انا الفيديو دة لسة مبعوتلي من شوية
ارجوكم بلاش سرعة أنب نفسك وحاسب نفسك وقول لنفسك انا فعلا باعمل كدة والنتيجة بمنتهي السهولة ممكن تبقي كدة
هل انت مستعد لكدة
ارجوكم فلنتقي الله في انفسنا ومن حولنا
Drive Safety - YouTube
عرض للطباعة
انا الفيديو دة لسة مبعوتلي من شوية
ارجوكم بلاش سرعة أنب نفسك وحاسب نفسك وقول لنفسك انا فعلا باعمل كدة والنتيجة بمنتهي السهولة ممكن تبقي كدة
هل انت مستعد لكدة
ارجوكم فلنتقي الله في انفسنا ومن حولنا
Drive Safety - YouTube
الحمد لله الذى عافانا
بس فى موضوع زيه بالظبط فى نفس الدقيقه بنفس المحتوى D:
http://www.nilemotors.net/Nile/325984-a.html
اعتقد ان دة شئ يدل حرصنا جميعا علي ان الرسالة توصل
وياريت المنتدي كلة يشوف الفيديو للاتعاظ
ولو الادارة تمسح واحد من الموضوعين وتثبت التاني ويكون اجباري اي حد داخل النهاردة يشوفة يبقي عملنا خير وساهمنا ان الرسالة توصل لاكبر عدد
شكرا يا باشا
وأنا عن نفسي بمشي براحتي ...
يا نهار ابيض ... ده فيديو يعقد بجد (ما كنتش لسة شفته قبل الرد الاول)
بلااااااااااااااااش سرعة ...
ااااااااوف ايه الحوادث دى
دانا بمشى بغباء كده :(((
انا مش بفهم نفسية اللي بيسوقوا بسرعة.. لما الاقى حد ماشي و بياخد غرز زي ال &%&^ بجد بادعي انه يلبس في اوتوبيس عشان يبطل هبل.. انا شخصياً مرة من 10 سنين تقريباً سواق تاكسي شاهين خبطني و انا باعدي الشارع عشان كان طالع من شارع جانبي بسرعة.. و اغم عليا طبعاً و بعد كده اتحكالي اني طرت حوالي 10 متر. و ستر ربنا وحده ان محصليش حاجة..
ارواح الناس مش لعبة, و مش حرفنة ان حد ياحد غروة ولا يشد في شارع فيه عربيات و بشر و لا يمشي في زفة يعمل حركات بالعربية.. مش حرفنة و مش شطارة يعني بجد. و للناس اللي في المنتدى و بتعمل كده, بجد بجد يعني, مش بتفرق العربية اللي سبقتها, و مش هاتفرق 10 دقايق زيادة في مشوار !!! بس اللي بيفرق الناس اللي بيجيلها هلع من الحركات دي !
ايه ده !! :d
انا عامل الموضوع في نفس ذات اللحظة :d
انا طلبت من الأدارة الدمج أو لو يشيلوا أي واحد ... بس المهم الناس تشوف الفيديو
Thank you
أقولك انا نفسية اللي بيسوقوا بسرعة دول !
عارفة لما والـ adrenaline يعلي في الجسم قوي لدرجة متعة غير طبيعية تخليكي من كتر المتعة مش بتفكري أساسا ؟
جربتي لعبة في أي مدينة ملاهي وكانت لعبة خطر ؟ .... حسيتي بالفرحة ؟
في الملاهي انتي عارفة ان اللعب مأمنينها ... ولو ان في خطورة برضه
اللي بيحصل للي بيسوق بسرعة انه بيجري والأدرينالين يعلي ... تحصل مخاطر صغيرة وهو يتفاداها ... كدة حس انه برنس !
يعيد الموضوع كذا مرة ويجري كتييييييييييييييييير ويزيد ويصعب الموضوع أكتر
غرز وسط نقل ... وممكن من تحت نقل !
يجري وسط الناس والشوارع زحمة
أؤكدلك تماما ان اللي بيعمل كدة بيبقي في حالة لا وعي جزئي ومبيبقاش مقدر خطورة اللي بيعمله
وده بيختلف مع انه ممكن يبقي مقدر اللي بيعمله (تمكن) ومابيبقاش مقدر الخطورة نفسها
وأوكدلك كمان انه مستحيل وهو بيجري هيقف ويقول انا ايه اللي بعمله ده
كل اللي بيحصل ان ربنا دايما بيسترها
اللي بيبطل
واحد ربنا هداه وحس بالخطورة ... ممكن بعد احساسه بخطر بعد غرزة ... وممكن بعدها بفترة يقعد يفكر مع نفسه ... بس هو يفكر
واحد عمل حادثة وأذي بني أدم
اللي بقوله ده واقع من واحد بيجري جري موت وغرز موت
شوية ربنا يهديه وشوية يرجع يجري
ربنا يستر ومحدش يأذي حد
انا واحد من الناس الي بتجري في الشوارع سواء زحمه او فاضيه وغرز وممكن اغرز علي الرصيف عادي :nemoflow: يعني مفيش مشاكل بس بكون حاسب كل حاجه بعد ستر ربنا طبعا بس كنت عارف لما هدوس فرامل هقف فين ولما ادخل الغرزه دي ايه الي هيحصل ولو مش هعدي بسلامه 100% والناس الي بعديها تكون سليمه دا لما كان معايا سكودا
منكرش ان في لحظهات عته وهبل كانت بتحصل علي الطرق السريعه بس لو العربيه الي كانت معايا مش اصيله كان زماني المرحوم يعني في مره كنت مسافر اسكندريه كنت بمشي بيني وبين اقصدام النقل مفيش حاجه بسيطه لدرجة ان انا مش شايف باقي اكصدام النقل ولما تكون عربيه لوري كنت بنزل بوش العربيه تحتها منتظر الطريق يفتح من اي اتجاه :049:
لما جبت الشاهين وحاولت اجري واخد غرزه علي سرعه عاليه والعربيه عرضت وزحفت بجبمها وكنت هقتلب او البس في شجره من الشجر الكبير وبعدها في الميه
حرمت بقيت كبيري فركه وخمسايه في زفه انما اجري واغرز لا
انا للأسف مش عارف أقولك ايه وانا أساسا مش بعرف أسيطر علي نفسي أوقات كتير
بس تيجي نفكر مع بعض كدة ؟
بتقول انك حاسب الغرزة 100 %
انت عارف لو وانت بتاخد الغرز كان في نقطة زيت أو شوية رمة هيحصل أيه ؟
أكيد الموضوع ده مش من ضمن ال 100 % بتوعنا ولا ايه ؟
عارف طبعا ان مفيش أحلي من الغرز القطم .... تلزق الأكصدام في الأكصدام وتنتش الغرزة وتدوس بنزين تختفي من كل اللي حواليك
من وقت مش بعيد خدت غرزة عالدائري من تحت شكمان نقل علي 180 !!!
عارف يعني ايه شايف شكمان داخل في عيني وطالع من تحت النقل بالعافية ؟
مكنتش بجري عشان نفسي أجري ولا حاجة ..... كنت مستعجل ودايس جامد لغاية ما واحد قفل عليا ومبقاش قدامي غير الغرزة ده !
انا قلت بنفكر يا أحمد .... يعني الكلام بوجهه لنفسي قبلك والله :tumb:
حبيبي يابوحميد
لو هنفكر بجد انا كنت بحسب للمايه الرمل انما الزيت دا محسبتوش :120146b
عارف لو حصل نسبة خطأ من الاخرين بنسبة ضعيفه جدا تكاد لا تذكر هتعمل كوارس
تخيل انك ماشي علي طريق مفتوح 200 ك/س :tumb: وربنا كرمك بواحد حب يغير الحاره بتعته ويا دوب هز الدركسيون حاجه بسيطه :eek: تخيل كدا الي ممكن يحصل
حاجه تانيه
انت بتجري تاخد غرزه ولازق في عربيه نقل والسوق رجله ريحة علي الفرامل وطبعا في للحظه دي بتكون مجهز رجلك علي دواسه البنزين :fanatic:
بس للاسف لما بركب عربيه محترمه مبعرفش اسيطر علي نفسي "ربنا يتوب علينا"
شكرا جزيلا على التحذير.. وعافانا الله شر الحوادث
الفيديو مؤثر جدا ،،،، بس في ناس عفاريت في تعدية الشارع في مصر ده عالدائري في ناس بحس انهم في سباق ال١٠٠ متر بيسخن و ينزل عليه ايموشن اجرررري يا مجدي و سبحان الله بيعدي سليم :d
والله ياجماعة كلنا بنرتكب اخطاء قاتلة واحنا سايقين ماحدش يكابر
انا من ساعت ماشوفت الفيديو وانا كل اللي في بالي تساوي اية حياة بني ادم مالوش ذنب
يساوي اية انك تكون سبب ان بني ادم يجري لة حاجة وتكون انت السبب
ابداء بنفسك
انت سايق قنبلة موقوتة لو لم تحسن التصرف
ومعاك نعمة من ربنا فحافظ عليها وعلي نفسك و علي اللي حواليك وعلي كل روح خلقها ربنا
مش عارف ليه بعد ماشفت الفيديو خايف اركب عربيتي تاني
ربنا يستر طرقنا جميعا ..
عارفة الادرينالين.. و بحب اللعب الخطر اللي في الملاهي, و بحب اسوق بسرعة على الطرق المفتوحة "رغم اني عارفة ان ده غلط"..
بس أول ما اسوق وسط بشر و عربيات تانية !! ستوووووووووب !! فاكس حركات.. انا المرة الوحيدة اللي اتجننت بجد فبها كان واحد ابن تييت عديته في ملف فقرر انه ينتقم و راح خابط العربية من الجنب "قاصد" و طلع يجري, و عربيته 127 فمش هايحصله حاجة! .. يومها كان معايا والدتي و مرات اخويا و واحدة صاحبتي بس مفكرتش غير اني الحقه, و فعلاً بقيت ماشية في الشارع زي المجنونة و اخدت كذا غرزة لحد ما وقفت بعرض العربية قدامه و جيت نزلتله راح جاب مارش و طلع يجري"حظه وراه كان فاضي".. اه ساعتها كنت مسيطرة على العربية و فرحانة بنفسي و بسواقتي " رغم اني اتهزقت من اللي معايا لحد ما قلت يا بس", بس لما بافتكر, لأ انا كنت غلطانة اني مشيت كده عشان الشارع ضيق اصلاً و مليان عربيات و ميكروباصات و بشر !!" الشارع اللي بين فيصل و الهرم عند الطالبية !! مهزلة يعني :biggrin: " و لو كنت لبست في حد مكنش هاينفعني الكائن اللي باجري وراه ده..
القصد ان ربنا يستر على الناس كلها و اللي بيعمل كده ربنا يهديه.. بس بجد شوية تفكير ان حتى لو مخبطتش حد, كونك تربك حد سايق في عربية جمبك دي لوحدها مشكلة و ممكن تخليه هو اللي يلبس في الأخر..
فيديو رائع بس اتفرجت عليه قبل كده :)
هوا منه لله الادرنالين واللي بيعملوا في الواحد
انا الحمدلله سواقتي هاديه بس ساعات تلاقي الواحد سخن وحرق بس الحمدلله ببعض العقلانيه
انا ليا واحد صاحبي سواقة الشد بتاعتي هي السواقة العاديه بالنسبه له :)
وعلشان كده هوا عمل كذا حادثه بس الحمدلله لسا سليم :)
وهيا مش مهاره ولا حاجه لكن ربنا بيستر
وربنا يكفيكوا شر الطريق
لو فكرتوا كده هتلاقوا نفسكوا بطلتوا غرز والله علي فكره انا اكيد وانا بجري ببقي عارف ان في خطر علي نفسي بس ساعات الاستمتاع بيبقي اهم ،،، انما لما بتخلف و ولادك يركبوا معاك او عموما لما حد بيركب معاك لو فكرت في انه ممكن يجراله حاجه بسببك ده لوحده بيقوفك طب لو فكرت انك عطول معرض انك تأذي حد ملوش اي ذنب هتفضل تجري برضه ؟
عارف مش مهم العربية ولا مهم حياتك هتحس بي تأنيب ضمير لما تدهس طفل او بني ادم ليه اسره بيعولها وانتا قطعت بيهم ياه شعور مرير بجد انا عن نفسي يغور الحديد بس اهم شيئ الروح
اناواحد من الناس بحب الجري بس لزم البلد يكون ليه فكره عن الموضوع ده تخصص طرق لي المارة وطرق للسيارات
انا عندي فكره لي كل عشاق السرعة والبلد تنفذها ايه الي فيها لو البلد عملت طريق زي طريق الاتو بان بتاع المانيا يكون طريق مفتوح رابط البلد كلها ببعض ويكون مثلآ بوابات تدخل تدفع رسوم ويكون مجهز وسرعات عالية وكل شخص يتحمل هو ناتيجتها وطريق تاني الدائري يكون للسرعه المحدودة ويكون من غير رسوم وهكذا اهو كده نكون رضينا طموح الجميع
اجزاك الله خيراً
والله احنا بنحلم مع اني عارف لا حكومة قنديل المنيله علي عنيها دي مش هتعمل حاجه بجد وزير فاشل فاشل قالة هايحلة ازمة المرور المرور بقا اوسخ واصخم من الاول وبقت الزحمه حاجة تقرف ده انا بفكر ابيع عربيتي بسبب الزحمه دي واشتري بتناج او عجلة والله هتوفر معايه وهوصل قبل الي معاه عربية :angel10:
شكرا على الفيديو
ربنا يسترها على الجميع
اكتر حاجة فكرت فيها
ووجعت قلبي ان فيه ناس ملهاش ذنب
بتروح في الحوادث دي نتيجة رعونة واستهتار الاخرين
- بمناسبة السرعة بقي والحوادث ... امبارح كنت واقف اول عربية في اشارة وجنبي ريس جااااامد جاااااااحد وصاحبه مقتنع انه جاااااامد وجاااااحد وعمال يعلي صوته ( وكمان كان جنبه عربية فيها بنات وكدة يعني ) ... الاشارة فتحت الواد طاااااااااار وعمال ينتش نقلات وفي كل نقلة الموتوسيكل يشب من ادام جامد
- بيعدي تقاطع كدة ( المفروض اشارته مقفولة ) قامت ظهرت عربية من تحت الارض كسرت الاشارة وبتعدي بسرعة ( ولا العربية لحقت تفادي الريس ولا الواد لحق يفادي العربية ) ...
- العربية شااااااااااااالت الموتوسيكل من علي الارض والواد طاااااااااااااار حوالي عشرين متر ادام بشقلبة ( ده كل ادام عيني في اقل من ثانيتين تلاتة ) ...
الموتوسيكل بقي حتت صغيرة .. والواد قام يجري ( مش عارف ليه بس الاكيد انه من الصدمة مكنش واعي لسة وبعدين نام عالارض واعد يصرخ ويمسك رجله وراسه. ( راسه كلها دم اكيد خبطت فالاسفلت ) ...
وبرده عالطريق عربية برادو راااااااااااشقة في بلدوزر واقف .. البرادو بقت كان وشها بقي في افاها بمعني الكلمة ( دخلت كلها في بعضها ) .
الكلام ده كله فالكويت بس تعددت الاسباب والاماكن ولكن يبقي السبب الرئيسي للموت موجود وهي ارادة الله اولا ثم السرعة ثانيا.
ربنا يستر طريقنا جميعا.