ســلام يا شباب ..
لو سمحتــوا حد يقوللي أنا عايز أشتري عربية ومحتــارة بين البيجو 308 البريميم وبين الكورولا 2008
وعاوز أعرف سعرهم في مصر ولو جبتها فل اوبشن من الخليج جمركها يعمل كام بالظبط لو هنزلها بعد سنه :sailor:
ســلام يا شباب ..
لو سمحتــوا حد يقوللي أنا عايز أشتري عربية ومحتــارة بين البيجو 308 البريميم وبين الكورولا 2008
وعاوز أعرف سعرهم في مصر ولو جبتها فل اوبشن من الخليج جمركها يعمل كام بالظبط لو هنزلها بعد سنه :sailor:
لا انصحك بالتويوتا 2008 اطلاقا و لها مشاكل كتير جدا و اصحاب السيارة رافعين قواضى على تويوتا و حتى لو العربية تمام التمام البيجو الفرنسى احسن من تويوتا عموما
شكرا يا سونيك عالرد .. ولو إني اعرف ان الياباني ممتاز فغريبة ان أسمع عنها كده
بس هل يا ترى البيجو مالهاش عيوب ؟؟
وعايز أعرف التويوتا ايه عيوبها اللي خللاها مش تمام في مصر
البيجو عموما احسن من تويوتا و اعتمادية اعلي و خدمة شاقة ان رأيي 308
اهلا و سهلا بيك يا اخت مارو
بصراحه المقارنه صعبه
لو انا في الخليج كنت ممكن اختار البيجو لكن لو في مصر البيجو اسعار قطع غياره غاليه جدا و التوكيل بيستعبط
التويوتا ميزتها انها تتركب في اي مكان
اينعم البيجو احلي لكن لما الواحد بيفكر لقدام و سعر اعاده بيع و كده يبقي التويوتا
اعتمادية بيجو اعلى من الكورولا :confused::confused::confused:
مشوفتهاش في تقارير JD POWER في اي سنه
بيجو دائما متذيله القائمة
http://www.whatcar.com/NonCar/7588125111.jpg
بيجو في المركز 22 حاصلة على نجمتين
تويوتا في المركز الرابع حاصلة على اربع نجوم :040:
وهنا بالموديلات كمان شوف الكورولا فين وباقي موديلات بيجو فين
http://www.whatcar.com/NonCar/75881243591.jpg
**محمد إبيزا .. أشكرك على رأيك بس تعرف إني لسه سامعه إنهرده ان الموتور بتاعها بعد فترة بيبقى صوتو عالي قوي .. طبعا انا مش بفهم فالعربيات قوي بس ده اللي اتقاللي .
** أهلا بيك يا حــازم انا متشكرة أوي عالترحيب الجميل ده
وأتمنى أكون ضيفه خفيفه عليكو
إنت عندك حق بس تعرف ان هنا كمان فالخليج موش بيحبو البيجو زبيقولوا تكيفها
موش اوي .. يعني العكس بيقولولي لو مصر يبقى بيجو لكن لو الخليج يبقى تويوتا
أعمل ايه :( ؟؟
** عبدالله شكرا عالتقرير و بيتهيألي الصورة بدأت توضح أكتر زي ما قال حــازم قبل كده ..
×لينا نشوف أنا هروح أسأل على التويوتا المانيول خصوصا الفتيس ل 2008 وأرد عليكو
ســــلام
اعتمادية بيجو معروفة فى مصر و ليست محل جدال,
بيجو احدى اكثر السيارات اعتمادية فى مصر, و سيبك من جى دى باور و الكلام الفاضى ده,
أنا بصراحة مكنتش عايز اتدخل فى الموضوع ده لكن التشكيك فى اعتمادية بيجو لأ!!!
بيجو هنا فى مصر فى بعض الناس بيفضلوها عن بى ام دبليو و بيساووها بمرسيدس,
و بيضرب بيها المثل فى الاعتمادية و النعومة و الكفاءة و التحمل, مسمعتش قبل كده عبارة "ليه هو انت فاكر نفسك راكب بيجو!!".
هذا بالطبع غير التكنولوجيا المتميزة التى تتفوق بها بيجو على سائر السيارات الأسيوية, و أدائها الرائع, و مستوى الراحة الذى يضاهى السيارات الفارهة, و كلها أشياء عرفناها عن بيجو طوال تاريخها فى مصر.
و نظرة سريعة الى اسعار بيجو و اسعار تويوتا سوف تدرك لماذا بيجو أغلى و أكثر قيمة, رغم انها تجمع فى مصر.
جى دى باور جزء كبير منه يحدده التوكيل الخاص بالشركة و جودة الخدمة, كما أنها أراء مستهلكين يفتقدون للخبرة اللازمة لتقييم السيارة, لذا لا يعتبر مرجعا.
و لى تجربة شخصية مع البيجو 405, و التى امتلكناها لمدة 160 الف كيلو أو اكثر, بدون أيه أعطال تذكر, بل بدون أى اعطال اطلاقا, هذا بالاضافة الى اننى قمت بقيادة هذه السيارة لمسافات طويلة, و وجدتها رائعة من حيث الراحة و الأداء.
التويوتا ممكن تصمد بدون اعطال لحد 100 الف على أقصى تقدير و ربما أقل, و بعد كده هتنهار تماما و هتصبح بالضبط زى أى سيارة قديمة بقالها 10 سنين ماشية.
و ده اللى بنشوفه مع معظم السيارات المماثلة, و لنا عبرة فى سيارات مثل السوزوكى سويفت و الهوندا سيفيك موديلات التسعينات و التى أصبح معظمها الان بحالة يرثى اليها.
و فى المقابل نرى سيارة مثل البيجو 504 من السبعينات مازالت تسير بكفاءة الى الان.
أستاذ فادي اهلا بك
أولا انا نفسي اعرف ايه اللي بيبقى ثقة لك
يعني الجي دي باور طلعت فشنك كمان
وكل اللي بيركبوا العربيات دي وبيقولوا رايهم ليس لهم خبره
ده اسمه احصاء يا استاذ فادي وبصراحه لما تشكك في الاحصاء يبقى كلام غير منطقي بالمره
ثانيا انا في نقطه قولتها اكتر من مره
احنا في الثمانينات لم نجرب اي سياره ياباني ومكناش نعرف الا فيات وبيجو ومرسيدس هنا في مصر بس
ولو جربنا موجود عربيات نازله من الخليج موديل 80 و82 شغاله في شوارعنا وتركبها ولها تكييف شغال مش زي البيجو والفيات اللي عمري ما ركبت ولقيت واحده منهم فيها تكييف شغال ولو شغال يبقى حالته يرثى لها
زي ما حضرتك لك تجارب مع 405 انا ليا تجارب مع 405 برضه والياباني برضه كمان
وانا لم اقلل من شأن 405 فعلا ولكن كانت معروفه بالسخونيه مثلها مثل الفيات في هذا العيب الذي هو لحد الأن متواجد في سياراتهم بشهادة راكبيها
انا ليا تجارب كثيره مع الياباني في الثمانينات ولم ارى منه اي شكوى بل العكس
شغال لحد دلوقتي ومفيش اي مشاكل مع نعومة الأداء والسحب والتكييف اللي مكناش نعرف عنه حاجه في مصر
انا ليا سيارة صديق مازدا 323 موديل 82 لس عامله عامره من حوالي 3 سنوات فقط
والعربيه اقسم بالله قبل العمره كانت بتجيب على الثاني 80 و 90 كم في الساعه والتكييف شغال وجودة الخامات وشكل التابلوه وراحة الكراسي وقلة استهلاك البنزين مقارنة بأي عربيه تانيه
فأنا بصراحه نفسي تقولي على تجربه واحد مع الياباني
ووبعدين انت هترجعنا ورا ليه
احنا في دلوقتي
عربيات الثمانينات مكنشي فيها اي تكنولوجيا
قولي بقه عربيات بيجو دلوقتي فيها اعتماديه ازاي
يا صديق وهو عضو في المنتدى هكان معاه بيجو 406 شاريها مش فاكر تقريبا بــ 170 الف تقريبا
عارف باعها بكام بــ 40 الف وصارف عليها 60 الف ومش عارف يصلحها كمان
ولو مش مصدق روح الحرفيين في واحد هناك مشهور بتاع بيجو واسأله كام عربيه بيجو بتجيله على عيوب في الفتيس وبيركبلها استيراد وبرضه العيب موجود في الأستيراد
يعني حاجه تقرف
وتقولي اعتمادية ايه بس
يا اخي ده التوكيل بيبيع على حس العربيات القديمه
وابقى شوف الموديلات الجديده منها هيبقى لها سوق ولا لأ
انا عاوز حضرتك تصدق غيرك في كلامه
يا اخي ده انا كنت اركب المازدا وبعدين اركب البيجو احس اني بحارب مفيش اي راحه ولا في الركوبه ولا السواقه ولا الاداء
والله فرق السما من الأرض
ويا سلام على العوامان بتاع 405
المهم خلاصة الكلام احنا في دلوقتي علشان منقعدشي نتكلم في كلام لا هيودي ولا هيجيب
التويوتا معروف دوليا دلوقتي ان اعتماديتها الأعلى الأن
ودائما البيجو اقل بكثير
يا راجل ده عربياتها لسه لحد الأن بتسخن
في عربيه دلوقتي بتسخن وتمسك حرارة
ده الصيني معملهاش
ابو عبدالله
انا ليه تعليق صغير لما اي تقرير في العالم عن الاعتمادية تتصدره لكزس ومن بعدها سكودا اكيد يبقى غلط لان ببساطه المرسيدس ابدا متجيش تحت الكزس ولا تحت الاسكودا
وبعين دي البي ام الفئة الخامسة والرانج ايين تحت خالص مش عارف ازاي
وبالنسبة لكورولا 2008 هنا برضة في الخليج الاتو بتعها نفس المشكلة التأخير في الغيارات والنتشه وكمان وزنها خفيف على الطريق وده واضح لاي حد جرب العربية وحتى لو لمسافة كيلو
البيجو هي كمان اسعار قطع غيارها لاتطاق ابدا وغير منطقية بالمرة
ارجو تقبل وجهة نظري
انا لا اتحدث عن الكورولا 2008 بعينها
ولكن انا اعلم ان الخليج ليس فيه الفتيس mmt الجديد
عالعموم انا لست مقياس بخبرتي اني احدد ان التقرير غلط
وبصراحه لو احنا غلطنا التقرير
نبقى عاملين زي اللي بيقول للدكتور انت مش بتفهم حاجه والدواء ده غلط
كل حاجه ولها ناسها
التقرير ده يأتي بعد عمل استقصاء لمجموعه متفرقه على ملاك السيارات بعد فترات زمنيه معينه
فده مش كلام المؤسسة وانما كلام ملاك السيارات
وكل واحد وله وجهة نظره ومن حقه يقولها
انا عاوز اوضح حاجة بس, فى فرق مبين اعتمادية و تكنولوجيا / فخامة.
و بوجة عام العربيات اليابانية معروفة بأنها اكثر العربيات اعتمادبة.
مثال....عندما انطلقت لكزس فى اواخر الثمانيات - اوائل التسعينات كانت معروفة بانها من اكثر السيارات اعتمادية فى الفئة الفخمة بينما السيارات الأوروبية كانت معروفة بانها over engineered.
الأخت الفاضلة ...أهلا بيكي مرة أخري و ربنا يوفقك إن شاء الله
لو حضرتك حتجيبي العربية من الخليج يبقى هاتي كورولا أوتوماتيك ....ما فيهاش مشكلة الفتيس ال-mmt اللي نزل في مصر (المشكلة فيه أن الناس بتتعامل معاه على أنه أوتوماتيك و هو مانول بس معدل شوية و ديه غلطة التوكيل أساسا اللي ما قالش للناس الحقيقه و ما أتاحش تجربة قياده)
الكورولا فيه مراكز صيانة كتير ليها بره التوكيل و ممكن تتعاملي معاهم في الصيانات و كده ......اعتمادية تويوتا معروفة و متجربة طبعا و سعر أعاده البيع ماسك نفسه
نفس الكلام ينطبق على الكورولا لو حتشتريها من مصر مانول و تبقى كمان كسبتي ضمان الوكيل
البيجو ٣٠٨ برستيج أعلى من الكورولا و متميزة ...بس من الأخر عيبها الأساسي التوكيل بتاعها .....حضرتك ادخلي منتدى بيجو هنا و شوفي تجارب الناس ...... غير أن أسعار قطع الغيار نار و سعر اعاده البيع وحش
الخلاصة لو عايزة عربية اعتمادية و صيانتها أسهل نسبيا و سعر اعاده بيع كويس مع أداء معقول و كماليات مناسبة تبقى كورولا خليجي أوتوماتيك أو مصري مانول
لو عايزة عربية برستيج و ما فيش منها كتير تبقى بيجو
و ربنا يوفقك لما فيه الخير إن شاء الله :)
يا استاذ عبدالله, أهلا بيك ,
انا مش عارف والله هتفضل لامتى اسطورة السخونية دى منتشرة,
انا سقت عربيتين لفيات حتى الان,
ال128 موديل 1988 و كانت عاملة حوالى 140 الف و سقتها لحد 200 الف,
و العربية عمرها ما سخنت الا بسبب المروحة, مرة فيوز المروحة ضرب لأ ولاعة السجاير عملت ماس,
و مرة بسبب احتراق محرك المروحة,
اما الشاهين فالحمدالله بقالها 47 الف فى خلال سنتين تقريبا, مسخنتش و لا مرة حتى مع التكييف و الحر الشديد.
و تكييفها معقول فى الأجواء الحارة, و جيد جدا فى الأجواء المتوسطة(بعد الضهر, بليل).
انا بكلمك عن 128 و شاهين يعنى سيارات صممتهم فيات فى 1969 و 1973 على التوالى, و بيتصنعوا خارج مصانع فيات,
اما لو هتتكلم عن الجراند بونتو البرافو فالسخونة و الأعطال ليست لها مكان فى مثل هذه السيارات, و ملاك البونتو يشهدون بذلك.
و لازم تراعى انو تويوتا منتشرة فى اسواق امريكا بعكس البيجو و الفيات و ده يمكن اللى مخلى نسبة تويوتا اكبر.و لو تلاحظ هتلاقى معظم السيارات الموجودة فى المقدمة هى سيارات خاصة بالسوق الأمريكى, و هو سوق مختلف فى طبيعته عن السوق الأوروبى و الشرق الاوسط.
اما البيجو 405 فطوال 160 الف تقريبا مسخنتش و لا مرة.
مش عارف بجد اسطورة السخونة ديه جاية منين.
على فكرة بالنسبة لعلبة التروس التى فشلت تويوتا فى صنعها,
أول شركة ابتكرت هذا النوع من علب التروس (يسمونها علب التروس الذكية) أو سكوينشال بالانجليزية, هى شركة ماجنيتى ماريللى,
انظر للمفاجأة, شركة ماجنيتى ماريللى شركة اسستها فيات لتطوير التقنيات المتطورة لسيارات المجموعة, و هى تابعة تماما لفيات,
و على فكرة تستعين بيجو فى بعض سياراتها بأنظمة حقن من انتاج ماجنيتى ماريللى.
المهم أن أول علبة تروس من هذا النوع طورتها ماجنيتى ماريللى لتستخدم فى سباقات الفورمولا واحد فى سيارات فيرارى ثم استخدمت لأول مرة فى سيارة تجارية سنة 1999 مع الفاروميو 156, و سميت "سيلسبيد", و حاليا تسمى "ديوال لوجيك" فى سيارات فيات.
و لم تنجح اى شركة يابانية فى تطوير تكنولوجيا مماثلة, و عندما ارادت تويوتا اللحاق بركب التكنولوجيا, استقدمت بورش لتطور لها علبة مماثلة, و كانت العلبة المأساة التى اشتكى منها الجميع و التى أكدت تفوق التكنولوجيا الأوروبية دائما على التكنولوجيا اليابانية.
The 3rd generation Toyota MR2 uses Toyota's version, known as the Sequential Manual Transmission or SMT. Although it does not perform as well as the European-designed transmissions
http://en.wikipedia.org/wiki/Sequential_manual_gearbox
و قد استعانت بى ام دبليو بنظام فيات لتطوير علبتها الخاصة اس ام جى:
BMW's first generation SMG was also partly a Magneti Marelli system.[4]
http://en.wikipedia.org/wiki/Selespeed
و تيجى تكلمنى عن السخونة و الاعتمادية و جى دى باور,
يا راجل لما تبقى تويوتا توصل لنص تكنولوجيا فيات و الفاروميو و بيجو نبقى بعد كده نقارن بينهم.
يا استاذ فادي افهم من كلام حضرتك انك تقصد ان البيجو اكتر اعتماديه من الياباني ؟؟؟!!!
لو حضرتك تقصد كده يبقي ممكن تكون بتكلم عن ال504 اللي هي اي حداد ممكن يخرطلك رفرف او سقف وانت واقف
غير كده يبقي حضرتك مش فاهم وعني كلمه اعتماديه صح
البيجو طبعااااااااااااااا احدث واعلي في التكونولوجيا وتتفوق علي التويتا في كل حاجه الا منطقه الاعتماديه دي
وعلي فكره الاوروبي كله كده مش البيجو بس
يعني الرينو مثلا والسيتروين عربيات ملهاااااااااش حل بس دور عليهم كده
صيانه صعبه جداااااااا
قطه غيار غاليه جداااااااااا
سعر اعاده البيه منخفض جدااااااااااا
بقي فين الاعتماديه بقه
الأعتمادية موجوده بس الناس مبتشوفشي كويس ومعندهاش خبره كويسه :011::011:
أنا مليش فى المناقشة دىاقتباس:
ويا سلام على العوامان بتاع 405
بس الكلمة دى غير صحيحة بالمرة
أنا معايا الــ405
و باخد بيها غرز غبية و على سرعات منهم واحدة على 130
وكانت غرزة قطم
و العربية الحمد لله تمام التمام فى الثبات
و لو حضرتك تدخل على منتدى بيجو هتلاقى الكلام ده من كذا واحد
انما التعويم ده ممكن يكون كان فى سبب معين كاوتش او عفشة او شنوط
انما دى مش حاجة معروفة خالص عن الـ405 و الكلام بحيادية تامة
وتقبلوا وافر احترامى
اول مرة اسمع ان ال 405 بتسخن العربية دي عندنا ومع خالى برضه عمرها ما سخنت ولا احتاجت قطع غيار
العربيتين عاملين تقريباً اكتر من 300 الف من غير اي صيانة تذكر ولا حتى بتروح التوكيل ولا عمرنا عملنا صيانة هناك غير اول واحدة بس
ومشاكل اللي كانت في العربية هو انقطاع سلك التبرياج بعد 6 سنين استخدام بس
وبصراحة انا شايف ان التكيف بتاعها تلاجة
وتقريباً بيجو دلوقتي قطع غيارها هتبقى في نفس تمن التويوتا
بنسبة لثبات البجو اكيد احسن 100 مرة من تويوتا عمر العربية عومت معانا
على عكس تويوتا كرولا القديمة معروفة بتعويم بعد ال 120
على العكس بيجو ثباتها خرافة
يا ابو عبد الله الياباني مكنش بعيد عن مصر و متهيالي المصريين واعيين يعني لو كان ينفع مصر كان زمان التجار نزلوا اشتروا اي عربيه من اي حته لكن الياباني كان موجود لكن مش منتشر لشكله الردئ و قوه الانتاج الاوربي بجانبهاقتباس:
احنا في الثمانينات لم نجرب اي سياره ياباني ومكناش نعرف الا فيات وبيجو ومرسيدس هنا في مصر بس
بالضبط زي دلوقتي كده لما بنتكلم عن عربيه و نقول لاء مش حركبها لان العربيه دي كوري!!
بالضبط دا اللي كان بيحصل مع الياباني اول التمانينات كان يتقال يع دي عربيه ياباني.
الاوربي عموما مكنش بيهتم بالتكييف و كمان جو مصر اياميها كان كويس مش محتاج تكييف زي دلوقتي و حتي افخم و اعرق ماركات السيارات العالميه زي مرسيدس و طبعا اسم مرسيدس اكبر من اي اسم تاني كان بتنزل عربيات كتير من غير تكييفاقتباس:
ولو جربنا موجود عربيات نازله من الخليج موديل 80 و82 شغاله في شوارعنا وتركبها ولها تكييف شغال مش زي البيجو والفيات اللي عمري ما ركبت ولقيت واحده منهم فيها تكييف شغال ولو شغال يبقى حالته يرثى لها
و بيركبها ناس مستواها المادي و الاجتماعي مرموق جدا و مكنوش محتاجين تكييف.
لكن دلوقتي الوضع اتغير و التكييف الاوربي بقي قوي و ممتاز
البيجو عموما عمرها ما بتسخن و عمري ما سمعت عن عيب زي دا ولو فردي حتي فيها.اقتباس:
وانا لم اقلل من شأن 405 فعلا ولكن كانت معروفه بالسخونيه مثلها مثل الفيات في هذا العيب الذي هو لحد الأن متواجد في سياراتهم بشهادة راكبيها
اما بالنسبه للفيات ما ينفعش اعمم كام عربيه سخنت و اقول الفيات كله بيسخن
انا ركبت 128 و 132 Gls و 132 2000 و ارجينتا و 125 سبيشيال و 125 بولندي و عربيات كتيييييييييييير ولا اي عربيه قابلني فيها حكايه السخونيه دي مش عاوز اقولك اني كنت في عربيات عاوز اركب لها ترموستات علشان تسخن و درجه الحراره تبقي في النص كعاده كل سيارات فيات.
و بعدين عربيه في معظم تاريخ مصر كان ليها تلت السوق المصري و لفتره طويله مش معقول كل اللي راكبينها مش بيفهموا و يدفعوا فيها اكتر من اي عربيه اسيوي!!!!
و انا كان عندنا فيات 132 2000 موديل 81 لحد ما اتباعت سنه 2004 الموتور بتاعها محدش حط ايه فيه ولا حتي جوانات غير بس اويل سيه و السيور المعتاده و بساقتباس:
انا ليا سيارة صديق مازدا 323 موديل 82 لس عامله عامره من حوالي 3 سنوات فقط
تعالي بقي افرجك علي عربيه 131 مع واحد قريبي متهانه و بتجيب ال 180 لحد انهارده بمنتهي السلاسهاقتباس:
والعربيه اقسم بالله قبل العمره كانت بتجيب على الثاني 80 و 90 كم في الساعه والتكييف شغال وجودة الخامات وشكل التابلوه وراحة الكراسي وقلة استهلاك البنزين مقارنة بأي عربيه تانيه
اول 40 تاني 90 تالت 1400 رابع 180!!!!!!!!!
لا اسمحلي مفيش 405 بتعوم دي ممكن زي ما الاخوه الاعضاء قالوا كده عيب كاوتش..اقتباس:
ويا سلام على العوامان بتاع 405
............
من الاخر البيجو 308 برقبه الكورولا
سحب و نعومه و قوه و عفشه و صاج و طول عمر و كل شئ
لكن وضع الخليج و مصر بيفرض النويوتا لرخص قطع غيارها و سهوله صيانتها
و اعتقد ان الوضع دا مش حيستمر كتير لان الياباني بدأ ياخد نفس المنهج الاوربي
انا شابف اننا خرجنا عن الموضوع الاساسى (كدا ممكن نفتح موضوع اسمة "ايهما اكثر اعتمادية")
انا شايف ان ال308 احسن من الكورولا بكتييييييييييييير ثبات احسن شكل اجمل كماليات اكتر راحة افضل نعومة اكتر
لو عائلة وعايزة تركبى 5 افراد يبقى كورولا
بس انا رأى البيجو 308 احسن بكتــــــــيــــــــــــر اوى اوى اوى
الســلام عليكم قبل اي حاجه :blush5: , عشــان ما أنساش أي حد
أنا متشــكرة لكل عضو دخل وإداني رأيو فالموضوع وكوني إني ماليش خبرة كويسه فموضوع العربيات ده..
حبيت أستشيركو طبعا وباين ماشاء الله عليكو كل واحد فيكو فاهم كويس هوه بيقول ايه .
لكن إسمحولي هيه الفكــرة من سؤالي إني أجيب عربيه تجمع الفخامة والإعتماديه زي ما حضراتكو قلتو قبل كده.
لكن بما إن الإستخدام هيكون لبنت اللي هوه حضرتي :shifty::funny34d:عشان كده موش عايزة حاجه تتعبني و بعد سنتين ثلاثة تقف بيا وأدور على حد يساعدني وأحتــار بيها وفي نفس الوقت يكون تكلفة مصاريفها معقوله.
أنا كان وجه الحيرة عندي موش ثمن العربيه على فكرة لأنها تقريبا عندنا هنا الكورولا معروفه اكتر من البيجو, والبيجو أغلى كمان لكن انا هنزلها مصر و اللي اضمن لي وأحسن لي في مصرهوه اللي هشتريه ؟؟:7bteen:
يعني البيجو 308 رقم واحد ثمنها 90 الف درهم بينما الكورولا رقم واحد (فل اوبشن) 64 الف درهم.. متخاييلين الفرق ولو دخلتو عى لموقع بتاع البيجوهتلاقو البيجو 308 فيلاين حاجه وهميه انا شخصيا رحت الوكيل واتوهمت لما شفتها حقيقي حاجه خرافيه.
لكن المشكله ان هنا موش بيحبذو البيجو عشان قطع غيارها وصيانتها هوه توكيلها فقط بس ..وماحدش تاني بيفهم فيها .. ليا وحده صاحبتي حصل حاجه فالكهربا بتاعة عربيتها البيجو 306 ولحد دلوقتي موش عارفه تصلحها زي الاول ودفعت قد كده في التوكيل بينما طبعا الكورولا المدن الصناعيه هنا مليانه قطع غياروأسعارها كويسه.
رحت على فكرة سألت عالفتيس بتاع الكورولا وقالولي ان ماحدش اشتكي عليها خالص وان معظم الناس بتستخدمها اتوماتيك. العربيتين على فكرة الفتيس بتاعهم اتوماتك ومانيول (على قد معرفتي) :rofl4:
عموما أحب برضه اسمع أكبر اراء ممكنه عشان لو اشتريت العربيه وباظت مني حد فيكو اللي هيصلحهالي ( بهزر معاكو طبعا) :helpsmilie::coool:
وياجماعة اللي عندو فكرة عن الجمارك للاتنين لو نزلتها بعد سنه ونص تبقى بكام يا ريت يقوللي ..
مستنيه ردكو ومتشكــرة اوي لكل حد إهتم بالموضوع :Lighten:
الأخت الفاضلة ...الفتيس بتاع الكورولا اللي عليه الكلام مش موجود في الخليج انما نزل في العربيات اللي في مصر ....زاي ما قلت لحضرتك قبل كده في مشاركتي السابقة (معلهش السجال كان حامي شوية و طبعا فيه كلام راح في النص :blink4: )
الكورولا الخليجي الأتوماتيك ما فيهاش مشكلة و زاي الفل و إن شاء الله صيانتها تبقى سهلة في مصر في مراكز خدمة تويوتا (غير التوكيل )
ربنا يوفقك :flowers:
عفواااااااااااااااااااااا ااااااااااااااااااااااااا ا,,,
انا اؤيد بشدة كلام الاستاذ ابو عبدالله في كل كلامه,
معلش انا عندي 4 اصدقاء يمتلكوا بيجو 307 منهم واحده 307SW
والله والله والله محدش منهم مشتكاش من مشكلة الكمبيوتر بتاع العربيه
ده منهم واحد نازل من على كوبري بيدوس فرامل الشاشة قاليتلوا System ERROR!!!!!!!!! و موقفتش!!!!!!< و كانت عامله 26000 و كان لسه عاملها صيانه>
اضطر يستخدم الـhand break بالراحه على منزل كوبري,,,
بيجو كرفاهيه تكسب و بمراحل عن تويوتا برأي ناس كتير (لكن في رأيي الشخصي كورولا ليست اقل فخامه) انما كاعتماديه لا تجوز المقارنه بين الاثنين
و اعتقد ان استاذ ابوعبدالله كان بيقارن بال (504) و ليس (405)
لو اعتقادي صح يبقى انا مؤيد ليه
ال504 من اكثر السيارات الطائره في مصر و بيسموها ما بين المحافظات ( النعش الطائر )
انا مره اضطريت اركبها من اسكندريه لطنطا لظروف ان مكانش في غيرها في الوقت ده
اتشهّدت اكتر من مره
اذا كنتم لا تعرفوا اعتمادية الياباني
هاتوا بيجو موديل 90 اي فئه و قارنوها مثلا بكريسيدا موديل 85-86-87
و اذا كان التجار في مصر مبيجبوش السيارات اليابانيه فده اكيد لمصالح كتير
و غير المصالح المواطن المصري صعب جدا انه يتقبل انه يركب حاجه ميعرفهاش و احنا مكناش نعرف غير الاوروبي في الوقت ده نتيجه لاستمرار حقبة الاستعمار عقبال مبدأنا نتقبل ان في دول صناعيه تانيه
و المصريين معرفوش السيارات الياباني غير لما سافروا الخليج و ركبوها و عرفوا يعني ايه ياباني ساعتها فضلوها عن السيارات الاوروبي
انما في الوقت الحالي السيارات الاوروبيه في رأيي رفاهيه عاليه جدا لكن تحتاج لعنايه خاااااااااااااااااصه جدا
من الاخر عايزه جو و طرق اوروبيه
استخدام بنت صدقيني بعد 3 سنين والكلام ده البيجو احتمالات انها تتعيك كبيرة جدا عن الكورولااقتباس:
لكن إسمحولي هيه الفكــرة من سؤالي إني أجيب عربيه تجمع الفخامة والإعتماديه زي ما حضراتكو قلتو قبل كده.
لكن بما إن الإستخدام هيكون لبنت اللي هوه حضرتي :shifty::funny34d:عشان كده موش عايزة حاجه تتعبني و بعد سنتين ثلاثة تقف بيا وأدور على حد يساعدني وأحتــار بيها وفي نفس الوقت يكون تكلفة مصاريفها معقوله.
الكورولا معروفه في السوق والمصاريف الأقل في صالحها وليست في صالح البيجو
\اقتباس:
لكن المشكله ان هنا موش بيحبذو البيجو عشان قطع غيارها وصيانتها هوه توكيلها فقط بس ..وماحدش تاني بيفهم فيها .. ليا وحده صاحبتي حصل حاجه فالكهربا بتاعة عربيتها البيجو 306 ولحد دلوقتي موش عارفه تصلحها زي الاول ودفعت قد كده في التوكيل بينما طبعا الكورولا المدن الصناعيه هنا مليانه قطع غياروأسعارها كويسه.
الكلام ده بيدل على كلامي ان البيجو فيها احتمالات يكون فيها مشاكل
عمرك سمعتي الكلام ده عن الكورولا ولو مره ان في مشكلة في الكهرباء
هو ده اللي بقصده
----------------------------------------------
أولا احب ان اشكرك على هذه المداخلة القيمة
واؤيد كلام في اني كنت فعلا اقصد 504 وليس 405 لأني دائما بتلخبط بينهم
بس انا لما حسيت ان الموضوع هيدخل في كلام مالوش لازمة قولت خلاص
لأن المعلومة اللي عندي قولتها وخلاص
اي حد عاوز يصدق يصدق واللي مش عاوز يصدق ميصدقشي
بس انا بتكلم على تجارب شوفتها وليس كلام ناتج عن ثقافة قديمة متخزنة
ومش عارف الناس ازاي مش شايفه الكلام ده عن البيجو
انا عاوز اي حد من اللي بيتكلمو على اعتمادية البيجو يروحوا لورش صيانتها ويشوفو العيوب ايه اللي ملكها بيشتكوا منها دلوقتي
ولو بتتكلم على القديم
المشكلة ان هنا في مصر بنقارن العربيات الياباني 1300 بي العربيات 2000 سي سي الفرنساوي او الأوروبي
يعني بنقارن اقل فئة في اعلى فئة
عاوز تقارن زي ما اخويا الفاضل موسو قال قارن بالكورسيدا مثلا وانت تعرف انا بتكلم على ايه
وانا لم اقلل من شأن 405 فعلا ولكن كانت معروفه بالسخونيه مثلها مثل الفيات في هذا العيب الذي هو لحد الأن متواجد في سياراتهم بشهادة راكبيها
يا اخي ده انا كنت اركب المازدا وبعدين اركب البيجو احس اني بحارب مفيش اي راحه ولا في الركوبه ولا السواقه ولا الاداء
والله فرق السما من الأرض
ويا سلام على العوامان بتاع 405
يا راجل ده عربياتها لسه لحد الأن بتسخن
في عربيه دلوقتي بتسخن وتمسك حرارة
ده الصيني معملهاش[/quote]
عزيزى أبو عبد الله / بعد صباح الفل
شهادة حق وعن تجربة
السيارة ال 405 أقصى درجة حرارة ليها معايا هى 80 درجة يبقى بتسخن منين علما بأن الرادياتير الألمونيوم لسه فيها .
وفعلا لا تقارن بالماذدا الـ 323 عربيتى السابقة لأنها أقوى منها وأحسن منها بكثير يمكن أخشن شوية بس لا تقارن .
ثالثا بالنسبة للعومان فبصدق وصلتها إلى سرعة 195 كم على الساعة وي اخى سبحان الله محستش بموضوع العومان ده ويمكن أكون أنا ما بحسش .
وده رأى شخصى مش دفاع عن السيارة فلولا اختلاف الأذواق لبارت السلع .
مع تحيات بيجوهاتى قديم
بيجو 308 طبعاااااااااااااااااااااا ااااا
استاذ harphosh,
بعد التحية توضيح صغير,
الكلام بتاعنا عن ال504 و ليست 405
معلش هو الاستاذ ابوعبدالله تداخل عنده الموديلين بس هو قصده على ال504
ال405 سياره محترمه جدا و يمكن هي اخر سياره نزلتها بيجو مفيهاش مشاكل الكمبيوتر الي في الجديد رغم صعوبة صيانتها و قطع غيارها الغاليه بس في رأيي احسن بكتير من البيجو الجديد الي في رأيي يحتاج معامله خاصه في ظروف خاصه غير متوافره عندنا هنا في مصر
يا أستاذ عبدالله,
أدى الرد ببساطة, البيجو أغلى من الكورولا بحوالى 26 الف درهم كاملين, رغم ان ال308 و الكورولا من نفس الفئة (عائلية صغيرة),
و هو ده أبلغ رد, تفتكر ليه الفرق فى السعر ده؟!
انه ثمن التميز و الجودة و التكنولوجيا و جودة التصميم, البيجو بيسموها Well Designed, و فرق السعر ثمن الجودة,
و اى سيارة فى العالم بيحصل فيها مشاكل و انا شفت تويوتا ياما بتعطل و بتغلب اصحابها عادى,
شفت تويوتا ستارليت قبل كده سخنت و الرادياتير ضرب عادى ممكن تحصل فى اى عربية.
و شفت كورولا قبل كده اتعملها عمرة و هى معدية ال100 الف بشوية,
مينفعش تاخد عطل حصل و ممكن يحصل فى اى سيارة على انه دليل على رداءة السيارة لأن ما من جهاز ميكانيكى فى العالم يخلو من الاعطال.
لكن يا استاذ فادي ال 308 مش جهاز ميكانيكي فقط,
ده بياخد اوامره من جهاز كمبيوتر شديــــــــــــــــــــــ ـــــــــــد الحساسيه
لدرجة انه ساعات بيضرب من الحراره الي عندنا و هي دي المشكله الي بيشتكوا منها في الخليج,
نفس المشكله ايضا في سيارات فورد الجديده مشاكل الكمبيوتر شديد الذكاء والحساسيه
دي من الاخر صعب جدا تتأقلم عندنا هنا في مصر بسبب البيئه المطباتيه والجو الملتهب الي ميصمدش معهم اي جهاز كمبيوتر مهما كان
انا لا اقلل من السيارات البيجو القديم لكن في مقارنتها مع التويوتا اختلف في الرأي
هو حضرتك في انهي بلد بالضبط
انا لسل سائل علي البيجو 308 SW امبارح في الامارات كانت ب 75 الف درهم Full Options Number1
و سألت علي الكورولا لاقيتها برضو ب 75 الف درهم Full Options Automatic
انا كمان واقع في نفس المشكلة العربيتين بنفس السعر و الجمارك بس اكيد البيجو 308 عربية انعم و افخم بكتيير من الكورولا و كمان انا حاسس ان قطع غيار الكورولا مش رخيصة اكيد و اعادة بيع البيجو اصعب و تخسر اكتر.
و دة لينك عن جمارك العربيات
http://www.nilemotors.net/Nile/showthread.php?t=32523
السيارات الفرنسية عموما فى الوقت الحالى لها خاصية لا ادرى اذا كانت تعتبر ميزة ام عيب هو الاعتماد المفرط على التكنولوجيا الألكترونية، واستبدال كل ما يمكن استبداله من اجزاء ميكانيكا ببدائل الكترونية، ربما انه وعلى المدى الطويل وبعد ان تثبت الحلول الالكترونية اقدامها فى سوق العمل فانها تكون افضل من بدائلها الميكانيكية، ولكن فى بداية طرحها دائما تظهر منها مشاكل تشغيل تنبع بعضها من ظروف تشغيل فى بلاد بعيدة عن بلد التصنيع لم تخطر على بال المصمم(مثلا وضع المفتاح الالكترونى فى جيب مبتل بالعرق فى بلد حار) او تأثر الالكترونيات بالحرارة المفرطة فى البلاد الحارة،او التداخل مع بعض انواع الهواتف المحمولة، او تسرب مياه المطر او غسيل السيارة ....الخ، وهكذا نشاهد الكثير من المشاكل التى تنبع اساسا من الافراط فى استخدام فى التكنولوجيا الإلكترونية فى منطق لها ظروف تختلف عن ظروف تصميم السيارة
بينما نجد ان السيارات اليابانية وخصوصا من الفئة المتوسطة تحمل السمة العامة لليابنيين ، وهى انهم دائما ما تكون التكنولوجيا الخاصة بهم متأخرة بخطوة عن التكنولوجيا الغربية، ولكن تعتمد على دراسة جيدة لظروف سوق الطرح الى جانب الاعتماد على حلول تكون قد ثبتت اقدامها وحلت مشاكلهاالفنية، حتى لو لم تكن الأحدث والأكثر تعقيدا، وهذا ما يعطى للسيارة اليابانية الغير معقدة قدرا عاليا من الاعتمادية مقارنة بشقيقتها الفرنسية المزدحمة بالتكنولوجيا
وان فاتك الألمانى ......متركبش غير يابانى.....
و لكن يا استاذ سبعاوي اليابانيين مش متأخرين في مجال التكنولوجيا عن الغرب,
بل هما متقدمين في مجالات تكنولوجيه عديده عن الغرب و لكن يمتازوا بانهم يقدروا يوظفوا التكنولوجيا في المكان المناسب ليها بحيث انهم يقدروا يستفيدوا باكثر قدره عطائيه من المنتج
و ليس لتأخرهم خطوه عن الغرب
هذا رأيي الشخصي,,,
اسمحلى اختلف معاك، انا على فكرة بقدر البابنيين جدا وبقدر انتاجهم وراكب عربية يابانى، لكن من خلال عملى لسنوات طويلة فى مجالات ترتبط بالتكنولوجيا المتقدمة فى عدة مجالات فاللى عرفته ان التكنولوجيا تخرج فى 99% من الحالات من امريكا وغرب اوروبا ،لكنها تكون تكنولوجيا مكلفة وغير متاحة للعامة وتحتاج لسنوات حتى تثبت اعتماديتها، لكن ما يقوم به اليابانيون فى العادة هو تطوير ما انتجه الأمريكيون والألمان لكى يكون سعره فى متناول المواطن العادى ومشاكله اقل من مثيله الأوروبى او الامريكيى ، وهذا لا يقلل من قدر اليابانيين، فانا لا يهمنى من استطاع تصنيع تكنولوجيا متقدمة بقدر ما يهمنى من استطاع ان يجعل هذة التكنلوجيا فى متناول يدى
بمعنى انه لا اول تليفويون ولا اول كاميرا فيديو ولا اول سيارو ولا اول فتيس اوتوماتيك ولا اول ميكروبروسيسور ولا اولا تكييف ولا اول غسالة ولا اول مكنسة كهربائية ولا اول شاشة بلازما خرجت من اليابان، لكن دايما هتلاقى ان اول فرصة لشراء منتج من هذة المنتجات بسعر يناسب المواطن العادى وبدون اعطال او مشاكل كانت لما اليابانيين ابتدو ينتجوا هذا المنتج وطوروا نسختهم الخاصة منه
أتفق معك يا أستاذ سبعاوى فى الجزء الأول و لكن بتحفظ,
طبيعى أن تسبب أى تكنولوجيا متطورة و معقدة زيادة فى الأعطال, تبعا للقانون الذى يقول "كل ميزة جديدة تساوى عيب جديد", و لكن ليس بالقدر الذى يجعلنى أبتعد عن هذه التكنولوجيا,
متفق معك أن اعتماد الفرنسيين المفرط على الالكترونيات قد يتسبب فى بعض المشاكل, الا أن هذا لا يحدث بشكل موسع, و لم يحدث مع معظم الذين يستخدمون سيارات بيجو و رينو و سيتروين فى البلاد الحارة, الا أن الصورة ليست قاتمة الى هذا الحد.
و بالطبع فان التكنولوجيا القديمة قد تكون أكثر اعتمادية, و هو ما يجعل السيارات اليابانية تتمتع ببعض الاعتمادية فى الفترة الأولى من حياتها على الأقل.
لكن أختلف بشدة مع الجملة الأخيرة,
أولا الألمانى واخد سمعته أساسا من مرسيدس و بشكل أقل بى ام دبليو, الا أن لقب "المانى" لا ينطبق على شركات مثل فولكس و أوبل, الا لكون هذه الشركات تقع داخل حدود ألمانيا فقط, و لكن لا علاقة لها بمرسيدس من قريب أو بعيد.
و فى مستوى الألمانى (و ليس بعده) لا يمكن أن ننسى الايطالى, حيث تصنع أغلى و أفضل السيارات الرياضية و التى لم يستطع الألمان حتى الأن صناعة سيارات مثلها, فبورش التى تأسست لمنافسة فيرارى الايطالية, مازالت تباع بنصف سعر الفيرارى من نفس الفئة,
و حتى مرسيدس و بى ام فى لم تستطع مجاراه النفس الرياضى المتصاعد لسيارات الفاروميو الممزوج بالفخامة,
حتى فيات التى تصنع فى العادة سيارات اقتصادية فان الطابع الرياضي يظهر حتى فى سياراتها المدمجة جدا, و اشتهرت صغيرتها باندا بلقب "فيرارى جونيور",
و قد نجحت ثورة التصحيح التى قامت بها فيات لرفع مستوى اعتمادية طرازاتها فى اهدافها تماما, و اختفت تماما سمعة فيات كسيارة كثيرة الأعطال و التى اشتهرت بها فى الستينات و السبعينات مع سيارات مثل بونتو و برافا و غير ذلك.
و تقع السيارات الفرنسية فى مساحة وسطية بين الاثنين, و هى السيارات التى دائما ما تأتى بكل جديد و غريب من الابتكارات, بالاضافة الى سمعتها الرائعة على صعيد الراحة, و سمعة بيجو فى مصر التى تكاد توازى مرسيدس و بى ام دبليو عند بعض السائقين.
لذا أعتقد أن السيارات الأوروبية تقف فى مستوى واحد تقريبا, مع تفوق طفيف على صعيد الاعتمادية للألمانى, يعوضه الاكتساح الايطالى الواضح لجهة متعة القيادة و الأداء الرياضى.
فأين اليابانيون و الأمريكيون من ذلك؟ اعتقد انهم يلعبون فى ساحة مختلفة تماما عن الأوروبيين, مع تفوق واضح للأمريكانى على صعيد القوة و التحمل و المتانة و الفخامة.
فرامل بتوقف وكمبيوتر بيبوظ وعربية بتعطل وحسسات مش عارف اية
هو انتو بتتكلموو عن البيجو308؟؟!
لا يا استاذ سعداوي مش بنتكلم عن ال308 بعينها,
احنا بنتكلم عن مشاكل البيجو الجديد عامة و بنقارن اعتماديتها بالكرولا
بعد سماعي عن مشاكل الكورولا موديل 2008 وخاصة مشكلة الفتيس
أقول إن آخر عهد الكورولا كان 2007 إلى إشعار آخر
وأنصح السائل بالإبتعاد عنها حتى يجد من إشتروها حلاً لمشاكلها التي لم يستطع التوكيل حلها
وقد تكون الهوندا سيفك هي الحل الأمثل في رأيي
وأرجو من جبهات الياباني والفرنساوي التوقف عن الجدال الغير مجدي الذي تكرر قبل ذلك مرات بدون جدوى والنتيجة بلبلة السائل
كل واحد يقول رأيه وخلاص
وشكراً