الموضوع: ipad mini

المشاركة الأصلية كتبت بواسطة kok3

الله يبارك في حضرتك

بص يا بوب هو انت قدامك شويه اختيارات بالنسبة للي هتشتري منه الجهاز دا يا اما تشتريه من محل أو تشتريه من المكان الرسمي لبيعه في مصر وهو التريدلين وبصراحه انا قررت اجيبه من هناك لسببين الاول معاه فاتوره وضمان سنه ثانيا المحلات اللي تحت بير السلم او المحلات اللي بتبيع الجهاز دا عموما بتبقي عايشه فيها الدور قوي ومغلياه علي الفاضي وكمان ممكن لو الستور نص كم بيكون جايب بضاعته من هونج كونج او ماليزيا ودي بتكون اسوأ منتجات شركة ابل يعني بيبقي الفرق واضح في الماتريل بتاع المنتج الايباد يعني في الصوت والشاشه وكدا انما وارد انجلتر او امريكا دا بيكون المنتج رقم واحد او الفرز الاول زي ما بيقولو علي اي حال انت اسأل هنا وهنا وأتأكد قبل ما تشتري وشوف الانسب ليك أيه هو انا كنت شاريه ب 2600 بالظبط لما دخلت علي الموقع دلوقتي لقيتهم 2777 الجهاز في ادائه ملوش حل مفيد جدا انا حاطط عليه كمية كتب خيالية اجنيي وعربي ربنا رزقني بأكونت عاملة فلو علي التويتر بينزل كتب عربي جامده جدا قديم وجديد وطبعا الكتب الاجنبي سهل تنزليها حتي اانا عندي اكتر من 1500 كتاب دلوقتي ومنزل شوية مزيكا لياني وبتهوفن وبخ مع القرايه بيبقي عايش في عالم اخر بتروح مع الكتاب اللي بتقراه انا اصلي غاوي قرائه طبعا الميديا والافلام والالعاب عليه تحفه انا عاجبني اكتر من الايباد العادي القديم واللي في وجهه نظري متعب بالنسبة وانت بتقري صعب تفضل شايله في ايدك اكتر من 10 دقايق انما الميني 300 جرام يعني اخف من الكتاب نفسه اللون الابيض الميزه فيه انه مبيبنش فيه البصمة الصوابع خالص عكس الاسود اللي أي لمسة بتظهر فيه علي طول وبتحتاج تنضفه كل شويه وفي الاخر دي ازواق المهم بالنسبة للفيبر والواتس اب دا فيديو عملي انا عملة فيه الفيبر والواتس اب بيتصلو ببعض عن طريق الايفون والايباد معلش التصوير مش حلو قوي علشان بكاميرا جهاز تالت فاكس شويه

ipad mini with whatsapp and viber working without jailbreak or cydia - YouTube

ما هو انشاء الله مش ناوى اجيبه من من "تحت بير السلم" لانى فعلا لقيته غالى

بس هتعبك معايا شويه واسالك الضمان من تريد لاين بتاع ابل نفسه لولا شركه تانيه ؟

تانى حاجه اقرب فرع ليا ايه...... انا من مدينه نصر !

وانشاء الله لما اجيبه هسالك على حكايه الواتس اب دى !

وهل انت شايف انه يستاهل سعره اصل 2 الفرق بينهم مش كبير ؟

ومعلش متقل عليك .....بس عارف انك هتستحمل رخامتى

المشاركة الأصلية كتبت بواسطة ma7dy

ممكن تجرب الموقع ده b-kam.com , جايب اسعار الايباد الميني من المواقع المصرية

تــــســــلــــمـ

المشاركة الأصلية كتبت بواسطة youssef_u

تصحيح بس يا باشا مفيش فرق بين اجهزة ابل في اي مكان في العالم يعني لو حضرتك اشتريت ايباد من امريكا و ايباد من مصر مش هيطلع في فرق ابدا لا سوفتوير ولا هاردوير
الايباد ميني اخف واسهل في الشيل بس اكيد مجربتش الريتنا وضوووح رائع و الالعاب الHD خيااااااااال و فوق الوصف

و بالمناسبه انا كاتب المشاركة دي من ايباد ٣

طب بمناسبه انك معاك 3

شايف فعلا انه حجمه كبير ....وان مينى افضل من حيث الحجم ؟؟

اصل هي حسب مزاجك و استخدامك يعني لو هتشيله و تتحرك كتير و كده يبقا الميني افضل بس لو عايزه للعب و افلام و نت وكده يبقا العادي

باختصار لو عايزه للشغل هات الميني و لو عايزه للترفيه هات العادي