الحمدلله حجزت :) +استفسار عن التأمين

**crayvor** · 26-12-2012 09:01 PM

ألف مبروك الحجز وعقبال الاستلام.. ربنا يديك خيرها ويكفيك شرها ان شاء الله..

(رأي شخصي) أنا مابعترفش بالتأمين علي السيارة نوهائي.. حلاقي نفسي دافع مثلا في 3 سنين حوالي 7 بواكي ونص أو 8 بواكي كانو يرفعوني لعربية أعلي لو كنت عاوز أبيع دي وأجيب حاجة أعلي.. غير اني باعتبره غير شرعي أو مشكوك فيه لأن عمله بيعتمد الي حد كبير علي المراهنة أو حاجة زي كدة.. برضه وجهة نظر شخصية.

غير ان (طبعا التأمين مش حايتكفل بكل خربوش ف العربية) لو حصل حادثة لا قدر الله أشك أساسا ان اللي حادفعه حايزيد عن مجموع اللي كنت حادفعه ف التأمين.. ماهو لو كانت الشركات دي فيها مكسب ليك كانت تبقي خسارة لصاحب الشركة

ومن الآخر كدة لو أي شركة تأمين شافت الأماكن اللي بركن فيها العربية أثناء العمل (مواقع بناء) حاتلغيلي التأمين تاني يوم... دي العربية ماكملتش شهرين وآخدة خربوشين زي العسل ههههههههههه

سيبها علي الله ^_^

**Khaled Online** · 26-12-2012 10:18 PM

المشاركة الأصلية كتبت بواسطة crayvor

ألف مبروك الحجز وعقبال الاستلام.. ربنا يديك خيرها ويكفيك شرها ان شاء الله..

(رأي شخصي) أنا مابعترفش بالتأمين علي السيارة نوهائي.. حلاقي نفسي دافع مثلا في 3 سنين حوالي 7 بواكي ونص أو 8 بواكي كانو يرفعوني لعربية أعلي لو كنت عاوز أبيع دي وأجيب حاجة أعلي.. غير اني باعتبره غير شرعي أو مشكوك فيه لأن عمله بيعتمد الي حد كبير علي المراهنة أو حاجة زي كدة.. برضه وجهة نظر شخصية.

غير ان (طبعا التأمين مش حايتكفل بكل خربوش ف العربية) لو حصل حادثة لا قدر الله أشك أساسا ان اللي حادفعه حايزيد عن مجموع اللي كنت حادفعه ف التأمين.. ماهو لو كانت الشركات دي فيها مكسب ليك كانت تبقي خسارة لصاحب الشركة

ومن الآخر كدة لو أي شركة تأمين شافت الأماكن اللي بركن فيها العربية أثناء العمل (مواقع بناء) حاتلغيلي التأمين تاني يوم... دي العربية ماكملتش شهرين وآخدة خربوشين زي العسل ههههههههههه

سيبها علي الله ^_^

الله يبارك فيك وألف ألف شكر للرد الوافي :)
أنا بس من النوع المحنتف لكن فعلا كلامك منطقي جدا وفكرة إن الواحد يعلى بالعربية بالفلوس دي حاجة في الجول :] اللي مش نازلي من زور واعذرلي التعبير إن منطقهم كالآتي: لو ماعملتش حادثة ولا احتجت التأمين يبقى الفلوس المدفوعة راحت! منطق غريب طيب ما يدو للعميل حافز عشان يكمل معاهم زي فلوس صيانة الـ40 أو 60 عليهم أو رحلة لتركيا لفردين أو أي حاجة :))
بس عشان أكون صريح أنا بفكر جديا أعملها تأمين في أول سنة بس عشان لسه مهارات السواقة ماوصلتشي لمستوى شوماخر الحقيقة!

والخرابيش دي ترايدمارك الشارع المصري! أنا دمي هيغلي لما تحصل وبعدين جتتي هتنحس أنا عارف!

**Sh_sunsea** · 27-12-2012 12:05 AM

تجربة شخصية - انا عملت حادث واتكلف تصليح العربية في التوكيل 14 الف - التامين شال منهم 9 تقريبا
استكترت اني دفعت 5 بالاضافة للتأمين والتأمين بتاع كل سنة - قررت اني الغي التأمين واصلح بره التوكيل وهاترسى برضه على نفس المبلغ
وحصل حادث تاني وصلحتها فعلا خارج التوكيل واتبهدلت مني آخر بهدلة - وطبعا بدون تأمين صعب جدا تصلح في التوكيل - وحاليا بأصنف هذا القرار كاحدى القرارات الخاطئة

وسؤالي فعلا بالنسبة للوجان - والرينو عامة - إيه افضل الاختيارات للتأمين عند الشراء - موضوع رينو مع مصر للتأمين ده - ولا حاجة زي كونتاكت كارز سمعت من صديق ليه انها بتتعامل برضه بشكل مباشر وانت بتدفع نسبتك فقط

**Khaled Online** · 27-12-2012 12:40 AM

المشاركة الأصلية كتبت بواسطة Sh_sunsea

تجربة شخصية - انا عملت حادث واتكلف تصليح العربية في التوكيل 14 الف - التامين شال منهم 9 تقريبا
استكترت اني دفعت 5 بالاضافة للتأمين والتأمين بتاع كل سنة - قررت اني الغي التأمين واصلح بره التوكيل وهاترسى برضه على نفس المبلغ
وحصل حادث تاني وصلحتها فعلا خارج التوكيل واتبهدلت مني آخر بهدلة - وطبعا بدون تأمين صعب جدا تصلح في التوكيل - وحاليا بأصنف هذا القرار كاحدى القرارات الخاطئة

وسؤالي فعلا بالنسبة للوجان - والرينو عامة - إيه افضل الاختيارات للتأمين عند الشراء - موضوع رينو مع مصر للتأمين ده - ولا حاجة زي كونتاكت كارز سمعت من صديق ليه انها بتتعامل برضه بشكل مباشر وانت بتدفع نسبتك فقط

مهو خوفي من كدة وبالنسبة لسؤالك ممكن حد جرب يفيدك ولغاية ما ده يحصل حضرتك شوف القسم ده: منتدي الاستشارات التأمينية - نايل موتورز - NileMotors.net
اكتشتفته بعد ما عملت الموضوع هنا :)