إستطلاع-بالنسبة لزيت محرك النيو سيراتو

ممكن كل عضو يقول بالنسبة للنيو سيراتو

1- نوع الزيت

2- درجة الزيت

3-غيرة كام مرة

4-بيمشى علية كام كيلو

5-موديل العربية

6- تقييم الزيت وخصوصا على السحب وصوت الموتور

اقتباس:

---

المشاركة الأصلية كتبت بواسطة AHMED12345678

ممكن كل عضو يقول بالنسبة للنيو سيراتو

1- نوع الزيت ليكوى مولى

2- درجة الزيت 5w40

3-غيرة كام مرة مرتين

4-بيمشى علية كام كيلو من 8 الى 10 الاف كم

5-موديل العربية سيراتو 2010

6- تقييم الزيت وخصوصا على السحب وصوت الموتور

---

فى اول 2000 كم مفيش صوت من الموتور و هادى و ناعم جدا جدا جدا . و بعد كده الصوت بيعلى و يثبت .
السحب معقول بس كاسترول فى السحب احسن .
افضل زيتين فى الصوت فى اول التغيير هما الكاسترول و ليكوى مولى .
و فى السحب كاسترول طبعا قفلت بيه عداد
دى من تجارب شخصيه .
تجارب اصحابى :
موبيل 1 :صوت الموتور انعم من عندى و استهلاك بنزين محترم جدا جدا جدا و موفر بطريقه غريبه .
فى السحب مش عارف
لو عاوز اقضى سحب و افضل استهلاك بنزين يبقى تجيب 5w30 و بعديه 5w40 واوعى تحط زيت 20w50 تقييييييييييييل بس طبعا بيحافظ على الموتور بس ملوش لزمه .
و فى ناس مستريحه جدا على الشل الترا .
عموما انا ناوى اغير ليكوى مولى بحاجه تانيه كويسه ربنا يسهل
اهم حاجه لما تشترى الزيت تجيبه من منبعه عشان ميبقاش مضروب .الضمير انعدم الايام دى زى فانتا تفاح هههههههههههههههههه

متابع

بصراحة يا رجالة انا انبهرت
لا حقيقى انبهرت
اية كمية الردود دى واية التفاعل الرهيب ة
بصراحة
بصراحة
لا حقيقى صراحة
.
.
.
.
.
.
انا غلطان

اقتباس:

---

المشاركة الأصلية كتبت بواسطة AHMED12345678

ممكن كل عضو يقول بالنسبة للنيو سيراتو

1- نوع الزيت - أول 50 ألف كنت بستخدم شل الترا اللي التوكيل بيحطه - و من اول صيانة الـ 60 الف بحط فالفولين

2- درجة الزيت - على ما اتذكر الاتنين 5W40

3-غيرة كام مرة - زيت شل غيرته 6 مرات - فالفولين مرتين بس

4-بيمشى علية كام كيلو - الاتنين بغير عند كل 10 الآف

5-موديل العربية - 2010 و ماشي بيها 80 الف لحد النهاردة

6- تقييم الزيت وخصوصا على السحب وصوت الموتور - صوت الموتور مع الشل كان بيبقى ناعم اول 3 او 4 الاف كيلو على ما اتذكر و بعد كده بيخشن شوية لحد اما اغيره
مع زيت فالفولين صوت الموتور بيفضل ناعم لحد اما اغيره مع ميعاد الصيانة
بخصوص السحب مركزتش قوي علشان انا مش بجري بالعربية

---

اقتباس:

---

المشاركة الأصلية كتبت بواسطة ahmed12345678

بصراحة يا رجالة انا انبهرت
لا حقيقى انبهرت
اية كمية الردود دى واية التفاعل الرهيب ة
بصراحة
بصراحة
لا حقيقى صراحة
.
.
.
.
.
.
انا غلطان

---

اصبر شويه على الاعضاء و باذن الله تلاقى ردود تشفى غليلك .و تجاوب على اسالتك .

متابع

اقتباس:

---

المشاركة الأصلية كتبت بواسطة ahmed12345678

ممكن كل عضو يقول بالنسبة للنيو سيراتو

1- نوع الزيت

لوكى مولى


2- درجة الزيت

5w40



3-غيرة كام مرة

حوالى 5 مرات فى عربيتين



4-بيمشى علية كام كيلو


10 الاف كيلو تقريبا



5-موديل العربية

2010 وعربيه اخرى 2006



6- تقييم الزيت وخصوصا على السحب وصوت الموتور

---

كويس جدا معايا بصراحه والحمد لله وصوت الموتور معقول جدااااااااااااااااا

شل الترا
موبيل1 0w-40
فالفولاين
كاسترول ايدج
ليكوى مولى
كله طبعا 10 الاف كيلو

اقتباس:

---

المشاركة الأصلية كتبت بواسطة temo85

شل الترا
موبيل1 0w-40
فالفولاين
كاسترول ايدج
ليكوى مولى
كله طبعا 10 الاف كيلو

---

طيب يا بشمهندس انهى زيت فيهم احسن و اكتر واحد بيهدى صوت الموتور
فى ناس بتقول توتال بيهدى صوت الموتور جدا و الله اعلم

اقتباس:

---

المشاركة الأصلية كتبت بواسطة ahmed12345678

ممكن كل عضو يقول بالنسبة للنيو سيراتو

1- نوع الزيت موبيل 1

2- درجة الزيت 0w-40

3-غيرة كام مرة 4

4-بيمشى علية كام كيلو 10000

5-موديل العربية 2010

6- تقييم الزيت وخصوصا على السحب وصوت الموتور

---

صوت الموتور هادى والسحب كويس

اقتباس:

---

المشاركة الأصلية كتبت بواسطة ahmed12345678

ممكن كل عضو يقول بالنسبة للنيو سيراتو

1- نوع الزيت

شل الترا

2- درجة الزيت

5w - 40

3-غيرة كام مرة

غيرت الزيت 5 مرات

4-بيمشى علية كام كيلو

10 الاف

5-موديل العربية

2011

6- تقييم الزيت وخصوصا على السحب وصوت الموتور

الصراحة الزيت ممتاز فى كل ظروف الجو والحرارة طول ال 10 الاف وسحب العربية ممتازعلى كل السرعات، صوت الموتور معقول جدا مش هقدر اقول ممتاز، بس فى ملاحظة غريبة جدا بعد متغير الزيت صوت المتور بيكون خشن لفترة ممكن يومين او ثلاثة وبيرجع ناعم تانى مع انه نفس النوع ودرجة اللزوجة.

---

رأى شخصى زيوت فالفولين ممتازة جدا عن تجربة فى عربيات كتير وبعديها علطول كاسترول بس المهم انه ميكنش زيت مغشوش.

تحياتى للجميع،

طبعا انا سألت اسئلة الاستطلاع ولكن من غير ما اقول نوعية الزيت الى بستعملة ودرجتة وده علشان كنت اعرف الاول الاول الاعضاء بتستعمل اية
اما بالنسبة لى

1- نوع الزيت ........ليكوى مولى 4200 توب تيك

2- درجة الزيت........ 5w30

3-غيرة كام مرة ........مرتين

4-بيمشى علية كام كيلو........عشرة الاف كيلو ولزوجتة بتكون كويسة وممكن امشى علية اكتر كمان

5-موديل العربية 2011

6- تقييم الزيت وخصوصا على السحب وصوت الموتور...السحب ممتاز وصوت الموتور فى بداية التشغيل بيكون عالى شوية وبعد كدة صوت الموتور بيكون هادى جدا

وعلى فكرة انا حطيت الزيت دة بعد ما بصيت فى الكتالوج ولقيت ان الزيت الممنوع استخدامة فى الشرق الاوسط هو درجة 5w20
ودخلت على السايت بتاع ليكوى مولى ولقيت ان دة من افضل الانواع المرشحه
وكمان دخلت على منتديات السيارات السعودية وجدتهم بيستعملوا هذة الدرجة صيف وشتا بدون مشاكل
واى استفسار انا فى الخدمة