الموضوع: فتيس الـ516 وزيت التوكيل

معايا 516 لسه يادوب 2500 كيلو وظهر فيها صوت وحش اوي في نهاية الأول قبل ماتنقل عالتاني يعن فوق 3000 لفه مثلا تلاقي شخلخه عاليه جدا و ممكن في أخر التاني كمان قبل ماتنقل للتالت تظهر بس بصوت أقل حده من السرعه الأولي

وانا واقف وممور العربيه جربت أزود الrpm لحد 5000 كمان مفيش صوت قلت يبقا الصوت من الفتيس, قلت قبل ما أسئلكوا عن الموضوع ده أغير زيت الفتيس

والمفاجئه الزيت نازل محروق وقليل فنصيحه لكل واحد معاه عربيه لسه جديده يلحق يغير الزيت كله مش مجرد انه يزوده لأن واضح ان الزيت كان فيه حاجه غلط

وانا راجع بعد تغيير الزيت كانت الدنيا زحمه فمعرفتش أجرب بس سؤالي لحضراتكوا

الصوت ده ممكن يبقا ايه؟ وهل الزيت المحروق ده كده ضيعلي الفتيس خلاص؟

ممكن علبه الشكمان

فعلا انا مره كنت بركن عمودي عالرصيف وخبطت الشكمان في الرصيف خبطه حلوه ممكن تبقا هي دي السبب

معروف ان زيت الفتيس بيبقي قليل ولازم ينزل وده اللى عرفناه لما جبنا العربيه

انا مكنتش أعرف بقا :)) بس الحمد لله لحقته بدري