أرجو الإفادة و عمل مقارنة أيهما أفضل شيفروليه أفيو 5 أم هيونداى جيتز
أرجوكم أفيدونى جزاكم الله خيرا
عرض للطباعة
أرجو الإفادة و عمل مقارنة أيهما أفضل شيفروليه أفيو 5 أم هيونداى جيتز
أرجوكم أفيدونى جزاكم الله خيرا
الجيتز 1600 106 حصان كوري بالكامل حجم صغير كصالون و مساحة تحميل خلفية موفرة في البنزين هي وزن العربية حوالي 950 كيلو ثباتها ضاااااااااااااااااااااااا ااااايع ثباتها وحش جدا بتجربة كل الناس سواء ملاك او مجربين فقط العربية قوتها كبيره جدا علي وزنها و حجمها لكن لو استخدام عادي من غير جري و شد جامد و الكلام ده العربية شغالة و شكلها مش وحش و موفرة في البنزين الغالي بتاع اليومين دول
افيو 5 تفوقت علي المويدل السابق و احنا مقييمينها في الموضوع بتاعنا عربية نضيفة جدا من جوا و خاماتها حلوة و مساحتها معقولة و كمالياتها كويسة و 1500 سي سي 84 حصان يعني هتوفر بنزين اكتر من الجيتز كمان ده غير انها شكل جديد 2008 و موديل جديد انما الجيتز ممكن تتغير قريب بموديل جديد
في رأيي افيو5 احسن من الجيتز كثبات و شكل و توفير بنزين و اوسع من الجيتز كمان
ممممممم
المقارنه متعبه فعلا
يعني هاتش باك و من هيونداي و تقفيل كوري
و افيو تقفيل مصري
بس رغم كل الانتقادات علي الافيو في امريكا برضه حختار الافيو.
لانها تعتبر لانوس معدله فبالتالي اخدت موتور اللانوس قليل المشاكل علي جسم جديد
و شكل جذاب و بالطبع سعر اعاده بيع اعلي من الجيتز.
ممكن برضه تقول عاوز تدفع في حدود كام و نفكر معاك بصوت عالي
1- افيو 5
2- الجيتز
أشكركم كثيرا على ردودكم القيمة
أنا أبحث عن سيارة هاتش باك فى حدود السبعينات
عاجبنى الأفيو جدا كشكل بس خايفة لعدم إنتشارها مع العلم إنها تقفيل كورى بالكامل
الأفيو سيدان هى اللى مصرى
إيه رأيكم فيها بالنسبة إنها موتور لانوس هل هذا يعيبها فى شىء ؟ و أخبار التكييف إيه ؟ و طبعا التوكيل ؟
معلش الأسئلة كثيرة بس أرجوكم أفيدونى لأنى محتارة جدا!!!!
افيو5 احسن من الجيتز
بقولك صحيح
ما تبصي علي الفيات بونتو كلاسيك
عربيه ب 75 الف و فيها كل الكماليات و كمان جنوط و فوجات و 2 اير باج(الوحيده في فئتها علي فكره بالكماليات دي)
و قطع غيار رخيصه و عربيه حلوه جدا و احسن بصراحه من الاتنين دول
مش عارف كانت غايبه عن دماغي فين دي:)
صح يا ريت تضيف للدايرة اللي بتدور فيها الفيات بونتو كلاسيك
و الدايهاتسو سيريون