حادثة للفيفا - قدر الله وماشاء فعل

**kind** · 21-07-2008 06:34 PM

سلام عليكم يا جماعه

انا كنت اشتريت فيفا من كام يوم وكنت لسه بلينها وصلت ل 700 كيلو دلوقتى
ومحصلش اى اضرار الحمد لله الا خدشه فى اكصدام وره وهيا مركونه وحكه بسيطه فى الاكصدام اللى قدام من تحت من مطب من مطبات المحروسه ( الكبارى )

كنت ناوى اعمل تقييم بسيط كده وحاجه عن تجربتى ليها بس الحمد لله

الوالد اخد العربيه امبارح الصبح يروح بيها مشوار رجعها معجونه من قدام الاكصدام اتكسر واتفتح
والفانوس اتفشفش وحته الرفرف اللى بتكون ليها رمش على الفانوس ده اتبعجت كده بس مفيهاش خدوش ولا لون رايح تقريبا

ممكن يا جماعه تفيدونى فى الوضع ده اعمل ايه العربيه انا خايف اوى مترجعش زى الاول خصوصا انتو بتشوفو الهيونداى اللى ملعوب فيه من قدام بيكون شكله ايه مفيش حاجه مزبوطه خالص

والاكصدام يا ترى ارشه ولا اسيبه كده اسود فيبر خصوصا ان العربيه سوده والرش عمره ما هيكون زى المصنع

وياترى الرفرف ده لو اتعدل على البارد هيكون كويس ولا هيتكحت

والشغل ده يتعمل فى التوكيل ولا بره احسن ولا فين

وياريت تفيدونى بسعر اكصدام وفانوس امامى

وانا اسف انى طولت عليكو

**hany79** · 21-07-2008 06:39 PM

قدر الله و ما شاء فعل

**smsmbakr** · 21-07-2008 07:52 PM

قدر الله و ما شاء فعل
روبنا يعوضك

**hazem_khidr** · 21-07-2008 09:16 PM

الحمد لله انها جات في العربيه و ما جاتش في الوالد :)
بص يا سيدي
انت اشتري اكصدام جديد و فانوس جديد و شوف السمكري حيعرف يعدل الرفرف ولا حيبقي صعب
و طبعا ما اقدرش انا اقولك لاني ما شوفتش العربيه و لا صورتها حتي!!!
و هات كل حاجه جديده و سمكري و بوهيجي محترم و حتبقي تمام ان شاء الله
بس قبل ما ترش ركب الوش كله و شوفه كويس ولا فيه حاجه ولو فيه اي حاجه خلي السمكري يستعدلها

**arar** · 22-07-2008 10:52 AM

قدر الله وحمداالله على سلامة الوالد

اما بالنسبة للتصليح ممكن السمكرى يستعدله على البارد بس عيب البارد بصراحة بيبان ممكن الاحسن سمكرى نظيف يستعدله على السخن ويترش نفس لون العربية واعتقد ان لون العربية اسود فالدرجة مش صعبة زى اشباة الالوان بتبقى صعبة تجيب نفس الدرجة وممكن الاكصدام نا س بتصلح الفيبر فى الحرفيين بيرجعوه زى الاول وترش اسود نفس الدرجة برضة وترجع ان شاء الله زى الاول واحسن

**kind** · 23-07-2008 06:30 AM

قدر الله و ما شاء فعل

قدر الله و ما شاء فعل
روبنا يعوضك

ربنا يكرمكو

الحمد لله انها جات في العربيه و ما جاتش في الوالد :)
بص يا سيدي
انت اشتري اكصدام جديد و فانوس جديد و شوف السمكري حيعرف يعدل الرفرف ولا حيبقي صعب
و طبعا ما اقدرش انا اقولك لاني ما شوفتش العربيه و لا صورتها حتي!!!
و هات كل حاجه جديده و سمكري و بوهيجي محترم و حتبقي تمام ان شاء الله
بس قبل ما ترش ركب الوش كله و شوفه كويس ولا فيه حاجه ولو فيه اي حاجه خلي السمكري يستعدلها

قدر الله وحمداالله على سلامة الوالد

اما بالنسبة للتصليح ممكن السمكرى يستعدله على البارد بس عيب البارد بصراحة بيبان ممكن الاحسن سمكرى نظيف يستعدله على السخن ويترش نفس لون العربية واعتقد ان لون العربية اسود فالدرجة مش صعبة زى اشباة الالوان بتبقى صعبة تجيب نفس الدرجة وممكن الاكصدام نا س بتصلح الفيبر فى الحرفيين بيرجعوه زى الاول وترش اسود نفس الدرجة برضة وترجع ان شاء الله زى الاول واحسن

بالنسبه للصاج جت سليمه الحمد لله العربيه اتبص عليها ومفيهاش شغل صاج خالص
كان فى حته كده بتبقى على الفانوس صغيره خالص السمكرى عدلها بايده كده رجعت زى الاول بالزبط

اما بالنسبه للفانوس طبعا هيتغير اكيد

بالنسبه للاكصدام فى واحد قاللى على فكره عاوز اخد رأيكو فيها قاللى صلحه ورشه وشد عليه جلد من اللى بيبقى منظر للعربيات ده وبعدين ركبه تانى منه منظر ومنه انه ميتبهدلش الا بعد كتير جدا وكده

ياريت يا استاذ حازم تقولى لو تعرف حد يصلح الاكصدام ده عشان انا جارك من المنصوره هنا وطبعا مش هنزل القاهره لو نزلت هروح التوكيل واشيل واركب وخلاص

وشكرا يا استاذ arar وياريت تقولى رأيك فى الكلام ده

**arar** · 23-07-2008 10:09 AM

الحمد لله ان مفيش فيها شغل سمكرة ودوكو ام بالنسبة للاكصدام ممكن يتصلح ويترش بس موضوع الجلد ده هو صحيح بيحمى الاكصدام ....... بس من الشمس والمياة بعد فترة بيبقى شكله مش حلو فاعتقد انه لما يتصلح ويترش ويسا بيبقى شكله اشيك وتحس ان العربية ما اتعملش فيها تصليح قبل كده

**محمد المشد** · 23-07-2008 10:25 AM

المهم حمد الله على سلامتك وما تشوف شر بأذن الله

**galalology** · 23-07-2008 05:57 PM

الحمد لله على كل شى ..
المهم انا افضل انك تجيب رفرف جديد و على فكرة سعر الرفرف اقل من 200 جنيه بكتير والاكصدام بلاش حكايه الجلد ده الافضل (انزل وكاله البلح اشترى اكصدام استيراد حاله كويسه وهتلاقى كتير بس خلى بالك من الاسعار في الوكاله )وربنا يعوض عليك.

**kind** · 23-07-2008 09:25 PM

طيب ممكن حد يعرفنى اكصدام جديد وفانوس شمال امامى كل واحد بكام ؟

فيفا 2008

أو ممكن أسأل فين بالتليفون

الموضوع: حادثة للفيفا - قدر الله وماشاء فعل

LinkBack

أدوات الموضوع

عرض

حادثة للفيفا - قدر الله وماشاء فعل - انشر الموضوع فى :

-

-

-

المواضيع المتشابهه

عملت حادثة بالفليشيا قدر الله وماشاء فعل

قدر الله وماشاء فعل.

قدر الله وماشاء فعل ..

اشمعنى وليد عمل حادثه انا كمان عملت حادثة (قدر الله وماشاء فعل)

ثاني حادثة بالنيو اكسنت (قدر الله وماشاء فعل) برده

الكلمات الدلالية لهذا الموضوع

المفضلات

المفضلات

ضوابط المشاركة