اقتباس:
المشاركة الأصلية كتبت بواسطة ahmed_m_ashraf
إنهارده كنت في كارفور إسكندرية لاقيت فايلينت ألماني ألماني 2450 !!!!!!! وكان في أوليمبك وإيديال وزانوسي، هو ليه الناس بتقول إن الثلاثة واحد؟
سألت البائع لو هخليني في المصري ينصحني بأنهي .. قاللي إيديال.
الفايلينت جامد بصراحة تقفيل ألماني وحاجة نظيفة بس سعره مسافر قوي كده ليه؟! أنا لحد 1400 - 1600 شاري، بس 2450 خلاني أكش بصراحة.
إن شاء الله أنزل أشوف في المنشية، ألا صحيح فين في الإبراهيمية؟ شارع الاجيتيه ولا فين؟
ما هو الأوليمبيك كان إسمه في الأول ... وبعد كدة النسخ الجديدة كلها نازلة إسمها إيديال .... والنسخ الأجدد كلها نازلة اسمها زانوسي ... لكن كله بتاع شركة واحدة في النهاية .. ده على حد معرفتي الشخصية .. مش أكيد
وعلى فكرة أخي عنده الجانكرز الألماني من حوالي 12 سنة ... مش عايز أقولكوا إنه تقريبا بيغيرله الأنبوبة بتاعته كل شهر بالكتير أو 15 يوم في المتوسط مرة .. استهلاكه للغاز كبير جدا
أنا عندي الأوليمبيك من 10 سنوات وتقريبا بغير الأنبوبة كل شهرين أو شهر ونص على الأقل في الشتاء مرة ... والصيف كله با شتغل بأنبوبة ما بغيرهاش إلا لما الشتاء بيدخل ... لكن أخي بيغير الأنبوبة في الصيف ثلاث مرات يعني كل شهر مرة برضه
عايز بس أوضحلكوا ... إن المنتج المصري من السخانات مش وحش بالعكس كفء فعلا ... وأفضل من مثيله المستورد