ارجو الافادة فى زيت ليكوى مولى للسيراتو خليجى موديل 2001
دلوقتى يا جماعة انا محتار وطالب المشورة
انا معايا سيراتو جليجى موديل 2011 وهى دلوقتى عاملة واحد وعشرين الف كيلو
معلش اصلى مبستخدمهاش كتير
المهم من ساعة مشتريتها وانا بحطلها زيت ليكوى مولى توب تيك 4200 ودرجتة 5-30
العربية كويسة وصوتها هادى بس انا مش مستريحله نفسيا علشان دايما فى ريحة طالعة من العادم
ومش عارف سبب الريحة دى وهى على فكرة مش ريحة وحشة بس مش عارف اوصفها
وخايف ان الريحة دى يكون وراها مشكلة
فمش عارف هو انا كدة بستخدم زيت لزوجتة منخفضة مع ان جو مصر حر مع انى قريت قبل كدة ان الدرجة دى مناسبة بردة فى مصر وكمان قريت فى الكتالوج ان الدرجة دى من بين الدرجات الموصى بيها فى الاستخدام وان الدرجة الممنوع استخدامها فى الشرق الاوسط هى درجة 5-20
ولا يمكن الزيت دة اصلا فية مشكلة مع العلم انى بشترية من موزع معتمد
فتنصحونى بأية
1-اكمل على الزيت دة بنفس الدرجة او اغير من نفس الزيت بدرجة اعلى
2-ولا اعير نوع الزيت خالص وانهى درجة لزوجة
والمهم حد يعرف الريحة الى طالعة من الشكمان دى سببها اية
اصل الغريب انى لما استعملت زيت ليكوى مولى درجة 20-50 فى عربيتى التانية الكورولا موديل 2006 نفس الريحة طلعت من شكمان الكورولا ..........مع العلم ان دى اول مرة احط فيها زيت مولى ليكوى للكورولا
وقبل كدة الريحة دى مكنتش بتتطلع من شكمان الكورولا
