لكل من يشكك فى سرعة النيو صنى

السلام عليكم
قبل الكلام
الصورة :)
http://sphotos-e.ak.fbcdn.net/hphoto...30423755_n.jpg

كنت مسافر امبارح الصبح العين السخنة على طريق القطامية

طبعا هحكيلكم عن ثبات النيو صنى بعدين لان بجد الرحلة دى غيرت فكرتى عن العربية

المهم انى وصلت لسرعة 210 بس عشان اعرف اتحكم واصور العداد بموبايل تتش سكرين كانت صعبة واضطريت اهدى شوية

بصراحة الطريق كان فاضى وانا كنت شادد عشان الحق اليوم من اوله بس واحد راكب بي ام دبليو افتكرنى بشد معاه وفضل طول الطريق فى ديلى بس بصراحة هو عدانى فى اخر الطريق بس لحقته عند البوابابات :)

هكلمكم بعدين عن الثبات والسرعة والشد

اولا ربنا يباركلك فيها ويكفيك شر الطريق

ثانيا بلاش السرعات العاليه دى خصوصا ان الصنى او غيرها من العربيات من نفس فئتها مش معموله للسرعات دى خالص

ثالثا اى عربيه سواء قويه او ضعيفه ممكن تجيب 200 عادى فالموضوع مش محتاج تشكيك ان عربيه زى الصنى تجيب 200 , بس المهم جابتهم فى اد ايه :)

يا دكتور حسن لا شك فى سرعة الصنى الجديدة بس حضرتك عشان تجيب السرعة دى بالكاوتش الماكسيس ده منتهى الخطورة من حضرتك أنا بجرى 160 من غير قلق بس أنا مغير الكاوتش ومركب كونتيننتال ومعرض كمان 195-60-15 فده بيدى ثبات وأتزان على السرعات بجانب الباور الكهربا أيضا لكن سرعة ذى دى بالكاوتش الماكسيس خطر جدا وربنا يكفينا شر الطريق

محدش شكك في سرعتها ...لكن قلنا مشككين في شكلها :)

ربنا يستر طريقك ..

يا باشا ربنا يباركلك فيها اولا ..حافظ على حياتك ربنا يكرمك ....بس الفكرة مش ف انها تمشى على 200 الفكرة ف الثبات و الفرامل على السرعة دى هو دا المهم

اقتباس:

---

المشاركة الأصلية كتبت بواسطة Hosam_Optrawy

ثالثا اى عربيه سواء قويه او ضعيفه ممكن تجيب 200 عادى فالموضوع مش محتاج تشكيك ان عربيه زى الصنى تجيب 200 , بس المهم جابتهم فى اد ايه :)

---

+1
جابتهم فـ قد أيــــــــــــــه؟؟
وعلى rpm كام؟!!!
والإتزان ومقاومة الهواء عـ السرعات دى كانت عاملة أزاى؟؟
ولو فـ الـstraight؟!!!

اقتباس:

---

المشاركة الأصلية كتبت بواسطة saint2011

بس حضرتك عشان تجيب السرعة دى بالكاوتش الماكسيس ده منتهى الخطورة من حضرتك أنا بجرى 160 من غير قلق بس أنا مغير الكاوتش ومركب كونتيننتال ومعرض كمان 195-60-15 فده بيدى ثبات وأتزان على السرعات

---

هو طبعا خطر انه مشى بكاوتش زى ده على سرعة زى دى؟!!!
رفيع أوى 185 تقريبا..
وأكيد سرعته H (يعنى آخره 210 كم/س)؟!!

أنا أكثر حاجة بخاف منها فـ السرعات العالية.. الكاوتش
ركبت عربيات -الحمد لله- على 240 و250 كم/س.. وسوقت على سرعات فوق الـ220

بيبقى الكاوتش 215-225، كونتينينتال-بريدجستون-بيريللى
سرعته V أو W (يعنى 240-270 كم/س)
كاوتش جديد، ضغط عـ الـmax، وعفشة متربطة-زوايا تمام.. العربية ثباتها بيزيد فوق الـ160+ (ودى حقيقة وفيه عربيات كتير كده)..
وبردو الواحد بيخاف؟!! :eek:

حاجة أخيرة -أنا بحب السرعة والسواقة الـspirited بردو
بس الأمااااااااااااااااااااا اان الأول :nemoflow:

وبالنسبة للعربية -النيو صنى:
أى موتور 2-كامة وبيطلع 100 حصان (bhp مش لازم عـ العجل whp)..
على عربية خفيفة زى كده.. هيجيب 200-210 عادى جدا؟؟!!!

Rgds،

يا قلبك!!!!!!

خللى بالك فعلا من موضوع الكاوتش الماكسيس ده فعلا مع السرعات لان حضرتك كده جبت اخره و ده خطر جدا و ياريت حضرتك تضيف على التجربه بعض المعلومات اللى لاحظتها عن استهلاك البنزين على السرعات و عن العزل كمان كان ايه اخباره مع السرعات العاليه للإفادة

اقتباس:

---

المشاركة الأصلية كتبت بواسطة formulator

هو طبعا خطر انه مشى بكاوتش زى ده على سرعة زى دى؟!!!
رفيع أوى 185 تقريبا..
وأكيد سرعته h (يعنى آخره 210 كم/س)؟!!

أنا أكثر حاجة بخاف منها فـ السرعات العالية.. الكاوتش
ركبت عربيات -الحمد لله- على 240 و250 كم/س.. وسوقت على سرعات فوق الـ220

بيبقى الكاوتش 215-225، كونتينينتال-بريدجستون-بيريللى
سرعته v أو w (يعنى 240-270 كم/س)
كاوتش جديد، ضغط عـ الـmax، وعفشة متربطة-زوايا تمام.. العربية ثباتها بيزيد فوق الـ160+ (ودى حقيقة وفيه عربيات كتير كده)..
وبردو الواحد بيخاف؟!! :eek:

حاجة أخيرة -أنا بحب السرعة والسواقة الـspirited بردو
بس الأمااااااااااااااااااااا اان الأول :nemoflow:

وبالنسبة للعربية -النيو صنى:
أى موتور 2-كامة وبيطلع 100 حصان (bhp مش لازم عـ العجل whp)..
على عربية خفيفة زى كده.. هيجيب 200-210 عادى جدا؟؟!!!

rgds،

---

الخطر بيكون على كل السرعات وفيه عوامل تانية زى نيتروجين ولا هواء عشان التمدد بحرارة الاحتكاك بالارض وكمان معايرة الضغط حسب توصيات الصانع

بصراحة اللى يمشى ان شاء الله دقيقة واحدة على كاوتش ماكسيس او اى حاجة غير البراندات القوية فى عالم الاطارات بالسرعة دى يبقى انتحار رسمى

انا نفسى tweel تنزل من ميشلان قريب وتنتشر بقى عشان اكيد هاتبقى اأمن بمراحل من اى اطار مملوء بالهواء

ما شاء الله هو طريق العين السخنة مغرى

أؤيد كلام الساده الزملاَء
think safety,drive safely

امال انا جبت اخري و اخر حاجة جابتها 180 ليه و ما عرفتش اعديهم

و عامة ربنا يستر طريقنا جميعا

انا مش عارف انت قدرت تمشي بالسرعة دي ازاي
يا ريت تشرحلنا بالتفصيل اتزان العربية على سرعة ١٦٠ و ٢١٠
دا للعلم بالشيئ بس، انا مش ناوي اجرب

مين اللي قال إنها ما تجيبش 200 أو 210 ، إذا كنت انا جيبت بيها 170 في التيست درايف وكانت العربية عاملة 70 كيلومتر يعني بزيت التليين، وكان ممكن أقرص أكثر

-الصني حلوه مفيش كلام
-بس كنا عايزين 220 Km/h , خيرها في غيرها ان شاء الله

ربنا يحفظك و يحفظها

يا د. حسن
انا بقالى شهر عامل اختبار التسارع من صفر ل 120 و مصور العدادات فديو
ما تقومهااااااااااش فى دماااااااغى لانزلكم بالموضوع

اقتباس:

---

المشاركة الأصلية كتبت بواسطة mollaelolla

يا د. حسن
انا بقالى شهر عامل اختبار التسارع من صفر ل 120 و مصور العدادات فديو
ما تقومهااااااااااش فى دماااااااغى لانزلكم بالموضوع

---

انا عايز اشوف الفيديو ده

ممكن حضرتك ترفعه هنا؟

ربنا يباركلك فى العربية و يكفيك و يكفينا جميعا شر الطريق

ياباشا ربنا يبركلك فيها ويكفيك شرها ويسترها عليك بس عندى سؤال هى العربية ex صالون ولا السوبر صالون علشان ممكن تفرق فى الاتزان مع الجنوط الاسبور
والوقت اللى حضرتك جبت فية من سرعة صفر الى 100 كام

السلام عليكم
انا شايف ان موضوع السرعة شادد ناس كتير
بس المفاجأة انى احب اعرفكم انى كان معايا الاسرة وشنط السفر كمااااااااااان :)
والعربية ex salone اوتوماتك
وبالنسبة للاتزان والثبات
العربية لحد 140 بتكون ثابتة كويس
فوق 140 بيكون ثبات اقل شوية بس مش كتير يمكن بسبب ديناميكة الهوا ولما كنت بقف الاقزاز لان صوت الهوا على السرعة دى مكنتش بحس باى حاجة وكمان على سرعة 210 مكنتش دايس دواسة البنزين للاخر
ويمكن تشوفوا فى الصورة استهلاك البنزين فى اللحظة دى لانى بكون مشغله على طول وعموما هو كان بين 10 -14

يا باشا خد بالك ربنا يسترها معاك
وبالذات من طريق العين السخنة انا خبطت الكلب هناك :(

انا اكتر سرعة جبتها بالصنى 160 و انا مغير الكاوتش و عندى كونتننتال 195 60
العربية كانت ثابتة لحد كبير بس لما بتدى اتجاه مفاجئ بتحس ان العربية مش تقيله قوى من قدام بس أعتقد ان أدائها على السرعة العالية كويس جدا بالنسبة لوزنها
وخد بالك من نفسك وربنا يستر طريقك

ربنا يسترها معانا جميعا

ربنا يستر طريقك ..,ويكفيك شرها

العربية فعلا متورها كويس .. احنا جبنا بيها 185 كيلو / الساعة في التيست درايف و هي لسه بتلين و كانت عاملة 40 كيلو فقط

بس فعلا بلاش السرعات العالية ديه لأنه خطر جدا خصوصا ً ان طرقنا غير ممهدة للسرعات ديه و ربنا يسترها علينا كلنا

طب مشفتش يومها حتة أسترا سوداء طايرة من جنبك.. lol
أنا كنت على طريق السخنة برضه اليوم ده الصبح :)
الطريق مغري للجري فعلاً..

و في مرة كنت عليه و مثبت على 170 و واحد بـX3 الجديدة جاي من ورايا و عداني و كبرت في دماغي أني أجيبه و الحقيقة اني مشفتهوش تاني لحد أخر الطريق lol

اقتباس:

---

المشاركة الأصلية كتبت بواسطة dede_dodo88

طب مشفتش يومها حتة أسترا سوداء طايرة من جنبك.. Lol
أنا كنت على طريق السخنة برضه اليوم ده الصبح :)
الطريق مغري للجري فعلاً..

و في مرة كنت عليه و مثبت على 170 و واحد بـx3 الجديدة جاي من ورايا و عداني و كبرت في دماغي أني أجيبه و الحقيقة اني مشفتهوش تاني لحد أخر الطريق lol

---

ههههههههههههه
تقريبا اخدت بالى من الاسترا السوده فى المرايه
الحقيقة انا لحقت البي ام عند البوابة بس معظم الطريق انا اللى كنت سابق :)

استنه بس اشحن الكاميرا واحطلك 230 كيلو متر فى الساعه لاول مرة فى التاريخ 1500 سى سى بدون اى تعديلات وساحب ورايا bmw 318i -2005
والحمد لله معايا شاهد احد منسقين المنتدى

اقتباس:

---

المشاركة الأصلية كتبت بواسطة lanos2004

استنه بس اشحن الكاميرا واحطلك 230 كيلو متر فى الساعه لاول مرة فى التاريخ 1500 سى سى بدون اى تعديلات وساحب ورايا bmw 318i -2005
والحمد لله معايا شاهد احد منسقين المنتدى

---

ربنا يوعدنا بالفيراري

ربنا يستر طريقك
بتقول معاك عيلتك.......طب خاف عليهم
مش حاقوللك اني بامشي علي مهلي و الكلام ده ...... انا باحب الجري جدا و بجيب سرعات اعلي من كده
بكتير بمكن لحد 280 و داخلين علي 300 ( مش في مصر طبعا ) دي كانت سواقه العمر في المانيا .
لكن هنا لما تكون العيله معايا بيكون اخري 160 او 180 و مش كتير .
ربنا يحفظك و يحفظنا جميعا من شر الطرق .

اقتباس:

---

المشاركة الأصلية كتبت بواسطة szaalouk

ربنا يستر طريقك
بتقول معاك عيلتك.......طب خاف عليهم
مش حاقوللك اني بامشي علي مهلي و الكلام ده ...... انا باحب الجري جدا و بجيب سرعات اعلي من كده
بكتير بمكن لحد 280 و داخلين علي 300 ( مش في مصر طبعا ) دي كانت سواقه العمر في المانيا .
لكن هنا لما تكون العيله معايا بيكون اخري 160 او 180 و مش كتير .
ربنا يحفظك و يحفظنا جميعا من شر الطرق .

---

ربنا يسترها معانا جميعا
بس تفتكر - لا قدر الله- لو العجلة اتفجرت هتفرق لو على 180 او 210؟؟؟؟ :) :)