الموضوع: أدعوا بالشفا لعبدالله (Bido600)

المشاركة الأصلية كتبت بواسطة bmw323

شفاة الله وعافاة ربنا يقومة بالسلامة ويستر طريقنا جميعا

الله يسلمك يا فندم
ربنا يخليك :)
ربنا يستر طريقنا جميعا يا رب :)

المشاركة الأصلية كتبت بواسطة nouranwar

الف سلامة عليك يا بيدو
تقوم بالسلامة ان شاء الله
طيب اتطمنا عليك خلاص و الحمدلله البايك ظروفه ايه :)

الله يسلمك يا نور بيك
ربنا يخليك يا صديقي
الحمدلله البيك مفيهوش حاجات خطيرة يدوب حتة في الرادياتير علي حتة في الطنبورة والمقابض حتي الان :d

المشاركة الأصلية كتبت بواسطة karim_mohy

ربنا يقومه بالسلامه ان شاء الله

الله يسلمك يا كريم بيك
ربنا يخليك يا فندم :)

المشاركة الأصلية كتبت بواسطة OMAR61995

ألف سلامة عليك يا بيدو بيك

الله يسلمك يا عمر بيك
ربنا يخليك والله :)

المشاركة الأصلية كتبت بواسطة ztx

لا حول ولا قوة الا بالله لسا ما فرحش علي البايك

ولسا عايز تركب 1000 يا بيدو :(

ربنا يقومك بالسلامة والله الخبر ده زعلني وانا بحترم بيدو وبحبه لانه بيستاهل كل خير

والف شكر يا جوكي علي الموضوع وربنا يقوم بيدو بالسلامة:)

الله يسلم حضرتك
والله يا فندم دا من زوق معاليك
دا وسام وشرف ليا معاليك وحضرتك اخ عزيز ليا والله

المشكلة ان انا كنت ماشي في امان الله مش عارف لية الناس بتحب تشتعرض وتستغبي
الحمدلله علي كل شي

اعمل اية ادمان :D يدوب بمشي تاتا تاتا وقاعد جمب البيك بواسية وبعمل فية

المشاركة الأصلية كتبت بواسطة S O P H O S

ربنا يشفيه
ويقوم بالسلامة ..

الله يسلم حضرتك
ربنا يخليك :)

المشاركة الأصلية كتبت بواسطة ahmednabeeh

االف سلامه ياعبدالله والله زعلت اوى ... ربنا يقومك بالسلامه منها
فداك الف متوسكل وان شاء الله تقوم منها بالسلامه
الراجل دا محترم اوى وراجل اوى اكتر من اخ.....بجد انا زعلت
الف سلامه عليك ياعبدالله

ابو حميد
الله يسلمك يا صديقي العزيز
والله انا كمان زعلان مش عارف لية :( بس الحمدلله علي كل شي
ربنا يخليك يابوحميد والله اكتر من اخ

المشاركة الأصلية كتبت بواسطة hesham ahmed

الف سلامه عليك .... وربنا يقومك بالسلامه
و الحمد لله علي كل حاجه

لو ينفع نعرف الحادثه حصلت ازاي ... عشان الناس تاخد بالها

الله يسلمك يا هشام بيك
ربنا يخليك يا كبير :)

المشاركة الأصلية كتبت بواسطة zoom2zoom

الف مليون سلامه وان شاء الله ربنا يشفيك ويعافيك انتا من الشخصيات المحترمه

هشام بيك
الله يسلمك يا هشام بيك
ربنا يخليك والله
دا من زوق معاليك بس والله يا هشام باشا
فائق احترامي وتقديري ليك والله يا هشام بيك :)

المشاركة الأصلية كتبت بواسطة KHALED2010

لا الف سلامة عليك يا عبد الله وربنا يقومك بالسلامه وفداك 100 خوذه و100 موتور المهم انك تقوم بالسلامه والفرامل ثم الفرامل يلا الحمد لله انك بخير وبعدين ياعم عمر الشقى بقى قوم بقى وماتتدلعش

الله يسلمك يا خالد بيك
ربنا يخليك يا صديقي
ويا رب يستر طريقنا كلنا
دا كانت جديدة لسة منزلتش الاسكرينة حتي

المشاركة الأصلية كتبت بواسطة bHa2

يا الله
الف حمد الله ع السلامه يا بيدو
وربنا يحفظ الجميع من شر الحوادث يا رب

الله يسلم معاليك يا فندم
ربنا يخليك يا فندم والله
امين يا رب
ويا رب يستر طريقنا يا رب

الف مليون سلامة عليك يا عبد الله
فدك مليون بايك المهم اللى انتا بخير ومنشفش فيك حاجة وحشة ابدا ولا كل اعضاء نايل موتورز ابدا يا رب العالمين
الله اذهب البأس رب الناس اشفى انتا الشافى لا شفاء الا شفائك شفاء لا يغادر سقما

الحمدلله علي كل شي
احب اشكر كل اخواني الاعزاء قبل اي شي
فائق احترامي وتقديري
معزتكم عندي كبيرة والله
وربنا يستر طريقكم جميعا يا رب

للاسف كنت في مشوار عند داندي مول كدة عاوز اخلصة والحق ارجع مشوار تاني مهم
وانا للاسف كنت مهمل شوية مع البيك نظرا لان مكنش عندي وقت كانت عندي الطنبورة اليمين عاوزة تتغير والماستر كمان عشان ساعات يقوم محجر
اتاخرت علي مشواري التاني رحت هوب طالع جاري
واخد شمالي في امان الله وطاير
مش عارف لية الناس بقي بتفتكر اني بسابقهم وكل يقوم هوب وطالع يجري ورايا
اول معدي من جمب حد يقوم هوب ورايا
الطريق كان مغري الصراحة وجريت جامد اذ فجاة واحد بيقطع الطريق بالعرض وبكل تناكة وبطي
يعني حتي لو عاوز يعمل حاجة غلط يستني لما الطريق يفضي ويضر نفسة
(يعني الحتة اللي المفروض يمشيها عشان يلف اللفة الجاية هي اللي هتوفر بنزين )
طبعا فرامل ورا الاقي البيك هيبتدي يتزحلق لاني خلاص بيني وبين الراجل حبة صغيرة وبردة الراجل بيطلع براحة مصمم علي الغلط رحت ماسك قدام مرة واحدة
وهوب الفرامل حجرت الاقي نفسي واخدة زحف ومش عاوز اسيب البيك عشان لو سيبتة هيقع علي جمبة ويدشمل
ويقوم دا طالع جاري من هنا
والاقي واحد من اللي كانو بيسابقوني بيفادي الراجل هو كمان وواخدها غرزة من اقصي اليمين لاقصي الشمال والاقي نفسي طاير
الحمدلله البيك دخل في الرمل ووقف ومكملش ودخل الاتجاه المعاكس كان حصلت كارثة هفضل ندمان عليها
بس الحمدلله ربنا ستر ووقف
الرادياتر
المقابض
الطنبورة
الكارتيرة اتكحتت
مقياس الزيت
الاشارات طبعا معرفش هيا فين :D
طبعا الحكات

دا الي لاحظتة حتي الان
الحمدلله علي كل شي
طبعا الراجل اللي تسبب في كل دا فلق وجري
وانا اصريت اعمل محضر ومفيش حاجة تتحرك لحد ميتعمل المحضر
وطبعا لاقيت كل الذنب هيركب اللي اخد الغرزة ولبسني
استحرمت وقولت مش ذنبة هو كمان اتفاجي باللي حصل رد فعل تلقائي

والحمدلله الخوذة شالت اكتر من خبطة
وفعلا الواحد عرف معني السيفتي ومش اي سيفتي كمان
انت مش بتشتري سيفتي انت بتشتري نفسك
الحمدلله الاصابات عندي مش جامدة

بس بقيت ابو رجل مشروخة :D :D
وبغني اغنية
يا عيني يا عيني
يا عيني علي البيك :D

اوعي تهمل في فراملك ولا في كاوتشك ولا تهمل في الموتوسيكل ابدا
واحذر غباء الاخرين واستهتارهم بالارواح
عاوز تجري اجري في طريق مفيهوش غيرك ويكون طريق يسمح بكدة
عشان في ناس الغباء بيجري في دمهم فاكر انو لما يقفل عليك يبقي كدة هو الكسبان ولا يلبسك

ربنا يستر طريقنا يا رب
ويكفينا شر الحوادث يا رب

المشاركة الأصلية كتبت بواسطة alfath8

الف مليون سلامة عليك يا عبد الله
فدك مليون بايك المهم اللى انتا بخير ومنشفش فيك حاجة وحشة ابدا ولا كل اعضاء نايل موتورز ابدا يا رب العالمين
الله اذهب البأس رب الناس اشفى انتا الشافى لا شفاء الا شفائك شفاء لا يغادر سقما

الله يسلمك يا محمد بيك
ربنا يخليك يامحمد بيك والله
ربنا يستر طريقنا ويكفينا شر الطريق يا رب امين يا رب