عربية اوتوماتيك زيرو ب 80 الف ردو عليا ضرورى

**asmaa1990** · 22-12-2012 07:36 PM

السلام عليكم لو سمحت عندى استفسار مهم وياريت تجاوبونى فى اقرب وقت انا هاشترى اول مرة عربية ان شاءالله وعاوزة واصفات معينة ياريت تقولى ايه الى تناسبنى اولا انا عاوزاها أوتوماتيك
ماتزيدش عن 85 الف جنيه
مساحتها كويسة وياريت شنطتها تكون كبيرة
قطع غيارها متوفرة ورخيصة الى حد ما
تكون عربية كويسة يعنى انا ك بنت عاوزة عربية ماتتعبنيش فى سواقة ولا فى مشاكل عشان كدة عاوزاها زيرو بس بردة محتارة
انا اتعرض عليا Renault logan
بس فى ناس قالت البيكانتو افضل بس صغيرة وشنطتها صغيرة
انا محتارة وبجد مش عارفة
Renault , hyundai , kia ,verna …………ولا ايه اعتبرو نفسكو اخواتى بليز وانصحونى وخدو بالكو انا عاوزاها ليا ولماما يعنى تعتبر عائلية مش شرط تكون بناتى اوى المهم يكون مواصفاتها حلوة وشكلها كويس
انا بثق فى منتداكو وعاوزة حد يساعدنى يقولى ايه الافضل عشان خايفة اجيب حاجة وارجع اندم
وشكرااااااااااااااااااااا اا

ملحوظة بس الى يعرف ومتأكد من المعلومة يقول عشان ماتلخبطش

**ahmedsamy90** · 22-12-2012 08:38 PM

Renault logan

**mhassan9** · 22-12-2012 08:41 PM

لوجان أتسب حاجه في السعر دا أو سانديرو أتوماتيك ودي هاتش باك شوف مرتاح لمين أكتر من الشكل الخارجي لأنهم من جوا نفس الشئ بالظبط
الفيرنا فقيرة شوية من حيث الخامات ووسائل الأمان وواطية شوية
البيكانتو عربية مش عائلية ومش بتاعة سفر لو أنت عايزها أستخدام ليك مش لأسرة ومش بتسافر كتيير ممكن ساعتها بس تبقي أحسن من اللوجان

في النهاية شوف أحتياجاتك واللي ترتحله نفسياً هاته هما عامة كلهم تقريباً ميفرقوش عن بعض كتيير غير أن الفيرنا الوحيدة تجميع مصري

ربنا يوفقك أن شاء الله

**xman7461** · 22-12-2012 08:51 PM

انا شايف الانسب والاشيك ليكي كيا بيكانتو

**S O P H O S** · 22-12-2012 08:53 PM

كراي فقط البيكانتو تصلح ليكي اكتر
والله اعلم ..

**gebreel** · 22-12-2012 09:08 PM

في رأيي السانديرو هتبقى ممتازة بالنسبة ليكي كسعر و امكانيات و وسائل امان و البيكانتو الاوتو بصراحة حاسس ان سعرها مبالغ فيه مقابل اللي بتديه

السانديرو و اللوجان 1 مع اختلاف شكل حارجي و السنديرو اضيق سنة صغيرة من ورا من اللوجان و شنطتها قد شنطة اللانوس بالظبط

وكيل رينو محترم و رينو فرنسا نفسها في ظهرنا كمالكين للعربيات و اي حاجة مش كويسة من التوكيل بمجرد ما توصل بميل صير لرينو فرنسا الدنيا بتتظبط في اقل من 48 ساعة

قطع الغيار موجودة برة التوكيل و جوة التوكيل و اسعارها سواء برة او جوة ممتازة و انا بصراحة مفكرتش اجيبلها حاجة من برة لحد النهاردة ... حتى الفانوس لما انكسر في ال2010 من حوالي سنة كدة تقريبا طلعت على التوكيل اشتريته بالضريبة و اصلي ب200 جنيه شامل اللمبات =) و كان برة تايواني ماركة ديبو ب180 جنيه من غير لمبات =)) علما بان الفرق ده كان في ضريبة المبيعات
تيل الفرامل الاصلي جوة التوكيل بحوالي 250 جنيه مع الضريبة و التركيب ممكن يوصل من 300 الى 330 تقريبا ده كدة عينة لاسعار قطع غيار اللوجان

**abokoko** · 22-12-2012 09:32 PM

byd اتوماتيك
عائلية
http://www.nilemotors.net/Nile/220537-byd-f3.html

BYD - نايل موتورز - NileMotors.net

**NaderNabil** · 22-12-2012 09:54 PM

لوجان أوتوماتيك...أكثر عربية بتدفع فلوس و تاخد مقابل مناسب للي دفعته

السانديرو حلوة بس مرتحتلهاش...بس في الأخر هي أذواق

البيكانتو جميلة بس غالية جداً و سعرها مش متناسب مع اللي هاتخده منها...

**asmaa1990** · 22-12-2012 10:20 PM

ثانكس ليكو كلكو شكلى كدة والله أعلم هاجيب رينو لأن هى الى استقريت عليها لحد دلوقتى وكمان بابا معجب بيها بس انا قلت اسالكو لانكو ذوى خبرة وانا اول مرة اشترى عربية سو ثانكس أجين :d

بس فى حاجة تانية بم انى هاجيب رينو يبقى الافضل لوجان ولا سانديرو وسيبكو من حوار الشكل يعنى اللوجان شكلها حلو بالنسبة لى عاجبانى انا اقصد الامكانيات والتحمل والوسع وكدة وشكرة

الموضوع: عربية اوتوماتيك زيرو ب 80 الف ردو عليا ضرورى

LinkBack

أدوات الموضوع

عرض

عربية اوتوماتيك زيرو ب 80 الف ردو عليا ضرورى - انشر الموضوع فى :

-

-

-

المواضيع المتشابهه

تيدا 2009 وللا لوجان زيرو وللا بى واى دى زيرو اوتوماتيك ؟

معروض عليا اشترى a11 اوتوماتيك ايه رايكم

نيو اكسنت اوتوماتيك ||| اوبترا اوتوماتيك ||| برجاء الافاده (زيرو)

مطلوب عربية زيرو أو كسر زيرو للبدل بشقة تمليك 170م تشطيب سوبر لوكس

مساعدة فى نوكيا n96 ضرورى قبل مايتنصب عليا !!!

الكلمات الدلالية لهذا الموضوع

المفضلات

المفضلات

ضوابط المشاركة