انا كنت بدور زيك بقالي تلت اسابيع ولقيتها موجوده زيرو في سوق السيارات ب98000 موش حضرتك برضو اللي كنت بعتلي لما كنت ببيع عربيتي ال2008 هو انت لسه مشتريتش ربنا يوفقك يا رب انا عموما سبقتك وبعت ال2008 وجبت 2011 بقالي يومين والحمد لله
عرض للطباعة
انا كنت بدور زيك بقالي تلت اسابيع ولقيتها موجوده زيرو في سوق السيارات ب98000 موش حضرتك برضو اللي كنت بعتلي لما كنت ببيع عربيتي ال2008 هو انت لسه مشتريتش ربنا يوفقك يا رب انا عموما سبقتك وبعت ال2008 وجبت 2011 بقالي يومين والحمد لله
الحقيقة انا بعت لناس كتير :rolleyes2: بس موصلتش لحاجة :120146b عشان كدة فكرت اجيبها زيرو لانى مش متعود على المستعمل وبخاف منة روحت شوفتلى عربيتين بس كانوا سيراتو الصراحة ولقيت الكدب للركب الى يقولك مش راشة وهى متشقلبة اصلا فقلت اجيب نيسان بس الشكل القديم زيرو لانها فى رائى افضل من حيث الشكل على الاقل هى كلاسيك لكن الجديدة مش شايفلها معالم
فعلا الشكل القديم أشيك واحلى من الجديد بكتير , أوعى تتنازل عنه وربنا إن شاء الله يوفقك وتلاقى
اللهم امين ..على العموم لو حد شافها فى معرض يبقى يقول انا شخصيا لقيتها عند الابيض موتورز الى فى اول شارع فيصل سعرها 98000 من غير اية بى اس طبعا بس لونها اسود وفرش بيج ودة خلانى مجبهاش باقى الرجالة بقى بيتكلموا فى 99000 سمير الريان والسبع والوحيد الى اتكلم ف 93000 كان يونايتد وقالك كمان شهرين ونص فالى يوصل لحاجة اقل يقول
انا شايف تكسب وقت وتحجز مؤقتا مع يونايتد جروب ولو ظهر حاجة تانية استلام فورى بسعر مناسب لك تخلص فيها وتلغى الحجز
وهو دفع حجز 20 الف ج مش هايثبت السعر ؟!!!!!!!
يبقى احجز من ابو الف جنيه بس عالاقل هما ما يحطوش الفلوس وديعة 3 شهور وياخدوا فايدة عليها وانت تخسر فلوس مرمية على حس عربية طالما كده كده السعر مش مضمون
اسوأ حاجة الابتزاز والاستغلال ... تغور ان شالله عنها ما اتركبت
ودولار ايه علاقته بعربية تجميع محلى ؟!!!!!
تجار العربيات فى مصر وكل الدول العربية والوكلاء دول عاوزين الحرق فى جهنم زى المنشار طالعين نازلين واكلين
و الله كلامك زي الفل
السلام عليكم ورحمه الله وبركاته
انا زي حضرتك كنت بدور عليها ل صديق
العربيه فعلا سعرها ف السوق ما بين 98 ال 99 , عند السبع وف المعرض اتو ايجيب
معرض سلطان ف شارع النادي الاهلي
لما حضرتك بتحجز عربيه , السعر بيكون ثابت
يعني ما ينفعش اتفق ف حاجه وسعرها يزيد دا شيء ما يخصنيش باي شكل من الاشكال
حضرتك بتحجز على سعر معين وخلاص
الافضل لو حضرتك مش عاوز تدفع الفرق دا , انك تحجزها بالفعل
توكل على الله , ال صبرك دا كله يخليك تستني شهريه
هيعدوا ومش هتحس بيهم
اما حضرتك تشتريها من السبع ب 99 , وتخليهم يدولك صيانات مجانيه وكوبونات تخفيض
وما ال ذلك
اعتقد دا هيخفض الفرق بين السعر الاصلي شويتين
كل الهدايا دى عبارة عن دفتر كوبونات خصم ب1000 ج فقط لا غير
20 كوبون فى 50 ج يعنى تستخدم واحد فقط فى كل صيانة من ال20 اللى هاتعملهم فى التوكيل وبكده ياخدوا قصادهم اكتر لأنك هاتضطر تروحلهم كل 5000 كم لمدة 100 الف كم فترة الضمان كلها عشان تخصم 50ج فى كل مرة
يعنى من الاخر ما تستاهلش ده مايجيش ثمن فلتر زيت !!!!
من الاخر العروض اللى بحق وحقيق هى صيانة مجانية لمدة 20-30 الف كم او سنة ايهما اقرب .. غير كده مالهاش لازمة