هو المشي في الطينة ممكن يؤثر على العفشة؟

**romar** · 25-12-2012 01:31 AM

السلام عليكم...

من يومين كدة كنت مسافر واضطريت أمشي مسافة طويلة في طريق كله وحل عشان الدنيا كانت ممطرة... الحمد لله العربية مغرزتش... بس الوحل كان كتير لدرجة إن العربية كانت بتتزحلق جامد على الطريق وكانت بتوصل إنها تمشي بجنبها من كتر الزحلقة... طبعا كل دة على سرعة لا تزيد عن 10 كيلو في الساعة... المشكلة إن أنا بعد ما رجعت القاهرة حسيت إن العربية بقت أنشف كتير في المطبات... حتى زوجتي لاحظت الفرق...
السؤال: هل ممكن يكون المشي في الوحل وزحلقة العربية على جنبها بيأثر على العفشة؟ وإيه بالظبط اللي ممكن يكون تضرر؟

شكرا مقدما يا رجالة

**beshomilan** · 25-12-2012 02:54 AM

هو الطينه كده دخلت فى كل الاماكن اللى تحت العربيه ونشفت عليها فبالتالى نشفت العربيه وانت ماشى
الحل انك بخرطوم مايه وباندفاع الميه تنزل كل ده من تحت ومن كل الاماكن المخفيه

**S O P H O S** · 25-12-2012 03:05 AM

نظف العفشة وانت بتغسل
وان شاء الله مفيش قلق ..

**M.Ayman** · 25-12-2012 03:22 AM

المشاركة الأصلية كتبت بواسطة beshomilan

هو الطينه كده دخلت فى كل الاماكن اللى تحت العربيه ونشفت عليها فبالتالى نشفت العربيه وانت ماشى
الحل انك بخرطوم مايه وباندفاع الميه تنزل كل ده من تحت ومن كل الاماكن المخفيه

+١١١١١١١

بالظبط كده الطين غرقت العفشه و الفرامل و اظن ان وارد جدا لو مشيت بسرعه شويه و دوست الفرامل لحد ما تسخن هتصفر لما تصدعك ،،،، الحل انك تروح بنزينه و تقوله ينضفلك العفشه و اتفرج علي البلاوي اللي كانت فيها و ياريت لو تخليه يوجه الميه علي الطنابير عشان يدوب الطينه دي و لو كان في صفاره من الفرامل و مراحتش يبقي لازم تفك الفرامل تنضفها و تركبها تاني -ده لو كان في تصفير اصلا

-