هل فى حاله فتح الايرباج يستلزم تغير كتاوت معينه تخص الايرباج ام ماذا؟؟؟؟؟؟؟؟؟؟
عرض للطباعة
هل فى حاله فتح الايرباج يستلزم تغير كتاوت معينه تخص الايرباج ام ماذا؟؟؟؟؟؟؟؟؟؟
لازم تروح التوكيل افضل بغيرولك الايرباج والحتة بتاعة الطارة
ممكن توضيح أكتر هى ضربت أزاى
16 الف يا باشا
الحمد لله وان شاء الله خير .... وفعلا تتغير فى التوكيل فقط ... السؤال هنا لو حصلت فى عربيه صينى كان الردود حتيقى ايه ؟؟ ومش دفاع عن الصينى .
حدثه نتج عنها فتح الايرباج
الف سلامة و يا رب تكون جت سليمة و زى ما السادة الزملاء ما قالوا عليك و على التوكيل
بس سؤال تاعبنى معلش هى حادثة و مافيش حاجة حصلت غير ان الاير باج اتفتح؟
تحياتى
الكبسولة لوحدها بتتباع أستيراد فى حدود 1000 جم
ياريت تحكى تفاصيل أكتر
لا يا باشا هى حدثه نتج عنها تغير بابين ورفرف امامى بس انا كنت بستفهم لان فى حد فالتوكيل بيقولى ان الايرباج لما فتح ده بيستلزم تغير كتاوت فانا كنت عايز اتاكد من المعلومه ديه ان كانت صح فعلا ولا اشتغاله
وانا اسف على عدم التوضيح من البدايه
وكان عاندى سوال تانى هل يمكن تغير مكانها فالدركسيون دون وضع الكبسوله ولو بوضع موقت لعدم توافر فلوس لشراء الكبسوله
بعد ملاحظتى لنظام الإيرباج فى السيارة بالنسبة للدركسيون أنا شايف إنك من الممكن تغير قلب الدريكسيون بواحد عادى يبقى مجرد كلاكس فقط
وبكدا يبقى إنت لغيت الإيرباج
أنا أعرف إن فيه سنسور الصدمات دا برضه أكيد هيتغير
أنا شايف إن لو العربية بتدور أمشى بيها عادى
بص ياباشا أنا كنت شوفت واحد مرة فى التوفقية ضربت الكبسولة وطبعا شات مكانها وهو كان بيدور على الجزء البلاستيك الى أتقطع فالراجل بتاع قطع الغيار قالة الغطاءبتاع الدركسيون البلاستيك دة بيتباع فى ش دمش فحدود 150- 200 جم فاضى وممكت يتلحم عند اى حد بتاع أكصدامات فبر مش هيكلفك كتير لو حل دة موقت وواحد صاحبلى فعلا لحمها مش بينة قوى يعنى
لو عاللحام سروجي نضيف يرجعهالك زي الاول بالظبط
الحمد الله انك بخير ..
الاجابة حسب هدف حضرتك من وراء السؤال:
1. هل تفعيل عمل الايرباج من تانى ؟
وده ما اظنش ان الاخوة برة التوكيل يقدروا يعملوه لأنه يحتاج تركيب كل قطع ونظام الايرباج من اول السنسور المسؤول عن فتحها الى الكيس اللى بينفجر لما تحصل حادثة لانه لابد من استبداله بكبسولة وكيس جديد irreversable process وبعدها بيتم قراءته واعداده بالكومبيوتر لضمان سلامته بعد التركيب .. يعنى العملية مش شراء قطع وتركيبها وخلاص
2. هل اخفاء اثار الحادثة والسير بغض النظر عن اعادة نظام الايرباج؟
وده هايكون عادى انك تعمله برة التوكيل باصلاح التالف من هيكل السيارة وقطع الكيس المفتوح وسد وسط الدركسيون بفبرة لكن على ما اظن ستظل لمبة الايرباج فى التابلوه منورة وممكن يتلعب فيها وتتطفى عادى
حمد الله علي سلامتك ,,,ممكن نعرف من حضرتك الموضوع ده هايتكلف كام في التوكيل
كنت سألت من حوالى أسبوعين فى أوتو أيجيبت قالولى الكنترولر + الكبسولة 6500
الحل بسيط و يكلف 1800 الي 2000 و كله يرجع زي الاول بالظبط خد من مجرب
بص هتروح الحرفين تدور علي كبسولة نفس لون الدريكسون استيراد طبعا هتبقي من 1100 الي 1400 حسب الحاله و المحل و الفصال و الذي منه الجديد منه ب 4500 المهم و اهم حااااااااااااااااجه تتاكد ان الكابل الي تحته ليه راس كبيره بيضاء او صفراء كابل صغير لا يتعدي 10 سم بس هو ده المهم علشان مش تلف عليه و في الاخر مش هتلقيه الا بعد اربع شهور و بالصدفه تمام و تركبه عند كهربائي نضيف شويا وتروح لواحد في الحرفين( في وش كهربائي اسمه عسكر وممكن تركب عنده القصه ديه بس هو حراق شويا في الفلوس) محل صغير و مليان اجهزة كنترول مش فاكر اسمه هتفك الكنترول بتاع الايرباج مكانه (تحت الهاند بريك بالظبط ملفوف في كيس اصفر و عامل زي الترنزستور بتاع زمان ومكتوب عليه انه بتاع الايرباج هتفك الكنسول كله طبعا المهم هو هيبرمج الكنترول ده تاني لانه مش بيبوظ هو بيقف عن العمل لكن مش بيبوظ و هيتركب تاني و تتوصل العربية بالكمبيوتر مكان الفيشه تحت الدريكسون كابل oba2 عندي اي حد ب 20 جنيه وتخليه يمسح الايرور بتاع الايرباج و يرستر السيستم او عند نفس الراجل هتلقي اللمضه طفت و كله تمام سيبك بقي من اي كلام تسمعه تاني علشان هتورم زي ما انا ورمت و في الاخر حلها بسيط و علي فكره علشان مافيش حد يقول مش هيفتح تاني لا هيفتح تاني لو لقدر الله عملت حادثه تاني و ربنا يكفينا شر الحوادث و يعفيك و يعفي جميع المسلمين
الراجل الي هيبرمج هياخد من 200 الي 500 حسب فصالك انتا بقي ومافيش حاجه تانيه بتبوظ في الحادثه ولا السنسور الي قدام علي فرده الشاسيه الاماميه ولا الكتوت بتاع الايرباج الي قدام ممكن تلقي الفيوز الي في علبة الفيوزات ضارب ابقي شيله انتا و حط واحد من الاسبير الي فوق بس اتاكد انه نفس الرقم الي علي القديم الي هو تقريبا 10 او 15 مش فاكر بس كده هو ده الحل اي مساعده
ze-zox@hotmail.com
وربنا معاك يا باشا حاسس بيك
الكابل ليه راسين زي فيشه الكهرباء هتلقيه راكب في الكبسوله لو مش لقيته اسئل عليه هيقولك مش بيجي معاه يا باشا دي استيراد قوللو هاتولي وانا اديك حقه هياخد 110 منك حق الكابل وممكن يبقي 70 حسب فصالك برضه لو مش عندو مش تاخده مالهاش لازمه من غير الكابل ده هو الي فيه سينسور صغير ولو بصيت عندك في القديمه هتلقيه سايح في بعضه لو الدنيا وقفت ومش لقيته فك القديم و الكهربائي الي اسمه عسكر بيعرف يايفيه تاني علي الكبسوله الجديد بس تجيبه جديد اريح علشان الكنترور بيقرا الكابل ده لو مش موجود اللمضه عمره ما هتتطفي ابدا ومش بيتباع لوحده خاااالص فاتيجيبه مع الكبسوله لاما الي عندك يبقي ليه حل لو في اي حاجه ابقي ابعتلي رقمك علي الايميل
وسيبك من موضوع لحم الطاره بيبقي شكله سئ جدا و اللمضه بتفضل منوره فوق و قارفك في التابلوه ولو ركبت كبسوله من غير القصه التانيه برضه هتفضل اللمضه منوره