يا حضرات والنبى انا احترت
انا مشوش بين اختيارى ل ( لوجان ولا سانديرو اوتوماتيك 2013 ) دة طبعا بعد ما شيلت من دماغى الافيو نهائيا
حد يدلنى يا ناااااااااااااااااااس
حد يعرفنى الحاجات دى عن العربيتين ( وياريت يكون عندة العربية ) عشان الفتى وكدة يعنى
نوع الموتور عامل اية
مساحة العربية عاملة اية
قطع الغيار
الثبات على الارض
الاوبشن بتاعتها
الفتيس بينتش ولا لا
العفشة
اعمل اية ............. دلونى عشان هتجنن خلاص
الاتنين typical في كل المكتوب عدا الحجم والسعر والانتشار
أنا كنت في نفس حيرتك وإشتريت أخيراً
اللوجان أطول من السانديرو ب 20 سم في الطول الإجمالي
الفرق في الصالون الداخلي في الطول حوالي 5 سم
الفرق في حجم الشنطة في الطول حوالي 15 سم
العربيتين فيما عدا ذلك نسخة من بعض
الشكل الخارجي في فرق شوية
أنا شخصياً شفت السانديرو شكلها أحدث وأجمل ما شاء الله تبارك الله ( رأي شخصي وفي ناس شايفة اللوجان أجمل)
ومكنتش مهتم قوي بموضوع الوسع الزيادة فجبت السانديرو
لو المساحة تفرق معاك قوي يبقى اللوجان أفضل
-
مش محتاجة حيرة ..
الاتنين اخوات ، الفرق الوحيد ان اللوجان شنطتها أوسع وان الشكل مختلف
اللى يعجبك شكلها أكتر ، اتكل على الله واشتريها.
الاتنين واحد...... شوف انت مرتاح لأى شكل
الاثنين واحد و السانديرو تقريبا في الشنطة و القاعدة من جوة زيها زي اللانوس
الإتنين واحد عدا الاتي:
1- شنطة السانديرو أصغر (بطبيعة الحال)
2- مساحة الجلوس في السانديرو في الخلف أصغر حاجة بسيطة - (بطبيعة الحال)
3-السانديرو فيها مساحة مطر خلفية (بطبيعة الحال)
4- السانديرو أغلى 4 ألاف جنيه (برضو بطبيعة الحال في مصر)
اللي يعجبك شكلها و ترتحلها إتوكل على الله و خلص فيها...
شكرا يا جماعة
بس شكلى كدة هرسى على السانديرو ان شاء الله
مبروك مقدما يا باشا =)
اللة يبارك فيك يا جبريل