تمام ، بعت
عرض للطباعة
تمام ، بعت
بص يا باشا من الاخر وعن تجربه انت مركب 4 سماعات ده معناه نقاء صوت عالى والكاسيت ممتاز ما شاء الله انت فعلا الى ناقصك لو مش مركب بورده خشب تركب بورده خشب ب 80 او 100 جنيه --اما بالنسبه انك بتقول ان السماعات مطلعه قوتها مع احترامى لكلامك ده غلط انت كده مش سامع غير مثلا 40% من قوه السماعات دى اسمع كلام مجرب بقى وركب جى ام مثلا كينوود 350 ده كفايه اوى والجى ام ده ممتاز للسماعات ولو مش مركب بورده خشب ركب وانت فعلا مش هتحتاج اكتر من كده ال4 سماعات بايونيير مع جى ام هتسمع احلى وانقى صوت مع بيز احلى من اجدع صب ولو احتاجت حاجه عن تركب فين او حاجه قولى وانا هقولك على الناس المحترمه النضيفه الى موجودين
بالنسبه لانك بتقول توصل سماعات الباب بالجى ام فا ده برضو غلط لان سماعات الباب ضعيفه وفعلا ملهاش لازمه مع ال4 سماعات الى عندك والجى ام لما تركبو ان شاء الله ومتسألنيش عن الجى ام كام وات rms لانو مش مهم حتى لو قليل لانك هتسمع صوت حلو وعالى جدا جدا وبرضو دع عن تجربه
وانسى بقى موضوع السماعات السونى ده عشان انت معاك سماعات بايونيير ماينفعش تتكلم فى اى نوع تانى والسماعات الى معاك 80 rms والسونى 100 rms يعنى على رأيك مش هتفرق ده غير ان الناس كلها بتشكر فى السماعات البايونيير من حيث النقاء والبيز
وموضوع وصلات الجى ام ده هو عباره عن سلك للبطاريه وسلك ارضى وسلك كهرباء ووصله rc بتوصل من الكاسيت للجى ام ودى فيه منها 3 انواع نوع الى عند المحلات هى اصلا بتبقى ب 20 جنيه وهو بيقولك 60 و 70 جنيه وفيه نوع تانى وصله بايونيير دى ب 40 جنيه وانا مركبها عندى وكويسه جدا وفيه نوع تالت من راديو شاك دى تقريبا ب 70 جنيه
وملحوظه صغيره اهم من عده الصوت كلها اهتم بموضوع الوصلات ده لانو اهم من العده نفسها لازم تكون الاسلاك والوصلات نضيفه هتفرق كتير اوى فى الصوت
بالنسبه انك تبيع سماعتين وتركب بازوكا او صب مع جى ام انا مش بشجع الفكره دى لان تركيب عدد الصوت بالترتيب
1_كاسيت محترم اوى
2-سماعات نضيفه وماركه ويفضل 4 سماعات انقى بكتير من سماعتين
3_جى ام للسماعات عشان ماتظلمش السماعات الى انت مركبها
4-وبعدين تخش فى موضوع البازوكا او صب والجى ام بتاعهم
فا مينفعش تركب صب وجى ام من غير جى ام السماعات
اى استفسار تانى انا موجود واسف على الاطاله