها ويبيعوها رحت فرع فودافون وطلعت البطاقة والشريحة علشان اغيرها لقيت الافندى بيقوللى اسف الخط باسم واحد تانى ازاى ياعم يهديك يرضيك مفيش فايدة وتخيل الرقم كمان كان عامل ازاى 0100494909 مش هكمل اخر رقم علشان حرام بس نصيحة منى لو كده امشي فى اجراءاتك وبلغ عنهم جهاز حماية المستهلك انا اللى خلانى سكت ان الخط ده مكنتش مدى رقمه لحد فمفرقش كتير معايا

---

حقيقي موضوع بقي رخم اوي وانا مسكتش فعلا وبعت شكوي لهيئة تنظيم الاتصلات وقلولي هنشوف الموضوع . وممثل خدمة العملاء اتصل بيا بعدها بكام ساعه وقلي يا فندم شغل الخط بتاع رجع زي ما كان:tumb:

الحمد لله يا شباب بعد شكوتين لهيئة تنظيم الاتصلات وارسلت صورة من العقد بعدها بساعات قليله

ولقيت الخط اشتغل تاني

بعد اخر مره تهديد اني هقدم شكوي في نيابه المحكمة

وطبعاً يا شباب الشكر موصول ليكم بالتاكيد

شكراً جزيلاً

اقتباس:

---

المشاركة الأصلية كتبت بواسطة ياسر مصطفي

حقيقي موضوع بقي رخم اوي وانا مسكتش فعلا وبعت شكوي لهيئة تنظيم الاتصلات وقلولي هنشوف الموضوع . وممثل خدمة العملاء اتصل بيا بعدها بكام ساعه وقلي يا فندم شغل الخط بتاع رجع زي ما كان:tumb:

---

الف مبروك

ألف مبروك الحق لأصحابه .

الف مبرووووووووووك

الف الف مبروك يا باشا
وياريت تقولنا ايه الورق اللي قدمته في الشكوى

اقتباس:

---

المشاركة الأصلية كتبت بواسطة egyegy

الف مبروك

---

الله يخليك يا باشا

اقتباس:

---

المشاركة الأصلية كتبت بواسطة tutankhamoun

ألف مبروك الحق لأصحابه .

---

الله يكرمك يا باشا

اقتباس:

---

المشاركة الأصلية كتبت بواسطة المنسي

الف مبرووووووووووك

---

شكرا يا باشا الله يخليك

اقتباس:

---

المشاركة الأصلية كتبت بواسطة hikayat

الف الف مبروك يا باشا
وياريت تقولنا ايه الورق اللي قدمته في الشكوى

---

الله يبارك فيك يا باشا

1_ صورة العقد

2_ صورة البطاقه المدون رقمها على العقد

3_ وكمان بعت الكارت المودن عليه رقم الباق التابع للخط

بعتهم في كذا شكوي