انا باغت الفانوس اليمين اتكسرت... هل ممكن اشتري باغة ولا لا؟؟
و لو في فا سعرها كام؟
و الفانوس كله سعرة بكام؟
شكرا
عرض للطباعة
انا باغت الفانوس اليمين اتكسرت... هل ممكن اشتري باغة ولا لا؟؟
و لو في فا سعرها كام؟
و الفانوس كله سعرة بكام؟
شكرا
انا بتكلم عن الفانوس الامامي..
اعذر جهلي
يعني إيه باغة؟
ههههههههههههههههههه
اقصد وش الفانوس
:))
عندي نفس المشكلة والعضو adel_edrees قال مفيش
http://www.nilemotors.net/Nile/32536...post3874709579
بص ياباشا في شركة في التوفقيه اسمها شركه الاهرام
دي بتبيع الاوشاش بتاعت الفوانيس الخلفيه والاماميه ولو مش موجوده بياخد منك الفنوس وبيعملك واحد تبق الاصل
انا مجربها ودي شركه محترمه جدا
وانت داخل من سنترال رمسيس تمشي حوالي 50 متر علي ايدك اليمين هتلاقيها وانشألله خير
نصيحة في الفانوس الامامي بالذات اشتري الفانوس كامل اصلي علشان الباغة بتاعة الاصلي بيبقى معمول فيها خطوط بشكل معين علشان انكسار الضوء و توزيعه
طيب بالنسبة للفانوس سعرة حوالى كام ؟
الحقيقه ماعرفش
بس انا نزلت جبت فانوس خلفي لدايو لانوس 2 ب 25 جنيه
فانشألله مش هتزيد عن 50 جنيه ده لو نوع نضيف
وحضرتك ممكن تقارن بينها وبين الجديده
من حيث السعر والجوده
والاختيار لحضرتك
الباغه بتاعت الفنوس مش الفنوس كله :d
الفانوس الامامي سعره بالضريبة عامل حوالي 500 جنيه ... هو يعتبر غالي بس صدقني الفانوس التقليد امامي مش هيريحك عن تجربة في عربية ثانية مش اللوجان
استاذ جبريل ... السعر دا اكيد؟و لو برة التوكيل هيبقى بكام
باغت الفانوس قبل ما يباغتك ههههههههههههههه
نتكلم جد بقي..
فيه ناس حوالين صلاح الدين (اسكندرية) بيعملو باغات صب.. فيه ب 30 وفيه ب 50 (أعلي حاجة) كدة يعني.. الموضوع ده عملته قبل كدة ف فانوس خلفي صني 2010 بتاعة صديق عشان ماكنش لسة باغة الفانوس نزلت فا عملت واحدة صب لسة زي الفابريكة لغاية دلوقتي..
المهم انه بيعملهالك ويركبها ع الفانوس وكل حاجة.. ولو فيه تبخير أو أي حاجة خلال اسبوعين أو حسب ما بتتفق معاه بيظبطه هو..
ممكن برضه تشوف فانوس استيراد (نص شاسيه) من غير الضفيرة بس يكون حالة نضيفة.. واتفق مع الراجل برضه لو بخر حاترجعهوله.
جبت الفانوس من صقر قريش ب 300 جنيه تيواني . ماركه اسمها tyc زي الفانوس الأصلي بالظبط
والأهم انت مغير فاتوس واحد ولا طقم؟ عشان لو طقم مش حايبان انما لو فانوس واحد لازم تتأكد ان ال tyc ده والأصلي الاتنين نفس اللون واللمعان ونفس شدة الاضائة اللي طالعة عشان ماتلاقيش نفسك مضطر تغير التاني.
من الآخر النوع الوحيد غير الاصلي اللي باثق فيه ديبو يس ماعرفش نازل منه للوجان ولا لأ.
انا جبته من برة برضوا حوالى 300 جنيه و ممتاز
الديبو نازل منه للوجان
جبته من محل أيمه خالد و يحيي في صقر قريش
ممكن ياريس تدينا ارقام التليفونات واسماء وعناوين شركات بديلة
هوا فين الديبو ده؟
فى إلإسكندرية و لا فى القاهرة
أنا عايز باغة برضه للفانوس الشمال اللى قدام