ازاى اروح للمعادى من طريق السويس

**ahmedshehata45** · 22-07-2008 12:48 AM

اولا احب ان اسجل شكرى للقائمين على المنتدى الذى افادنى كثيرا فى موضوع العربيات وثانيا ارجو من الاخوة الكرام ان يخبرونى ازاى اروح المعادى من طريق السويس ويكون الوصف بالتفصيل وشكرا للجميع مرة اخرى

**som3aa** · 22-07-2008 01:55 AM

لو انت جاى من السويس و خلاص داخل على القاهرة هتلاقى كمين (زى نقطة مرور صغيرة) ركز شوية بعديها بكذا كيلو (قول 3-4 كيلو مثلا) هتلاقى كوبرى كبير قدامك(مفيش غيره) عدى الكوبرى و اطلع المطلع اللى بعد الكوبرى على اليمين مباشرة يعنى المطلوب انك تطلع الكوبرى بس المطلع بعده مش قبله, المطلع اللى قبله يوديك الناحية العكسية,بعد متطلع الكوبرى هتلاقى نفسك على الطريق الدائرى , امشى علطوووووووووووووووووووووو ووووووووووول لا يمين ولا شمال و انزل اول نفق و بعدين تانى نفق و كمل علطووووووووووووول (لمدة طويلة اوى اوى) لحد متلاقى قدامك مطلع كوبرى المنيب (قبل متوصل للكوبرى هتلاقى على شمالك كارفور و محطة بنزين تقريبا اسمها امارات مصر , اللى فيها burger king) و عمارات و كدا , اول متوصل مطلع الكوبرى متطلعش الكوبرى , امشى على يمينه لمسافة 100 متر و هتلاقى على يمينك مطلع كوبرى تانى صغير و السور بتاعه مكسور اطلعه , هتنزل منه تلاقى نفسك تقريبا فى المعادى , حته اسمها صقر قريش , كمل علطول شوية (بعد محطة صقر قريش) و خش اول فتحة هتقابلك كدا هتبقى جوا المعادى الجديدة فى طريق النصر.
ارجو يكون الشرح واضح , لو فى سؤال اسال و ان شاء الله توصل بالسلامة

**ahmedshehata45** · 22-07-2008 01:54 PM

الف الف شكر ليك يا som3aa وفعلا هذا نا تعودناه من منتدانا الجميل ان تجد اجابات لكل الاسئلة ان شاء الله وفعلا الوصفة واضحة ومش محتاجة اى كلام غير كلمة شكر

**MMamdouh** · 22-07-2008 03:40 PM

المشاركة الأصلية كتبت بواسطة som3aa

لو انت جاى من السويس و خلاص داخل على القاهرة هتلاقى كمين (زى نقطة مرور صغيرة) ركز شوية بعديها بكذا كيلو (قول 3-4 كيلو مثلا) هتلاقى كوبرى كبير قدامك(مفيش غيره) عدى الكوبرى و اطلع المطلع اللى بعد الكوبرى على اليمين مباشرة يعنى المطلوب انك تطلع الكوبرى بس المطلع بعده مش قبله, المطلع اللى قبله يوديك الناحية العكسية,بعد متطلع الكوبرى هتلاقى نفسك على الطريق الدائرى

, اول متوصل مطلع الكوبرى متطلعش الكوبرى , امشى على يمينه لمسافة 100 متر و هتلاقى على يمينك مطلع كوبرى تانى صغير و السور بتاعه مكسور اطلعه , هتنزل منه تلاقى نفسك تقريبا فى المعادى , حته اسمها صقر قريش

MMamdouh