استشارة قانونية ولكنها انسانية من اجلى
السلام عليكم
ازى حضرتك اخبارك ايه
انا كنت عاوز اترازل عليك فى استشارة بقى نص قانونية على نص شخصية
انا شارى شقة بعقد ابتدائى موقع من طرفى وطرف البائع اللى هو المقاول الشقة دى وقت كتابة العقد لسة مكنتش أنشئت
وكان فى اخر صفحة فى العقد رسم كروكى للشقة
هيا مساحة 98 متر
جه المقاول من فترة كلمنى وقالى ان عنده خطأ فى التصميمات وانه عدل رسومات الشقق مساحة ال 98ى متر انا لما بصيت على الرسم الكروكى الجديد لقيته اوسع فى كل حاجة متر او نص متر دا غير ان الرسم الاول كان بلكونة واحده الرسم التانى بلكونة كبيرة وتراس صغير
لما البرج طلع رحت اتفرج على الشقه فوجئت ان الرسمة القديمة اللى كانت معايا زمان خالص اتنفزت فى نفس البرج بس على مساحات اوسع 108 متر وبفرق 35000 عن سعر الشقة ال 98 متر
السؤال هنا سيدى انا عرفت ان فى واحد كان زيى كدا رخم عليهم وقالهم لا انا عاوز شقتى بالرسمة دى واتفاوضوا معاه لحد مدفعوه 10000 جنية
انا كدا اتخميت وخدت على قفايا بالمعنى الاعتبارى ولا انا كدا عملت الصح ولا ايه بالضبط
الموضوع دا مقلقنى وانا عندى قلق كبير
برضة انا مستحرم حته انى كنت استغل نقطة ضعفة دى واساومة على انى اخد شقة اكبر بفلوس اقل
رأى حضرتك ايه
معلش انا عارف انى تقلت على حضراتكم بس بجد مزنوق فى الاستشارة دى جدا