سؤال مهم : عن الكرولا اللي قبل الشكل الجديد علي طول؟

لو عايز اشتري كرولا 2008 بس مش الشكل الجديد وتكون يباني مش جنوب افريقي وبضمان واتوماتيك فول اوبشن
بس جديده مش مستعمل
اشتريها منين وبكام ؟

ال 2008 كلها الشكل الجديد مافيش قديم
حتي ال 2007 الشكل اللي قصدك عليه خلاص مش موجود
بقي عامل زي المخدرات كده الناس بتدور عليه بملقاط ههههههههه
لسه جايبين واحده قريب في العيله وقفت علي 130 باين ولا 135 حاجه زي كده
فول اوبشن اتوماتيك
بس نصيحه لو لقيتها بلاش لانها موديل قديم و مجرد ما تعلق نمر بقي محدش حيقول دي زيرو و لا الكلام دا
حتتعمال معامله ال 2007 العاديه و اقصي تمن ليها 115 الف لو ماشيه اقل من 10 الاف كيلو
ولو ماشيه اكتر تمنها حيقل طبعا

بصراحه يا حازم باشا انا الشكل الجديد بتعتبره تحفه بس للاسف كل اللي بسمعه عن العربيه الجنوب افريقي خلاني اشيلها من مخي خالص
ولو لاقيت يباني (خليجي) هيكون اغلي وكمان مش بضمان
تفتكر العمليه دي مقنعه ؟

و الله يا باشا انا ليا رايي في الموضوع دا
هات كسر زيرو تكون عامله 10 ولا 15 الف كيلو مثلا و كده يبقي كويس
و بعدين يعني هو لو ما ركبناش كورولا يبقي مش حنركب؟؟!!!!
ما العربيات ماليه البلد و انواع كتييييير
هات سيفيك الجديده هات لانسر شارك هات اوبل فيكترا
عندك مليون حاجه غير الكورولا
بصراحه الكورولا دي اسطوره مشكوك في امرها
اه عربيه اعتماديه بس مش العربيه الوحيده في العالم اللي اعتماديتها عاليه
مريحه معاك بس علي حساب ثباتها
صاجها خفيف مش حتت حديد تخبطها و ما تتاثرش
الميزه الوحيده اللي شفتها فيها الصراحه عفشتها بتستحمل
بس اكتر من كده ما شوفتش
انما تقولي تكييف طب ما التكييف حتي في الصيني بقي كويس
استهلاك بنزين اه هيا مش بتاكل بس كل فئاتها عربيات موفره في البنزين برضه
خلاصه الكلام انا مش بقول وحشه علشان محدش يفهم غلط لكن بقول انها مش احسن عربيه في العالم

انا بصراحه كان عاجبني مازدا 3 قوي بس مشكلتها قطع غيارها النار واعاده بيعها تقيل
ايه رأيك؟
وفكرت في الانسر السبورت بس لاقيت سعرها بصراحه عالي شويه عما تستحق بيجي 10 الاف كده انا اديها 145 الف حلويين قوي

لا سيبك من المازدا علشان الاسباب اللي قلت عليها
السيفيك ب 143 الف بس حجز 6 شهور و لو استلام فوري ب 150 متهيالي

طب ما السيفيك نفس مشكله المازدا وكمان التوكيل معريها من اوبشنز كتير جوه العربيه

لاااااااااااا
السيفيك تتفوق عن المازدا بمراحل
ثبات و قوه و حجم و شكل
لالالا مستوي تاني بجد
حقولك حاجه انا اجرت العربيتين في الامارات
علشان كانو لسه جداد و مفيش حد اعرفه معاه عربيه فيهم
لا بصراحه السيفيك اقوي بكتير عيبها انها واطيه شويه
و بعدين ايه الاوبشنز الناقص في السيفيك؟؟
الجنوط ممكن تركبها قدام
و الستيبترونيك مش حتحتاجه لان تجميع العربيه وهم
و غير كده و كده ليها توكيل و ضمان