مشكلة رجة مع الفرامل بعد تغيير 4 ديسكات فرامل

السلام عليكم

معايا عربية تويوتا موديل 1998........الديسكات اللى كانت فيها كانت على أخرها و قررت النهاردة أروح أغيرها.

رحت جبت 4 ديسكات و مقصين و مساعدين خلفي و ودتهم عند الميكانيكي....و لسه واخد العربية من شوية و طلعت بعدها على بتاع الزوايا ظبط زوايا و رايح مشوار.........على بعد حوالي 15 كيلو من الميكانيكي..........لاحظت أن العربية بتترج جااامد جداً مع الفرامل عند ضغطة معينة على الفرامل........لما بكون مريح رجلي شوية........مش دايس بالراحة أو جامد..........ده بالإضافة أن فيه ريحة شياط من ناحية العجل و الجنوط سخنت على مشوار 15 كيلو أو أقل.

أنا هروح بكرة للميكانيكي تاني بس كنت عاوز أعرف رأيكم خصوصاً أن قبل التغيير مكنش فيه أي رجة مع الفرامل خالص.