مطلوب نصيحه لتطريه كوتش الازاز و الابواب .اعمل اه ؟؟

**moha4tec** · 22-12-2012 07:18 AM

السلام عليكم
عاوز ارش حاجه على كوتش الابواب و الزجاج و فتحة السقف .
عشان مينشفش و عشان ميحتكش بحاجه .
هل ارش wd40 و الا الشحم الابيض بتاع فالفولين و الا سيليكون سبراى و الا اعمل اه
بالله عليكم محتار و محتاج مساعدتكم من اهل الخبره .
و مشكور جدا جدا
و هل ارش اه على جلب العفشه و الكوتشات و المفصلات اللى فى العفشه و العربيه و المفصلات عموما

**Elawany13** · 22-12-2012 09:05 AM

أنا لما بلاقى كاوتش الزجاج بيزيق لما بفتح وبقفل الزجاج بمسحه بسفنجه عليها زيت برافين وبمسح الزجاج نفسه بزيت برافين وافتحه واقفله لحد ما احس انه بقى تمام

**haissam24h** · 22-12-2012 10:41 AM

كاوتش الازارز جرب تحطله بودره الاطفال من الصيدليه جاب معايا نتيجه كويسه جدا والازاز بيتطلع بسرعه

دبيو 4 جربته بس نتيجته وقتيه وليست لمدى طويل

**zinger** · 22-12-2012 11:01 AM

أحسن حاجه لكاوتش الزجاج , بودره التلج (بتاعه الأطفال) ,لإن أى زيوت أو شحوم بتدى نتيجه وقتيه طول ما الزيت طرى و لكن أول ماحينشف حيخلى الزجاج معصلج وصعب الحركه جدا

**MohammedAladel** · 22-12-2012 12:24 PM

إيه دا هو فيه سيليكون ا سبراى ؟؟ بتاع إيه دا ؟؟

وإيه الشحم الأبيض دا كمان ؟

**m_elhasafy** · 22-12-2012 12:39 PM

الأفضل تستخدم منتج متخصص فى العناية بالمطاط
و عندك إختيارين:
الأول: فوم تنظيف الكاوتش و أنا جربته ماركة أرمورأول و سعره 38 جنيه و حجمة 500 مل و ده ترشه و تسيبه 10 دقائق و تمسح بعدها الزيادات و عيب الفوم ده إن بيخلص بسرعة و بيعمل هيصه لإنه فوم
الثانى: و أنا أفضله أكتر و ده لا غنى عنه لتنظيف و تلميع و العناية بتابلوه السيارة و الدواخل و الخوارج البلاستيك و المطاط و هو (أرمور أول أوريجينال) و ده سبراى بخاخ و حجمه حوالى 300 مل و سعره 26 جنيه و إقتصادى جداً و أفضل بمراحل من سبراى السيليكون لإنه بيتشرب داخل البلاستيك و المطاط مش طبقة خارجية بس
و جربه كمان على كاوتشات حساسات إضاءة الصالون اللى فى الأبواب لو كان عندك باب نوره بيعلق
أما wd40 للعفشة و الجلب ففى الضرورة فقط لإن بينظف أكتر ما بيشحم و ده مش مطلوب فى مفصلا العفشة خصوصاً لو فى الشتاء فإنت أكيد هتحتاج ترش العفشة زيت على سولار