اقتباس:
المشاركة الأصلية كتبت بواسطة mhassan9
الموضوع بمنتهي البساطة أنك لو دخلت أي قسم هتلاقي فيه شكاوي ومشاكل دا مش معناه أن العربية الفلانية وحشة
فيه مشاكل أجمع عليها الجميع من أول ما ركبوا العربية زي مثلاً مشاكل في التقفيل....عربية خفيفة وهكذا
فيه ناس تلاقيها بتشتكي أن التكييف تعبان في عربية كوري أو ياباني دا معناه هنا مشكلة فردية مش كل الكوري أو الياباتي وحش
حاجة تانية مهمة جداً
أغلب الناس هنا بتكتب عن المشاكل عشان تلاقي حد يساعدها في حل المشكلة
لكن كام واحد بعمل موضوع كل ما العربية تسد معاه في موقف؟؟
نسبة مواضيع الشكوي لأي عربية أضعاف أضعاف مواضيع الشكر في أي قسم ولأي موديل لأن بمنتهي البساطة الناس مش هتخش تشكر في عربيتها عمال علي بطال علي الأقل هيخافوا من الحسد :)
مثلاُ لو دخلت فسم النيسان هتلاقي ناس عاملة حادثة مش لاقيه قطع غيار في أي مكان والتوكيل مش قادر يوفرها في وقت مناسب....وشكاوي من الفرامل وتصفير من الطنابير وأول ما نزلت مشكلة في المساعديين الخلفيين والمصنع عمل أختراع محلي الصنع كدا مؤقت لحد ما اليابان حلت الموضوع.
دا مش معناه أن الصني الجديدة عربية زبالة بس دا معناه أن فيها مشاكل ممكن تتحل ومعنا أن مفيش توكيل فيكي با مصر سمعت أنه عمل recall لعربية عشان فيها مشكلة
ياريت أكون عرفت أوضح وجهة نظري :)
بالضبط كدة ... يعني أنا مثلا الحمد لله ثلاث مرات تسعفني الفرامل من حادث كبير مرتين على الرمال مرة منهم نزلت بعجلة وعجلة لأ ومرة كانوا العجلتين في الرملة والحمد لله ما شاء الله من 90 لصفر في لحظات لو أي عربية تانية من غير إيه بي إس كانت لفت ولبست وعملت حاجات مش كويسة ومرة كنت قريب جدا من أحد الأرصفة وواحد رمى عليا وكنت هادخل في أول الرصيف وضربت فرامل ولفيت الجل والعربية لفت عادي جدا وبعدت عن الرصيف ودخلت في اليو ترن كأني كنت بلف من الأول .. بس الصراحة كانت على أخر مللي وكنت هـ البس فيه
التقييم دايما مش بيكون بالمشاكل اللى مكتوبة في صفحات المنتدى وعددها .. مع أن هذا إحدى عناصر التقييم بلا جدال .. ولكنه بنوعية تكرار المشاكل الحيوية للغاية بشكل ملحوظ
والمشاكل الحيوية نفسها ممكن تفرق من شخص لآخر .. في واحد بيعتبر تعليق مكنة الزجاج حاجة ما يقدرش يعيش معاها وواحد تاني بالنسبة ولا الهوا
وفي النهاية العربية تاخد نسبة كام من عشرة بالنسبة لغيرها لأن مافيش عربية فيها كل حاجة .. وفي واحد بيقدر يتعايش مع مشاكل النوع ده وواحد تاني لأ فبيروح لمشاكل نوع تاني يقدر يتعايش معاه
وكل الكلام ده على الورق وصفحات المنتدى .. لكن لما بتركب العربية وتفهمها وتفهمك وتراعيها في صياناتها وأسلوب قيادتك ليها صعب جدا إنها تزعلك في يوم من الأيام ... لأأنا كنت خايف جدا وأنا بشتري العربية لأني كعادة الغالبية من المصريين حاطط فيها كل ما أملك لمدة خمس سنوات قدام ومرعوب أكون أسأت الاختيار .. لكن في النهاية الحمد لله أدي صاحبها راكبها وأنا راكبها معاه والدنيا زي الفل بحمد الله .. وكذلك عربيتي القديمة واللى قبلها وعربية الحاج وأي عربية في العائلة
وربنا يحفظنا جميعا