الجراج اللي تحت العماره منحدر جدا كأن العربيه نزله ملاهي لكن من جوه واسع هل النزله الحاده دي تعمل مشكله علي المدي الطويل ؟؟؟؟؟؟؟؟؟؟ظ
عرض للطباعة
الجراج اللي تحت العماره منحدر جدا كأن العربيه نزله ملاهي لكن من جوه واسع هل النزله الحاده دي تعمل مشكله علي المدي الطويل ؟؟؟؟؟؟؟؟؟؟ظ
تعمل مشكله لو العربيه مانيوال واللي بيسوقها بيحرق جامد علي الاسطوانه علشان يطلع من الجراج
ولو الموتور خفيف عزمه حيقل بمرور الوقت
ملوش اى تأثير شرط انك متحملش على الاسطوانه و انت طالع
لكن ملوش اى تأثير على العربيه نهائى
كل التأثير هيبقى على الاسطوانه فقط
يعنى حاول و انت طالع رجليك متبقاش معلقه على الدبرياج
يعنى طلع العربيه و بعد كده رجليك على البنزين علشان تحافظ على الاسطوانه
^_^
عادي متقلقش
انا شايف ان التاثير عالمدى الطويل عالموتور لو بتدور العربية و تطلع بيها الطلعة دي علطول بدون تسخين , لان مش المفروض نحمل عالموتور و هو لسه بارد
لكن لو العربية اخدت درجة حرارتها العادية الطلعة دي متاثرش في حاجة
زي ما الاخوة قالو ...اسطوانة لو مش خبير
مع خالص أحترامي و تقديري للجميع أنا عندي نفس المشكلة و يمكن أكبر لأن المطلع حاد جدا و كمان واخد لفة شمال حوالي نص دائرة تقريبا
النتائج من الأخر كانت أن طقم الكبالن طقطق بدري جدا و بأغيرهم تقريبا كل سنة
مع العلم أن السيارة ألنترا 2006 و دي مشهور عنها الأعتمادية و الجودة العالية بس يمكن علشان ضخمة و تقيلة فالكبالن بتبوظ من المطلع الحاد ده؟؟ ألله أعلم
عموما أنا جربت كل أنواع الكبالن من أول الصيني المعفن أبو 200 جنيه الجوز و الياباني أبو 525 جنيه الجوز و برضه جربت الأستيراد (500 جنيه للجوز بس كامل بالكبالن الداخلية) و صدقني كله كان زي بعضه يعني هي السنة و بعدها تسمع مزيكا حسب ألله في الملفات