جلاكسي نوت٢، أجيبة بضمان ولا من غير؟

**assaf** · 25-12-2012 03:13 PM

المشاركة الأصلية كتبت بواسطة mahmoud nagieb

معلش استفسار

هو من غير الضمان بكام دلوقتى ؟

انا اخر مره سألت عليه كان ب 3900
لو تعرف حد بره خليه يجبهولك احسن في السعوديه دلوقتي بضمان الحداد 2100 ريال

**amribrahim** · 25-12-2012 03:43 PM

المشاركة الأصلية كتبت بواسطة assaf

انا اخر مره سألت عليه كان ب 3900
لو تعرف حد بره خليه يجبهولك احسن في السعوديه دلوقتي بضمان الحداد 2100 ريال

إيه دة أنا لسة سائل عليه في سراج من اسبوعين و سعر كان 4200 من غير ضمان و 4880 بضمان

**tamerosman** · 25-12-2012 09:04 PM

3650 جراى و اﻻبيض 3800 من غير ضمان و علبة مبرشمة صناعة كورى
اسكندرية

**مواطن مصرى** · 25-12-2012 09:32 PM

من غير ضمان 3800-3900
بالضمان 4400 الى 4600 ...

الفارق اكثر من 500 جنيه مش مجرد 400 جنيه ...

لو يهمك الفلوس اشتريه من غير ضمان و انت مغمض بس راجع محتويات العلبه كويس قبل ما تشترى و اشتريه من مكان مضمون

لو يهمك الضمان و خايف من موضوع الروت اعمل التالى :

1- فيه برنامج اسمه temp root بيعمل root لفتره مؤقتة و بعدين تلغيه

2- لو هاتعمل root على طول قبل ما تعمله ادخل على SamMobile.com | Everything for your Samsung Mobile | SamMobile و نزل الروم الرسميه بتاعت سامسونج و احتفظ بيها عندك و لو حصل اى مشكله فى الجهاز قم بعمل فورمات للجهاز و إعاده تحميل الروم الرسميه تانى عن طريق برنامج اسمه ODIN ووديهولهم التوكيل و هما مش هايعرفوا انك عملت root من اصلوا

**masterzmind** · 25-12-2012 09:51 PM

معلش يا جماعه يعنى ايه root ؟

**Khaled Online** · 25-12-2012 10:05 PM

المشاركة الأصلية كتبت بواسطة masterzmind

معلش يا جماعه يعنى ايه root ؟

root = format + new operating system
بس للتليفون مش الكمبيوتر
يعني يشيل السوفت وير الأصلي اللي نازل بيه الجهاز وينزل هو سوفت وير تاني فيه ميزات أكتر

**Hussein_Emara** · 25-12-2012 11:39 PM

المشاركة الأصلية كتبت بواسطة Khaled Online

root = format + new operating system
بس للتليفون مش الكمبيوتر
يعني يشيل السوفت وير الأصلي اللي نازل بيه الجهاز وينزل هو سوفت وير تاني فيه ميزات أكتر

كده Rom مش Root.
====================
انك تعمل Root يعني انك تدي السوفت وير اللي على تليفونك اعلى صلاحيات للتعامل مع الجهاز

و ده ممكن يتعمل على السوفت وير الاصلي Original ROM او اي ROM تنزلها بنفسك

و الهدف منه انك تقدر تتعامل مع كل المتغيرات اللي مقفولة في نظام التشغيل كحماية لنظام التشغيل او الجهاز نفسه

ده بيدي امكانيات اعلى بس في نفس الوقت مخاطر اعلى

**naser_56** · 26-12-2012 02:54 AM

المشاركة الأصلية كتبت بواسطة Khaled Online

ومنكم نستفيد :)
بس كده إيه الفرق؟

root بمعني كسر حمايه النظام واخذ صلاحيات اكبر للتعديل علي السيستم بمعني انك تقدر تدخل علي ملفات السيستم وتعدل فيها براحتك حذف واستبدال واضافه وخلافه والاغلب بيستخدمها علشان يغير خط الجهاز الاصلي وممكن تعتبرها ذي الجيل بريك للايفون

rom هو السوفتوير بتاع الجهاز ويقولك روم مطبوخ مثلا بمعني ان السوفت متعدل عليه وراكب عليه برامج ومتعدل فيه خط الجهاز مثلا وممكن يكون مكسور سرعه المعالج علشان يديك سرعه اكبر او تشغيل او ايقاف بعض الخدمات لاطاله عمر البطاريه وطبعا كل طباخ (مبرمج ) وعلي حسب ذوقه في اللمسات التي يضعها للروم بتاعه

طبعا اي روم مطبوخه هتركبها لابد من وجود روت علي الجهاز

الروت بيلغي الضمان بتاع الجهاز وطبعا الموضوع ده بيتم التحايل عليه بتركيب روم اصليه للجهاز ودي الطريقه الوحيده لازاله الروت من الجهاز يعتبر الجهاز كأنه بسيستم المصنع

الروت يلغي التحديث الهوائي للجهاز بمعني انه لو في تحديث نزل للجهاز مش هتقدر تحدثه

**ahmed_m_ashraf** · 26-12-2012 04:48 AM

تمت بحد الله وإشتريته بدون ضمان ( 14 يوم ضمان إستبدال من المحل الشناوي ).
السعر 3950 ( فين ب 3800 و 3600 ؟!! الشناوي تقريبا أرخص حد "مضمون" في إسكندرية )
التليفون وارد السعودية وكان متبرشم بإستيكر المصنع والعلبة زيرو ولا فيها خدش.
الحمد لله الجهاز زي الفل بقاله أكتر من 30 ساعة معايا وإن شاء الله ميكونش فيه مشاكل.

بالنسة للفرق بين ال root و ال flash/rom زي الناس موضحت. ال root كسر حماية أو فتح. إمكانيات super user فقط على السوفتوير الأصلي أما ال flash ده بيبقى تنزيل سوفت وير متعدل.

-

الموضوع: جلاكسي نوت٢، أجيبة بضمان ولا من غير؟

LinkBack

أدوات الموضوع

عرض

-

-

-

-

-

-

المواضيع المتشابهه

جلاكسي تاب

سؤال لاصحاب ال جلاكسي s2 , s3 و جلاكسي note

جلاكسي نوت للبيع

استشارة في شراء جلاكسي اس 2 ....

حد جرب جلاكسي برو ؟

الكلمات الدلالية لهذا الموضوع

المفضلات

المفضلات

ضوابط المشاركة