اقرا الحادثه!!!

**tutankhamoun** · 21-07-2008 08:51 PM

أستاذ حسين تحياتي الحارة لك
و أنا أشعر بك و أشعر بالمرارة التي تتملك مشتري جديد للسيارة لم تصل حتى إلى 1000 كم

و الله أنا حزين فعلا

بس زي ما قال الأخوة الأفاضل قبلي
أتكل على الله و خد مبلغ التعويض أحسن و 70 ألف جنيه أحسن من العربية اللي عاملة حادثة و متصلحه
و بكدا ممكن تدفع المبلغ ده مقدم لجين 2 الفاس ليفت أو حتى تغير العربية خالص لو أنت نفسك قفلت منها و فيه عندك في السوق سيارات كثيرة جيدة في نفس مستوى السعر الخاص بالجين 2
و ربنا معاك و يصبرك و يرزقك الرضاء بقضائه

و ربنا يحفظنا و يحفظك من كل شر و من شرور الطريق

**hussien456** · 22-07-2008 12:23 AM

انا متهيالي التوكيل بيبالغ جدا جدا في اسعار التصليح
اذا استثنينا الاير باج اللي ب 15 الف يبقي 22 الف في شويه بلاستيك واكصدام
هما بنفسهم قالولي الخبطه مااثرتش لا في الشاسيه ولا الموتور ولا اي حاجه جوهريه
بالاسعار دي الواحد يبعها حته حته ب نص مليون جنيه!!!!!!

**Chicco** · 22-07-2008 05:15 AM

لا حول و لا قوة إلا بالله العلي العظيم
أولا ألف سلامة على حضرتك و فداك ألف عربية ....انفجار الأطار الأمامي على ٩٠ كم مش حاجة سهلة و الحمد لله إن العربية ما تقلبتش

أنا رأي من رأي الأخوة الأفاضل إن حضرتك تاخد الفلوس و تجيب عربية تانية ...سواء جين ٢ برضه أو حاجة تانية ده راجع لحضرتك و مدى تقبلك ليها

أي عربية حتتفك و تتباع قطع غيار حتجيب أكتر من تمنها ...و ده غالبا اللي حيحصل في عربية حضرتك ...حتتفك و تتباع قطع غيار مستعمل و حتجيب فلوس كتير بس ده حوار ليه ناسه بتوع عربيات الحوادث

٣٧ ألف مش كتير على وصف الحادثة اللي في الموضوع اللي أتقفل ...خصوصا أن الوسائد الهوائية أتفتحت ...فالتابلوه أكيد أتدمر ....يعني أير باجز و لسه فيه تابلوه و تكييف و رادياتير و أكصدام و فوانيس و غيره .....طبعا بره التوكيل بتبقى أرخص و فيه حاجات ممكن تتصلح انما التوكيل كل حاجة أغلي و كله بيتغير ما فيش تصليح

أخيرا هون عليك يا أخي و احمد ربنا انك الحمد لله بخير... ما فيش حاجة تساوي ضفر ينكسر من بنى آدم .....قدر الله و ما شاء فعل

**amir** · 22-07-2008 08:14 AM

طبعا ربنا معاك و يصبرك
بس يا جماعه في نقطه مش مظبوطه
هو ايه موضوع الجمعيه المصريه للتأمين دايما قارفه الناس كده؟!!
بس ساعه التعاقد تلاقي الكلام زي العسل و ساعه الجد يقرفو الناس كده؟؟ طب ايه لازمتهم و ليه ميدفعوش تمن العربيه الاساسي للراجل؟.؟؟؟؟
امال لو كانت اتسرقت كانو قالولو ايه؟!!!
بطلب من الناس توضيح سر عك الجمعيه و ايه البدائل المتاحه

**haneena** · 22-07-2008 10:01 AM

لا حول ولا قوة الا بالله العلى العظيم
ربنا يصبرك ويعوض عليك ويأجرك فى مصيبتك ان شاء الله
معلش ماتزعلش وقدر الله وماشاء فعل والحمد لله انك بخير ودى اهم من الف عربية
وانا راى برده زى ماقال الاعضاء الكرام انك تاخد السبعين الف وتكمل عليهم وتجيب عربية تانية واخلص بقى من وجع دماغ العربية دى لانها ممكن تفضل حتى بعد التصليح فى مشاكل وبلاش بقى جين2 تانى الا اذا كنت مقتنع بيها طبعا حضرتك حر انا بس باقول نصيحة لاخ عزيز
وربنا يوفقك للى فيه الخير

**ahmedsiyam** · 22-07-2008 10:44 AM

الاخ حسين

الناس ماشافتش العربية

انا شوفتها و كل الخسائر فى اجهزة السيارة و طبعا الحادثة موش سهلة
انما معلش مافيش اى حاجة جت فى الاساسيات بتاعة العربية و بعدين ماشاء الله و زيى ماقولتلك دى لو كانت عربية تانية كانت جابت شاسيه فورا انما الخبطة ضيعت حاجات كتير مؤثرة فى العربية و غالية نظرا لان قطع غيار العربية اصلا غالية

انت لو صلحتها ممكن ترجع لحالتها الاصلية او لأ و ده احتمال فى اى حادثة بس صدقنى المبلغ كبير لان قطع الغيار اصلا غالية و العربية فيها تكنولوجى موش سهل خالص و موش معقد زيى الفرنساوى مثلا لو كانت العربية دى سيتروين مثلا ماكانتش نفعت تانى

يمكن انا اختلف مع الناس بس العربية ماضاعتش خالص انت ممكن تصلح و تركبها و لو موش عايز ماتقبلش ابدا بمبلغ الـ 70000 دى شركة تامين زبالة و المفروض التعامل معاهم يبقى بقلة ادب يعنى ايه عربية رايحة تعمل صيانة الـ 1000 يحسبوهالك انها شغالة بقالها كتير و تدفعلك مبلغ اقل من مبلغ الوثيقة

**hussien456** · 22-07-2008 12:37 PM

الاخوه الاعذاء
شكرا جزيلا لاهتمامكم وتعاطفكم وردودكم
انا شايف كل الردود بتقول بيع وانا شخصيا ميال لكده نفسيا ولكن خسارة اكتر من 25 الف في شهر مصاريف الترخيص والتامين ونقل العربيه بالونش واشياء اخري مبلغ كبير
معلومه اخري غايبه عن حضراتكم لاني انا ماذكرتهاش ان العربيه اصلا تقسيط مع بنك كريدي اجريكول ودخوني السبع دوخات في سبيل الحصول علي القرض بطاقه ضريبيه وسجل تجاري ورخصه الصيدليه ووصل نور وتليفون وكشف حساب في البنك كميه اوراق فظيعه لدرجه اني كنت فكرت اكنسل وادفع كاش واخلص بس انا من نوعيه الناس او التجار التقسيط عندهم مبدأ حتي لو معاهم اضعاف المبلغ يشتروا تقسيط ويعملوا اي حاجه ببقيه الفلوس يبقي الواحد فيهم ملياردير باملاكه ومديون بمليارات ايضا!!!!!
رجل غني فقير جدا زي محمد صبحي!!!
وكميه الورق والضمانات اللي طلبوها مني ده غير حظر البيع علي العربيه ومكتوب في الرخصه غير التامين الاجباري كل ده لوعملوه مع بتوع القروض الهاربين بالمليارات ما كانوش هربوا طبعا!!!!
وعلشان محدش من حضراتكم يفهمني غلط انا مش منهم ولا بتلزق فيهم !!!! انا راجل غلبان علي باب الله الي حد ما مستور والحمد لله صيدلي معايا صيدليتين بس ايجار بشتغل كويس بس اللي جي علي قد اللي رايح!!!!والحمد لله
خلاصه الكلام لواخدت ال70 الف هحط عليهم شويه كمان من عندي للبنك الفوائد وابدا الحيره من جديد في اختيار عربيه جديده وزيرو ولا مستعمل وكاش ولا تقسيط .... انا معجب بالجن2 بس لوبعتها مش هجيب جن2 تاني غالبا هتكون لانسر او دايو او هيونداي مع اني مبحبهمش بس قطع غيارهم في كل حته واي ميكانيكي ممكن يصلحها يعني مش هحتاج اسافر 500كم عشان الصيانه

**hussien456** · 22-07-2008 12:55 PM

عايز اقول لحضراتكم ان لي صديق عزيز جدا من المنتدي اتعرفت عليه لاني كنت عايز اساله شويه اسئله عن العربيه وطلع راجل محترم جدا وخدوم وذوق وجنتل بجد والله مش نفاق ولما نزلت القاهره اخر مره كلمته واتقابلنا وعزمني علي ام علي بس انا اللي دفعت الحساب!!!!!
انا مش هقول اسمه حتي لا يضيع الاجر او الثواب عليه وحتي تكون صداقتنا الوليده مجرده
انا ذكرت الكلام ده دلوقتي لانه له علاقه بالموضوع اتضح انه يعرف حد كبير في شركه التامين وكلمه بخصوص الموضوع بتاعي ووعده انه هيتدخل ولو خدوا العربيه ب80 هبيعها طبعا

**tutankhamoun** · 22-07-2008 01:00 PM

المشاركة الأصلية كتبت بواسطة hussien456

الاخوه الاعذاء
شكرا جزيلا لاهتمامكم وتعاطفكم وردودكم
انا شايف كل الردود بتقول بيع وانا شخصيا ميال لكده نفسيا ولكن خسارة اكتر من 25 الف في شهر مصاريف الترخيص والتامين ونقل العربيه بالونش واشياء اخري مبلغ كبير
معلومه اخري غايبه عن حضراتكم لاني انا ماذكرتهاش ان العربيه اصلا تقسيط مع بنك كريدي اجريكول ودخوني السبع دوخات في سبيل الحصول علي القرض بطاقه ضريبيه وسجل تجاري ورخصه الصيدليه ووصل نور وتليفون وكشف حساب في البنك كميه اوراق فظيعه لدرجه اني كنت فكرت اكنسل وادفع كاش واخلص بس انا من نوعيه الناس او التجار التقسيط عندهم مبدأ حتي لو معاهم اضعاف المبلغ يشتروا تقسيط ويعملوا اي حاجه ببقيه الفلوس يبقي الواحد فيهم ملياردير باملاكه ومديون بمليارات ايضا!!!!!
رجل غني فقير جدا زي محمد صبحي!!!
وكميه الورق والضمانات اللي طلبوها مني ده غير حظر البيع علي العربيه ومكتوب في الرخصه غير التامين الاجباري كل ده لوعملوه مع بتوع القروض الهاربين بالمليارات ما كانوش هربوا طبعا!!!!
وعلشان محدش من حضراتكم يفهمني غلط انا مش منهم ولا بتلزق فيهم !!!! انا راجل غلبان علي باب الله الي حد ما مستور والحمد لله صيدلي معايا صيدليتين بس ايجار بشتغل كويس بس اللي جي علي قد اللي رايح!!!!والحمد لله
خلاصه الكلام لواخدت ال70 الف هحط عليهم شويه كمان من عندي للبنك الفوائد وابدا الحيره من جديد في اختيار عربيه جديده وزيرو ولا مستعمل وكاش ولا تقسيط .... انا معجب بالجن2 بس لوبعتها مش هجيب جن2 تاني غالبا هتكون لانسر او دايو او هيونداي مع اني مبحبهمش بس قطع غيارهم في كل حته واي ميكانيكي ممكن يصلحها يعني مش هحتاج اسافر 500كم عشان الصيانه

أستاذ حسين
معلش ............. قدر الله و ما شاء فعل و إن شاء الله ربنا يحفظك

طيب بعد الظروف اللي أنت حكيتها ......... و باين إنك حابب العربية أصلا
يبقى أدام العربية تقسيط أصلا ............
أتكل على الله و أقبل التصليح خصوصا أنهم مش بيصلحوا أساسا
ده بيشيل البايظ و يحط مكانه جديد .......... بس إن شاء الله بعد ما تصلح تأخد القطع القديمة البايظة و بيعها في أي حتة

و أنا رأيي إنك تقبل التصليح و حاول تفاصل معاهم شوية و إن شاء الله ربنا يقدم اللي فيه الخير
و أنا أخدت قرار النصيحة ده بعد ما قرأت رد الأستاذ أحمد صيام و ردك و عرفت إن أغلب المشكلة في التابلوه اللي باظ بسبب فتح الوسائد الهوائية
مش عارف فعلا الموضوع محير .........
بس أهم شئ الرضاء بقضاء الله و قدره و الخسارة اللي تيجي في الحديد ما تعتبرش خسارة و زي ما قال الدكتور شيكو ظفر البني آدم أهم مليون مرة من شوية حديد
و يمكن الحادثة دي ربنا بيخلص بيها شوية ذنوب و المؤمن دائما مصاب

ربنا معاك بجد و يصبرك و يرزقك الأفضل إن شاء الله

و موضوع السفر 500 كم ............... علشان تيجي تنور القاهرة

-

الموضوع: اقرا الحادثه!!!

LinkBack

أدوات الموضوع

عرض

-

-

-

-

المواضيع المتشابهه

اقرا الحادثه

اقرا الحادثه

اقرا الحادثه (3 حوادث بين سيراتو و مازدا 3 و عربيات تانيه)يا ترى مين الاقوى فيهم؟؟؟؟؟

اخر خبر اقرا الحادثه HS250h و كامري 2011

خواطر قبل الحادثه

الكلمات الدلالية لهذا الموضوع

المفضلات

المفضلات

ضوابط المشاركة