الموضوع: تعالو نشوف المشكلة الجديدة اللى ظهرة بفضل الله فى الفابيا 2004 ونحلها ان شاء الله

بسم الله الرحمن الرحيم

اليوم 24 -12 -2012

انا ساكن فى مدينة بدر وشغلى فى القاهرة

وصلت البيت بالليل العربية كانت تمام
بس كنت عند الميكانيكى بالليل قبل ما اروح على شان يشيك على قواعد الماتور لانى حاسس ان الماتور ابتدى يلب منى وفى رعشة فى العربية عند الطلعة
شيك على العربية على قاعدة الفتيس والقواعد وربط الشداد اللى تحت
وخت العربية ومشيت
قالى مفيهاش حاجة القاعدة اليمين طرية بس شوية

وصلت مدينة بدر على طريق مصر السويس المشوار بياخد 50 كيلو على الاقل
ركنت العربية مايلة شوية على المطلع
ونمت وصحيت الصبح الساعة 9 على شان اروح الشركة
ادور العربية
الاقيها بتترج جدا والماتور بينتش وهز العربية
جيت امشى بيها اقصى سرعة كانت 20 كيلو فى الساعة واخرها الغيار التانى
غير كدة بتنتش وترجع لورى وتدربك العربية
مرة عملت معايا الحركة دى كان فى رشاش من الرشاشات بتاعت البنزين مش راكب كويس
كانت القارءة على الكمبيوتر المالتى سكان ان فى سلندر مش شغال او طاير
انا قلت المشكلة فى البوجيهات المهم طلعت المشكلة فى رشاش البنزين رقم 2
ثبتو والعربية رجعت لطبيعتها

انهاردة بقى

بتنتش وترعش ومش بتمشى غير على التانى ولو اديتها الثالث هى هى نفس السرعة وبنزين على الفاضى من غير سحب

بصيت على الموبينات جربتهم خارجيا ببوجيها
كلهم تمام غيرت البوجيها ت بردو العطل زى ما هو شوفت الرشاشات كولو سليم
الحقيقة مش عارف المرادى التنتيش من ايه وهزة الماتور الجامدة مش هزة دا بيترج والعربية بتترج جامد
شيكت على كل اللى ممكن تكون المشكلة منها ولكن بدون جدوى
انا بعرض المشكلة وبعض اللى قمت بيه على شان افيد اللى تصادفو المشكلة واستفيد من خبراتكم
فى اتظار التفاعل
انا بفضل الله عندى خبرة لكن محدودة وبعض الاجتهدات المدروسة لكن المرجعية لاهل الخبرة
لانى شغال فى مصنع تصنيع اتوبيسات شيفور ليه
تحياتى للجميع
م/ محمد كرم
شركة ايجل اوتو لتصنيع الاتوبيسات
01007974646

المشاركة الأصلية كتبت بواسطة HAITHAM1985

أنتوا ليه مركزين على البوجيهات والرشاشات وناسيين الميكانيكا ....... أنا فيه حاجة جت فى دماغى ...... سير الكاتينة يبرجل عملية الــ timing بتاعة البساتم عن طريق برجلة حركة الكامات

شوف بلية الشداد
شوف السير نفسه
شوف العمود نفسه وإستقامة رص الكامات

وممكن تكون المشكلة فى الفتيس نفسه ممكن تكون سنه من سنان ترس الأولانى مكسورة ومحشورة بيت ترسين وممكن تكون قواعد الفتيس وممكن تكون مسامير الوصلة بين بيت الفتيس ورقبة المكنة

وممكن متكونش أى حاجة من اللى أنا قلته وفى الحالة دى نعتبر المشاركة بتاعتى لاغية لأنى متمناش إنها تكون حاجة فى الميكانيكا

تحيااااااتى وطمنى لأنى راكب نفس العربية

السلام عليكم اعضاء ومدرين ومشرفين المنتدى الغالى


انا الحمد لله وصلت لحل المشكلة
بعد ما فكيت فى اليوم اللى قبل المشكلة البطارية وبصيت على قواعد الماتور

ومشيت بعد كدة بالعربية ووصلت البيت ولاقيت العربية فى الحالة اللى وصفتها فى الموضوع

لكن لما شيكت على كل شىء لاقيت مبينه قطعة والمشكلة كانت فيها وانصح الجميع بعدم تركيب الموبينات الصينى نهائيا لانها بتبقى شغالة بس ضعيفة وبتبهدل العربية
وكنت افتكرت ان فيه مشكلة فى الدبرياج ورعشة فى العربية وسحب العربية قل وحجات زى كدة وعملت موضوع وكنت هنزل الفتيس تانى بس الحمد لله ربنا نورنى بعد ما فكيت البطارية وكشفت على القواعد وبعدها المبينة قطعت خالص
العربية كانت حاية بالمباين كلها اصلية لكن فى واحدة كانت صينى وكانت شغالة
ولما قطعت وغيرتها العربية اتحولت بفضل الله تعالى
ورجعت زى الاول سحبها اتظبط الرعشة راحت اللى كنت هفك الفتيس عشانها
الدركسيون كان بيرعش بعد ال100 وكنت مرصص وظابط زوايا ومغير الكوتش والجنوط وشكيت وحجات غريبة
وفى الفتيس اول حاجة وعملت موضوع على اللنك دا شوفوه على شان تشوفو اعراض مشاكل الموبينة لو ضعيفة بتبقى نفس اعرض الفتيس وحجات تانية

مشكلة فى الدبرياج سكودا فابيا 2004 عالى قوى


لذلك يجب توخى الحظر وانا عرضت موضوعى على شان الكل يستفاد وميقعش فى اى اخطاء زى