هام جدا ---- برجاء المشاركة BMW 316 1989

يا جماعه انا قدامي عربيه BMW 316 1989 مانيوال فابريكه جوه ورشه بره حديثا (في التوكيل) بحاله ممتازه (على كلام صاحبها ) تفتكرو هل تستحق ان الواحد يشتريها (انا راكب ريو 2003) ... العربيه موديل قديم شويتين ... بس كل الكماليات موجوده .... انا معنديش مشكله في تحمل اسعار الصيانه في سبيل انها تكون عربيه حلوه ...
المهم تفتكرو السعر ممكن يبفى كام ... الرينج الطبيعي ....
اكشف عليها فين قبل ما أخلص مع البايع....
ايه اهم الحاجات اللي اخد بالي منها بخلاف الكشف الطبيعي على العربيات المستعمله .... على اعتبار انه المشكله في هتبقى بفوره..
ولكم جزيل الشكر على اهتمامكم ...

لالالالالالالالالالالالال الالا
عايز تركب عربية موديل 1989 و انت راكب موديل 2003....يا راجل ده كلام!!

ما هي دي كيا .... ودي بي ام

وبعدين انا كده كده محتاج عربيه تانيه
يعني مش ها ابيع دي

اشتري يا ريس....و ارفعها في بنزينة نضيفة الاول و ياسلام لو تاخد معاك حد بيفهم فيها كمان

و مبروك يا مان

بكام ؟؟؟
والاقيه فين اللي بيفهم ده :lol: :lol:

انا رائى انك ترفعها عن التوكيل (ابو الفتوح) يتم عمل كشف شامل للعربيه من جميع النواحى
سعر الكشف يتراوح من بين 210 الى 250 جنيه تقريبا هوه صحيح غالى بس ده اضمن حاجه خصوصا انك هتركب بى ام

محدش عنده فكره عن سعرها المفروض يبقى في حدود كام ؟؟؟؟؟

حسب الحالة...و الكيلوهات....كده....بس من حوالين ال46....لو يعني نضيفة مووووووووووووووت

يا خبر ابيض ............. دا طالب 68

سوري جدا.....58 غلطة مطبعية

تقريبا هوة اللي بيحلم هنا ده

http://www.car100100.com/search.php?...ice%20desc&p=2

هو ده .............. :lol:
ايه رأيك في الكلام
لو نضيفه قوي زي ما بيقول وعرفنا نخلصها اول الستين

منصحكش....الموديل ده اصلا فيه مشاكل تبريد...و هترمي فلوسك على الارض بجد...والمشكلة بفورة

بس خلاص ............. انا كنت مستني حد يقولي لا :cry:

بس انا نفسي اركب بي ام 316 :cry: :oops:

اقتباس:

---

المشاركة الأصلية كتبت بواسطة Mgio

بس انا نفسي اركب بي ام 316 :cry: :oops:

---

ماجد يا حبي حرام تدفع فيها 78 والدبانة بتبتدي من اول السبعينات
يعني ب 75 ولا 80 تركب دبانة من اول 92 الشكل الجديد وسيبك من الشكل القيم اللي اتفحت واتردم
من كتر الجري
خاصة لو حبيت تبيع هاتخسر لان مش هاتلاقي حد يقبل الحوار ده

معلش بس دي الحقيقة

اقتباس:

---

ماجد يا حبي حرام تدفع فيها 78 والدبانة بتبتدي من اول السبعينات
يعني ب 75 ولا 80 تركب دبانة من اول 92 الشكل الجديد وسيبك من الشكل القيم اللي اتفحت واتردم
من كتر الجري
خاصة لو حبيت تبيع هاتخسر لان مش هاتلاقي حد يقبل الحوار ده

معلش بس دي الحقيقة

---

انا مع كلام الخ كريم

ممكن تزود حبة صغيرة و تجيب الشكل الأجدد

يا جماعه ايه حكايتكو مع الارقام انا بتكلم على اول الستين ............ يعني من 60 الف لغاية 65
كريم راح في اخر السبعين وبعدين دخل في الثمانينات :lol:

المصيبه ان زيزو قبلكو كان بيكلم في الاربعينات
:roll: ............


المهم بقه الي يلاقي دبانه حلو يبقى يقولي 8)

من رايي لو مش معاك غير الفلوس دي دلوقتي تشوف كورولا 95 او لانسر 98 تجيبها لحد ما يتوفر معاك فلوس الدبانه تبيع و صدقني مش حتخسر علشان الطلب عليهم جامد في السوق و تكمل و تجيب العربيه اللي نفسك فيها و انت مرتاح انما مش تورط نفسك في عربيه تخسرك علشان نفسك تركبها و ممكن تلع تعبانه و تقرف منها في خلال شهر و تبقي عاوز تخلص منها باي تمن

كلام 100% يا أخ حازم