-
مشكله في اونو موديل 97
انا باختصار شديد عندي اونو موديل 97 بس ظهرت فيها مشكله و هي ان الجيربوكس بيطلع صوت جامد لما اكون بانقل علي التاني و كأن التروس حاتتكسر مع اني كشفت علي زيت الجيربوكس و لقيته مليان و بدات تظهر اكتر بعد ما انقطع كابل الدبرياج و غيرته .
و كمان العريبه بيحصل فيها ارتجاج جامد احيانا لما اكون طالع بيها من الثبات ياريت رد من الشباب الخبره في الاونو
-
بادام غيرت سلك الدبرياج و بعدين لقيت صعوبة فى النقل, فغالبا المشكلة هى فى ضبط سلك الدبرياج, الميكانيكى اللى ركبلك سلك الدبرياج قصر الدبرياج(سلك الدبرياج بيتضبط من طويل لقصير عشان يتحكم فى مشوار الدبرياج), و كانت النتيجة انو الدبرياج مش بيفصل بشكل تام, و عشان كده النقلات مش بتيجى معاك بسهولة, الحل ببساطة روح لميكانيكى و خليك وراه, ضبط السلك و جرب لو مضايق برضه فى النقلات ضبطه تانى و جرب و متمشيش من عنده الا لما تستريح فى النقل تماما, بشرط انو ميبالغش فى تطويل الدبرياج عشان ميحصلش العكس(الاسطوانة متحتكش بشكل كامل) و دى ممكن تجيبلك اسطوانة, يعنى الدبرياج يبقى فى نص شوط الدواسة تقريبا بحسب ما انت كنت متعود على السيارة.
-
فعلاً سلك الدبرياج عاوز يتظبط، بعد ما تظبطة
والعربية فضلت ترج كدة اكشف على قواعد الموتور
لو سليمة يبقى احتمال كبير تكون اسطوانة الدبرياج
محتاجة تغيير.
-
اوكي هاشوف موضوع الكابل ده و يارب يكون هو افضل من طقم دبرياج
و ميرسي جدا يا فادي و يا نادر لردكم علي المشكله دي..
Content Relevant URLs by
vBSEO 3.6.0 PL2