الموضوع: يعني أيه راحة بال !!!!!!

المشاركة الأصلية كتبت بواسطة mahora

الست المصرية بطلة بكل المقاييس. . . و حسب الاحصاءيات فشغل البيت هو اكتر شغل و شقى غير مدفوع الاجر فى العالم. . . اعتقد اللى ممكن يفرق جامد هو ترك هذا الروتين بشكل او اخر حتى لو يوم واحد كل فترة. . . و طبعا الهدف البعد عن الشغل و الببت و اعباء البيت فى خبطة واحدة. . . ده هيفيد جامد جدا جدا فى تجديد الطاقة و النشاط و كمان اعادة الاحساس بمتع الحياة البسيطة زى تمشية على البحر او الكورنيش او زيارة و استكشاف منطقة جديدة او اختراع اى نشاط يغير الروتين القاتل الخانق اللى بيخلى الحياة ملهاش طعم. . . بالنسبة للحاجات اللى فى احساس بالنقصير فيها. .، . يا ريت بلاش لان الاحساس المستمر بالذنب هو اسوأ عقاب بيعاقب بيه الانسان نفسه. . . و بدل من ذلك يجب المحاولة دائما لعمل الاشياء اللى حاسين ان احنا مقصرين فيها. . . جايز برضه نمشى على سطر و نسيب سطر. . . بس لا بأس. . لازم منحملش انفسنا اكتر من طاقتها و نفكر ان حتى المشي على سطر اه و سطر لأ افضل من لا شئ على الاطلاق. . . و ربنا يقويكى ويقوينا اجمعين لان فعلا اعباء الحياة بقت كبيرة و كتيرة

حاجة تانى افتكرتها. .. فى وسط المشاغل الكتير و الاعباء سواء البيت او الشغل. . . فين الانشطة الخاصة بالانسان وحده زى فسحة مع الاصحاب او اى حاجة الانسان بيستمتع بيها لوحده قراءة كام صفحة من كتاب سماع اغنية مفضلة او شئ يحسس الانسان انه مش محاصر بأعباء البيت و الشغل لدرجة الاختناق من الاعباء و بالتبعية الاختناق من المتسبين فيها حتى لو من دائرة اقرب المقربين من الانسان. . . طبعا جايز يبان الكلام انه نظرى و انه مفيش وقت و الكلام ده. .، . لكن الانسان لازم يخلق وقت و الا البديل لو الانسان ساب نفسه للاعباء فسيختنق بالتأكيد

هاتى شغاله تنضف مرتين فى الشهر للاسف احنا اللى بنعمل كدة فى نفسينا
انتى عملة ذى امى ممكن تبوظ اى شى فى البيت اى حاجة كومبيوتر اى جهاز فى مقابل التنضيفخللى التنضيف
على ايام متباعدة
و النتيجة واحدة فى الاخر

حلك بسيط جدا وهو انك تسيبي الشغل وتتفرغي لبيتك وولادك وساعتها هتلاقي اوقات فراغ كتيير تهتمي بصحتك وتعملي اللي انتي عايزاه

اما لو هتقولي مينفعش وظروف المعيشه فميش خيار تاني غيرانك تستحملي