غيرت الدبرياش والدبرياش على هل ده طبيعى؟

**spiky1** · 22-12-2012 07:35 PM

عندى استفسار البلية كانت بايظة و غيرتها وغيرت معاها الاسطوانة و الدسك مع ان حالتهم كانت معقولة مش بايظين بس عشان يبقى الطقم كله جديد و ما اعملش القصة دى تانى قريب بس اللى لاحظته ان الدبرياش بقى عالى عن الاول .. العفشجى بيقول عادى وانا مش مقتنع.زايه رأيكم

**original** · 22-12-2012 08:31 PM

أكيد بعد التغيير الدنيا بتتغير..

**exact** · 22-12-2012 09:19 PM

عجيب أمر المنصورة... الدبرياج والفرامل عند العفشجي... مش فاهم ازاي

عموما الدبرياج لازم يبقى فيه حوالي سنتي بتحركه بصباع (Free Play) عشان ما يبقاش محمل عالبلية... واللي اعرفه وشفته بنفسى ان بعد وقت بسيط يومين تلاتة مثلا بتلاقي الدبرياج بدأ يوطى شوية على ما الديسك يكون ظبط

حضرتك الدبرياج العالي زيادة ده بيعجل بتلف بلية الدبرياج لأنه بيكون كأنك ساند رجلك عالدواسة باستمرار... والدبرياج الواطي زيادة عن اللازم بيصعب النقل وبيخلي الفتيس يعض

**spiky1** · 23-12-2012 03:39 AM

متشكر جدا يا جماعة على الردود
وهو فعلا الدبرياش والفرامل عندنا فى المنصورة عند العفشجى مفيش حد متخصص دبرياش وفرامل لكن فى ناس متخصصة فتيس بس مش عفشة عموما زى الباقى

**exact** · 23-12-2012 01:08 PM

المشاركة الأصلية كتبت بواسطة spiky1

متشكر جدا يا جماعة على الردود
وهو فعلا الدبرياش والفرامل عندنا فى المنصورة عند العفشجى مفيش حد متخصص دبرياش وفرامل لكن فى ناس متخصصة فتيس بس مش عفشة عموما زى الباقى

بس العفشجي ملوش اي علاقة بالفرامل والدبرياج... بتاع الفتيس طبعا يشتغل دبرياج

انما الفرامل اساسا في كل مكان عدا المنصورة شغلة الميكانيكي دايما.... لأنها حتى مرتبطة بشغل الفاكيوم بتاع الموتور