عرض للطباعة
إيه رأيكم يا شباب، الفرق حوالي ٤٠٠ جنيه!!!
كمان عندي إستفسار، حد معاه تليفون سامسونج من غير ضمان حصلت له مشكلة وراح التوكيل يصلحة على حسابة؟ ساعتها هل التوكيل بيقبل عادي ولا بيرفض؟؟؟؟؟
دي أول مرة أفكر أشتري من غير ضمان، وعمري ما إستخدمت الضمان قبل كده قمستخسر ال ٤٠٠ جنيه فرق، غير إني ناوي أعمل root فكده كده ممكن الضمان ميبقاش ساري ساعتها.
طالما انك ناوي تعمل روت يبقي وفر انته ال ٤٠٠ جنيه افضل وبعدين كده كده الضمان بيصدقو ما بيتلككو علي حاجه ممكن يكون عيب تصنبع ويقلك ده عيب استخدام عموما مبروك الجهاز مقدما وتتهني بيه وهو فعلا جهاز اكثر من رائع
ولا ليه اى لازمة الضمان
انا جبت النوت 1 اول مانزل ب 4000 من غير ضمان وكان بضمان ساعتها ب 4600
وكان كويس وزى الفل لحد مابعته
وجبت ال s2 مستعمل بحالة الجديد وعايش وزى الفل
أنا أعرف أتنين واحد معاه نوت 1 و التاني معاه تاب
كل واحد حصل معاه مشكلتين و بيتصلحوا في الضمان.
اللى أنا فاهمه منك أنك هتعمل روت يعني زي الجيل بريك فى الأيفون..........طيب لو حصل مشكلة بسبب عيب صناعة أيه المشكلة أنك تنزل ال os الأصلي تاني ؟
الأيفون ممكن تعمل فيه الحركة دي عادي.......طبعاً لو الجهاز بيفتح و الشاشة شغالة عادي......مع أنها برضه ممكن تتعمل لو الشاشة مش شغالة.
بدل هتعمل رووت يبقى ملوش لازمه الضمان انا تليفونى اس 3 كان بيهنج بسيط وديته لتوكيل يونيون اللى فمصر الجديده قالى لو عملتله رووت يبقى الجهاز اوت من الضمان قولتله لأ معملتلوش وفعلا صلحوه
اشترية بره الضمان واى حاجه بتتعمل ماتخفش
اما عيوب الصناعه فصعب تلقيه فى السامسونج معظم المشاكل بتبقى سوفت وير ودى سهله
اقتباس:
المشاركة الأصلية كتبت بواسطة omaroof
اقتباس:
المشاركة الأصلية كتبت بواسطة BESO516
ألف شكر والله يبارك فيكو، ربنا يسهل عموما المحل بيدي ضمان ١٤ يوم لو ظهر أي مشكلة في الفتر القصيرة دي.اقتباس:
المشاركة الأصلية كتبت بواسطة naser_56
هو مش بالضبط كده (أنا مليش خبرة في الخيل بريك خالص)، ممكن عمل root فقط بدون عمل flash للسوفت وير وده بيبقى أقل مخاطرة وبيحافظ على السوفت وير الأصلي للجهاز وبيتهيألي ممكن عمل unroot ولا كأن حاجة حصلت. بس بصراحة بقول لنفسي أوفر ال ٤٠٠ جنيه ولو لاقدر الله حصل حاجة حتى لو إتغيرت أو إتصلحت بأكتر من المبلغ ده شوية، بس ده في علم الغيب وممكن ما يحصلش.اقتباس:
المشاركة الأصلية كتبت بواسطة Ahmed A.Maksoud
توافقوني على المنطق ده ولا أنا غلطان؟
راي مدام معندكش خبرة فيه ومتعرفش مكان موثوق اشتريه بالضمان افضل
لو تعرف مكان مضمون خلاص من غير ضمان وربنا يجيب الخير ..
لأ يافندم أنا أقصد مليش خبرة بالجيل بريك بتاع الأي فون.اقتباس:
المشاركة الأصلية كتبت بواسطة s o p h o s
معلش استفسار
هو من غير الضمان بكام دلوقتى ؟
انا اخر مره سألت عليه كان ب 3900اقتباس:
المشاركة الأصلية كتبت بواسطة mahmoud nagieb
لو تعرف حد بره خليه يجبهولك احسن في السعوديه دلوقتي بضمان الحداد 2100 ريال
اقتباس:
المشاركة الأصلية كتبت بواسطة assaf
إيه دة أنا لسة سائل عليه في سراج من اسبوعين و سعر كان 4200 من غير ضمان و 4880 بضمان
3650 جراى و اﻻبيض 3800 من غير ضمان و علبة مبرشمة صناعة كورى
اسكندرية
من غير ضمان 3800-3900
بالضمان 4400 الى 4600 ...
الفارق اكثر من 500 جنيه مش مجرد 400 جنيه ...
لو يهمك الفلوس اشتريه من غير ضمان و انت مغمض بس راجع محتويات العلبه كويس قبل ما تشترى و اشتريه من مكان مضمون
لو يهمك الضمان و خايف من موضوع الروت اعمل التالى :
1- فيه برنامج اسمه temp root بيعمل root لفتره مؤقتة و بعدين تلغيه
2- لو هاتعمل root على طول قبل ما تعمله ادخل على SamMobile.com | Everything for your Samsung Mobile | SamMobile و نزل الروم الرسميه بتاعت سامسونج و احتفظ بيها عندك و لو حصل اى مشكله فى الجهاز قم بعمل فورمات للجهاز و إعاده تحميل الروم الرسميه تانى عن طريق برنامج اسمه ODIN ووديهولهم التوكيل و هما مش هايعرفوا انك عملت root من اصلوا
معلش يا جماعه يعنى ايه root ؟
root = format + new operating systemاقتباس:
المشاركة الأصلية كتبت بواسطة masterzmind
بس للتليفون مش الكمبيوتر
يعني يشيل السوفت وير الأصلي اللي نازل بيه الجهاز وينزل هو سوفت وير تاني فيه ميزات أكتر
كده Rom مش Root.اقتباس:
المشاركة الأصلية كتبت بواسطة Khaled Online
====================
انك تعمل Root يعني انك تدي السوفت وير اللي على تليفونك اعلى صلاحيات للتعامل مع الجهاز
و ده ممكن يتعمل على السوفت وير الاصلي Original ROM او اي ROM تنزلها بنفسك
و الهدف منه انك تقدر تتعامل مع كل المتغيرات اللي مقفولة في نظام التشغيل كحماية لنظام التشغيل او الجهاز نفسه
ده بيدي امكانيات اعلى بس في نفس الوقت مخاطر اعلى
ومنكم نستفيد :)اقتباس:
المشاركة الأصلية كتبت بواسطة hussein_emara
بس كده إيه الفرق؟
root بمعني كسر حمايه النظام واخذ صلاحيات اكبر للتعديل علي السيستم بمعني انك تقدر تدخل علي ملفات السيستم وتعدل فيها براحتك حذف واستبدال واضافه وخلافه والاغلب بيستخدمها علشان يغير خط الجهاز الاصلي وممكن تعتبرها ذي الجيل بريك للايفوناقتباس:
المشاركة الأصلية كتبت بواسطة Khaled Online
rom هو السوفتوير بتاع الجهاز ويقولك روم مطبوخ مثلا بمعني ان السوفت متعدل عليه وراكب عليه برامج ومتعدل فيه خط الجهاز مثلا وممكن يكون مكسور سرعه المعالج علشان يديك سرعه اكبر او تشغيل او ايقاف بعض الخدمات لاطاله عمر البطاريه وطبعا كل طباخ (مبرمج ) وعلي حسب ذوقه في اللمسات التي يضعها للروم بتاعه
طبعا اي روم مطبوخه هتركبها لابد من وجود روت علي الجهاز
الروت بيلغي الضمان بتاع الجهاز وطبعا الموضوع ده بيتم التحايل عليه بتركيب روم اصليه للجهاز ودي الطريقه الوحيده لازاله الروت من الجهاز يعتبر الجهاز كأنه بسيستم المصنع
الروت يلغي التحديث الهوائي للجهاز بمعني انه لو في تحديث نزل للجهاز مش هتقدر تحدثه
تمت بحد الله وإشتريته بدون ضمان ( 14 يوم ضمان إستبدال من المحل الشناوي ).
السعر 3950 ( فين ب 3800 و 3600 ؟!! الشناوي تقريبا أرخص حد "مضمون" في إسكندرية )
التليفون وارد السعودية وكان متبرشم بإستيكر المصنع والعلبة زيرو ولا فيها خدش.
الحمد لله الجهاز زي الفل بقاله أكتر من 30 ساعة معايا وإن شاء الله ميكونش فيه مشاكل.
بالنسة للفرق بين ال root و ال flash/rom زي الناس موضحت. ال root كسر حماية أو فتح. إمكانيات super user فقط على السوفتوير الأصلي أما ال flash ده بيبقى تنزيل سوفت وير متعدل.
شكرا يا رجالة وألف مبروك يا بشمهندس :)
الف مبروووووك يا باشا, انا جبت الجهاز وماشاء الله عليه جهاز فوق الممتاز بس عايزأعرف اكتر عن امكانيات الجهاز.. بمعني ان اي معلومه جديده تكتشفها ف الجهاز نتبادلها هنا..وشكرا جزيلا
الله يبارك فيك، أنا تقريبا عامل دكتوراه في الجهاز قبل ما أشتريه وعشان أقول على كل إللي فيه محتاجين كذا صفحة. الأسهل حضرتك إعمل بحث على يو تيوب "galaxy note 2 review" وهتلاقي كل ما لذ وطاب بالصوت و الصورة. ولو إكتشفت حاجة أول مره أشوفها هقول لكو عليها.اقتباس:
المشاركة الأصلية كتبت بواسطة zrzr1
[youtube]http://www.youtube.com/watch?v=Cfs7cl7hAW0&feature[/youtube]
[youtube]http://www.youtube.com/watch?v=BLElZtJBhaU&feature[/youtube]
[youtube]http://www.youtube.com/watch?v=pQlnYdkRw80&feature[/youtube]
[youtube]http://www.youtube.com/watch?v=gekWxvAnI9Y&feature[/youtube]