صوت تكا فى السيراتو وكان هيضحك عليا وقالوا كوبلن
السلام عليكم ورحمه الله وبركاته؛
ياشباب السيراتو والألنترا أحذروا
أنا معايا سيراتو كوييه ومن فتره سمعت صوت تكا وانا ماشى لما بهدى أو لما بسحب وربطت العربيه لكن مراحش الصوت وتطور الموضوع لأنه وصل للفتيس فى الغيار لما بجيب d , r ورحت لمركز صيانه انا بتعامل معاه وكنت أثق فيه وهو أمير وجوزيف
وفوجئت أنهم بيقولولى كوبلن شمال وسعره 3300 ؛؛؛ طبعا مغيرتش لأن مكنش معايا السعر وبعدين سألت على الكوبلن فى التكويل ولاقيته ب 2500 ودى كانت أول الصاعقه بالنسبه لى
المهم عشان مطولش أصحابى استغربوا ان العربيه عامله 40 ألف وعايز يتغيرلها كوبلن ونصحنى واحد صاحبى بانى أروح مركز الصيانه بتاعه ورحت والموضوع طلع أن الكوبلن الداخلى عايز يتربط بس والدنيا بقت تمام ودفعت فى الأخر 30 جنيه ؛؛؛؛ أه والله وعرفت منه أن دا بيحصل فى السيراتو والألنترا الجديده نتيجه المطبات والشوارع
خاللى بالكم ياجماعه
وربنا يحمينا من اللى بتعمله الناس
حازم جمال