تيل الفرامل المصري وزيت توتال بجد حرام

**hesham1978mmmm** · 22-12-2012 11:57 PM

انا عربيتي برسونا 2012 وطبعا لسه في الضمان كنت باعمل صيانة ال20 الف في الصحراوي قالولي محتاج تغير تيل فرامل امامي المفجأة بقي ان التيل البوش الأصلي ثمنه بالمصنعية 1300 اه والله حرام ده ولا لأ والمصري 300 جنيه بس المصري يخلي ضمان الطنابير 30 ال كم المهم غيرت للمصري والمفجأة الأكبر وانا بادفع الفاتورة شفت امر الشغل لقيت ثمن التيل المصري 150 جنيه قالتله اومال ايه 300 قالي لأ بالمصنعية يعني تركيب تيل فرامل ب150 ج المهم ركبته وبقالي اسبوعين وبصراحة اتخنقت منه كل شوي يصفر وحاجة تقرف والجديد بقي في التوكيل ممنوع تغيير الزيت غير التوتال اللي عندهم المهم غيرت زيت 10000 كم بس بصراحة صوت العربية بقي زبالة عالي جدا انا كنت حاطط الأول شل مكنش الصوت كده بس مش عارف اعمل ايه وخصوصا في موضوع التيل وبعدين سألت المهندس بما ان ضمان الطنابير هيخلص عند ال 30 الف كم اغير تيل بره قالي بس كده هتطلع السريفو والكاليبرات بره الضمان اعمل ايه دلوني وخصوصا ان التيل المصري ده زبالة جدا

**mhassan9** · 23-12-2012 12:15 AM

هو مينفعش تشتري تيل من بره وتركبه عندهم؟؟

**mhassan9** · 23-12-2012 12:32 AM

انا مهلش عندي سؤال مهم بالنسبة لموضوع الزيت دا
أنا لما كنت بروح الصيانة في هيونداي كانوا بيسألوني هتغير زيت وفلتر ولا لأ
بقولهم لأ لسه مغيرهم عشان أنا كنت ممكن أروح صيانة 10 ألف في ال 11 أو 12 ألف
فأيه المشلكة لو غيرتم الزيت بره التوكيل قبل ما تروحوا بالنوع اللي أنتوا عيزينه وتغيير الزيت يعني أكيد مش هيطلع العربية بره الضمان وإلا يبقي أستهبال رسمي
يا ريت حد يوضح النقطة دي وهل كلامي ينفع ولا لأ

**i_Am_Legend** · 23-12-2012 12:46 AM

ايه التهريج دة...والاسعاااار دي...

**MNabeih** · 23-12-2012 01:22 AM

تيل مصري !!!!!!!!
انت اكيد بتهرج
و التوكيل ابن اللزينة دة يا يركب الاصلي ابو 1300 يا اما مصري مافيش حتي تايواني واللا اسباني؟؟!!, مصري!!!
و علي فكرة المشكلة مش في الصفارة اللي بيعملها التيل, لأ, المشكلة معامل احتكاكة كام عند درجة حرارة كام؟؟؟؟؟؟!!
يعني هيفرمل علي سرعات عالية واللا لأ؟؟؟؟
و يا بجاحتهم يعني بيبيعو التيل و يقولك ضمان الطنابير هينزل, الله طب ما اللي وفرته في تمن التيل هيدفعهولك في تغيير طنابير بدري قبل معادها و أدة مرتين تلاتة اربعة كمان, لأ بجد استهبال
نصيحة لوجه الله غير التيل و بلاش استرخاص في التيل بالذات
احنا كنا بنجيب تيول و نخلي التوكيل يركبها بس تيول محترمة جدا انضف 100 مرة من الاصلي بتاع التوكيل(فيات)
الزيت عشان ما تطلعش برة الضمان غيره عندهم ماشي, بس خده معاك يغيرهولك قوللهم مش عاوز توتال و خد معاك الشيل و خالليهم يغيروه

**eng.m7md.ali** · 23-12-2012 02:17 AM

هو ده عز العرب وهي دي سياسته

استعوض ربنا في ال 300 جنيه بتوع التيل الزبالة ده واشتري تيل نضيف بتاع الفيات بترا زي المايلي مثلا وركبه .. ولو حصل حاجة لاقدر الله في الطنابير ركب المصري تاني وروحلهم اعملهم حفلة في التوكيل عشان الغباء اللي هما فيه ده

اما بالنسبة للزيت لو متضايق منه ممكن تنزله وتحط زيت شل مثلا .. لكن انا من رأيي اصبر عليه

ونصيحة : لو حضرتك بتعمل صيانات في عصام وصفا ممكن تتفاهم مع المهندس عصام انه يسمحلك بتغيير الزيت اللي تحبه بدل توتال

**Formulator** · 23-12-2012 02:34 AM

المشاركة الأصلية كتبت بواسطة MNabeih

تيل مصري !!!!!!!!
انت اكيد بتهرج
و التوكيل ابن اللزينة دة يا يركب الاصلي ابو 1300 يا اما مصري مافيش حتي تايواني واللا اسباني؟؟!!, مصري!!!
و علي فكرة المشكلة مش في الصفارة اللي بيعملها التيل, لأ, المشكلة معامل احتكاكة كام عند درجة حرارة كام؟؟؟؟؟؟!!
يعني هيفرمل علي سرعات عالية واللا لأ؟؟؟؟
و يا بجاحتهم يعني بيبيعو التيل و يقولك ضمان الطنابير هينزل, الله طب ما اللي وفرته في تمن التيل هيدفعهولك في تغيير طنابير بدري قبل معادها و أدة مرتين تلاتة اربعة كمان, لأ بجد استهبال
نصيحة لوجه الله غير التيل و بلاش استرخاص في التيل بالذات
احنا كنا بنجيب تيول و نخلي التوكيل يركبها بس تيول محترمة جدا انضف 100 مرة من الاصلي بتاع التوكيل(فيات)
الزيت عشان ما تطلعش برة الضمان غيره عندهم ماشي, بس خده معاك يغيرهولك قوللهم مش عاوز توتال و خد معاك الشيل و خالليهم يغيروه

+1
التيل الـBosch بتاع الفيات T-JET ألمانى made-in-germany
(لأن كل سيستم الفرامل فـ الفيات بوش)
كان فـ أوماترا -اللى بنقول عليهم حراميه- بـ660-700 جنيه بالضريبة؟؟!!!

يبقى عز العرب يبيع تيل بوش (أكيد مش ألمانى) بـ 1300 جنيه؟!! ليــــــــــــــه؟؟

وفعلا كنا بنجيب تيل الـEBC GreenStuff وفيه كانوا بيجيبوا Ferodo (ده Brembo) إيطالى بنفس سعر الـoem وأرخص؟!! وبنركبه فـ التوكيل.

بالنسبة للتوتال Quartz 9000 ده كله أجمع انه زيت فاشل

يقولك بقى Fully Synthetic.. يقولك بيتحط فـ مواتير الكرايسلر والدودج الـ8-سلندر.. كل ده ألش؟!!!

ودلوقتى معظم التوكيلات بتقولك هات الزيت اللى انت عايزه بس يبقى نفس الـSpecs
(ماعدا VW و BM عشان الـrecommended كاسترول - جوا مصر وبرا).. وطبعا الـMerc موبيل1.. بس!!
غير كده كل التوكيلات تقريبا عادى مفيش مشكلة!!

لا حول ولا قوة إلا بالله

**Motarjim** · 23-12-2012 05:25 PM

تيل فرامل بـ 1300 جنيه، وفانوس خلفي واحد بـ 1200 جنيه؛ هي العربية دي بروتون باسات ولا جيتا؟!

**eng.m7md.ali** · 23-12-2012 05:31 PM

المشاركة الأصلية كتبت بواسطة motarjim

تيل فرامل بـ 1300 جنيه، وفانوس خلفي واحد بـ 1200 جنيه؛ هي العربية دي بروتون باسات ولا جيتا؟!

المفروض ان سعر التيل ده ب 800 مش عارف رفعوو سعرو تاني ليه؟؟

تقريبا رفعوه عشان الحمام الجديد اللي عملوه قدام الورشة ههههههههههههههههههههههههه ه

وغير كدة الفوانيس الخلفية عند محل مكة في شارع دمشق ب 450 جنيه الواحد " اصلي " ليه ب 1200 جنيه في التوكيل ؟

صبرنا يارب

الموضوع: تيل الفرامل المصري وزيت توتال بجد حرام

LinkBack

أدوات الموضوع

عرض

-

-

-

-

-

المواضيع المتشابهه

زيت الدبرياج وزيت الفرامل

شرح تغيير البوجيهات وزيت الفرامل والموتور

زيت الباور وزيت الفرامل هيونداي فيرنا 2008 اوتوماتك

عاوز أغير السيور وزيت الفرامل

الكلمات الدلالية لهذا الموضوع

المفضلات

المفضلات

ضوابط المشاركة