الموضوع: يعني أيه راحة بال !!!!!!

ياااه حلو أوي أن الواحد يلاقي ناس تشجعه وتدفعه وتوجهه وتلفت نظره للغلط والصح - شكراً لكل المشاركين والحمد لله أني فضفضت شوية
وبحاول وهحاول أعمل بنصائحكم – لأني فعلاً خايفة أتحول إلى مريضة بالإكتئاب – مع العلم بأني أعتقد أنه إكتئاب موسمي – لأني مش كدة على طول – واللي محسسني بأنه إكتئاب موسمي إن بأكل كتير وخاصة الحلويات والأكل من أشد أعراضه – وكمان رغم كل الضغوطات اللي أنا حكيتها لكم أنا العادي بتاعي متفائلة وبشوشة وغاوية رحلات وسفر وخروج ، وبحاول أستغل أي فرصة لكدة علشان أجدد مودي وهتلاقوني مشاركة في رحلات المنتدى الآخيرة – وعلشان كدة أنا مستغرباني ( أيه اللي جد عليا علشان الكآبة والسوداوية دي ) ، لو على الصلاة والدعاء والأذكار( بصلي وبدعي والحمد لله ) ، وعملت بنصيحة أحد الأصدقاء بأني أزور أي مستشفى علشان ( اللي يشوف بلوة غيره تهون عليه بلوته ) – روحت مستشفى حكومي لجراحة الأطفال وأخدت لهم هدايا صغيرة – وتعبت أكتر من الغلب والغلابة والجروح وبالذات في الأطفال ( زاد الإكتئاب بالإضافة إن ضربات قلبي زادت ) ربنا يشفيهم ويعافيهم

المشاركة الأصلية كتبت بواسطة mado83

معلش ملحوظه كنت عاوز اعرف ايه هو الشاء اللى باللبن ده اكله تركيه صح
الله يخرب بيت المسلسلات التركى اللى ملت البلد

باشا أعتقد الأستاذة تقصد شاي باللبن بس الكيبورد رخم
حضرتك مواليد تمانينات زي حالاتي ولازم تعرفه ده! الله! :)

المشاركة الأصلية كتبت بواسطة mado83

معلش ملحوظه كنت عاوز اعرف ايه هو الشاء اللى باللبن ده اكله تركيه صح
الله يخرب بيت المسلسلات التركى اللى ملت البلد

الشاء اللي باللبن - دا إختصار إن شاء الله هتشرب لبن بالعافية
وبعدين يا mado83 إزاي تتجرأ بعد كل اللي حاكيته تقول لي : مسلسلات تركي !! هو أنا لاقية وقت أحط الشاي على اللبن لما أتفرج على مسلسلات تورررركي

المشاركة الأصلية كتبت بواسطة Khaled Online

باشا أعتقد الأستاذة تقصد شاي باللبن بس الكيبورد رخم
حضرتك مواليد تمانينات زي حالاتي ولازم تعرفه ده! الله! :)

يا فاهمني يا تمانيني

المشاركة الأصلية كتبت بواسطة friendship7897

يا فاهمني يا تمانيني

المشاركة الأصلية كتبت بواسطة mado83

هيصى ياستى ادينى هنضرب بسببك
وساعتها هتقولى ماعرفوش وخليه ياخد الطريحه وبعدين تقولى استنو كده اه تقريبا اعرفه

مين ده اللي يقدر؟ فداك شاي ولبن مصر كلها :)

المشاركة الأصلية كتبت بواسطة friendship7897

حاضر ، حالاً ، ماشي ، ممكن كمان شوية

توقيع : أختكم :_alshmokh23[1]:

ربنا يبارك في حضرتك على مجهودك الرهيب وأكيد إن الله لا يضيع أجر من أحسن عملا



في رأيي راحة البال تعني ( الرضا )

وقديما قالوا الرضا بالمقسوم عبادة


ويا ريت ننسى كلمة مستحيل - كل مشكلة ولها ألف حل وحل

انا من راى لو ينفع تسيبى الشغل وتشوفى شغل تانى يومين اوف فى الاسبوع يكون افضل
الحل التانى هاتى واحدة كل يوم جمعه تنضف الشقة معاكى هتخلصو بدرى وبالليل خروج او زيارات
لو خلال اجازة نص السنة تاخدى يومين اجازة من الشغل او حتى تعودى فى البيت مع ابنك لانك محتاجة تفصلى علشان تقدرى تكلمى