صني الجديدة والطرق الترابية
بسم الله الرحمن الرحيم
ازيكم يا صقور يارب تكونوا جميعاً في تمام الصحة والعافية
بما إن العبد لله عدى الـ 13 ألف كيلو بالصني الجديدة , ربنا يديم عليها وعلينا نعمة الهداية والعافية
كنت فكرت في حاجة علشان طرقي فيها أجزاء ترابية ورملية , والعربية بتتردم تراب بسببها كل شوية
المفروض ان حتة القيادة في ظروف شاقة أو طرق رملية وترابية بتسرع من أوقات تغيير بعض سوائل المحرك , يعني كنت عايز استفسر منكم بشكل مفصل وواضح شوية عن توقيتات تغيير الآتي :
1- زيت الفرامل
2- تيل الفرامل (قيادة في الطرق الترابية)
3- زيت الفيتيس الأوتوماتيك
4- تغيير الزيت العادي (عموماً انا باغيره قبل ميعاده بألفين كيلو , يعني لو حاطط زيت 10,000 باغيره على 8,000)
5- فلتر الهواء
وهل فيه أجزاء أخرى في المحرك بتتأثر بالقيادة في الطرق الترابية غير اللي فوق؟
بالمناسبة :
الكاوتش الماكسس تعبان وصوته عالي أي نعم , لكن بصراحة هو ممتاز في القيادة على الطرق الرملية ومابيغرزش مني وبيستحمل قرفها , على الأقل مش هابقى زعلان على الكاوتش زي ما لو كان بريدجستون أو دانلوب أو كونتينينتال :049:
ويارب يأمنا جميعاً ويسلم طرقنا ويبارك لنا فيما رزقنا
سلام عليكم
