مقارنه عامه ايهما اختار
عرض للطباعة
مقارنه عامه ايهما اختار
http://www.nilemotors.net/Nile/324933-100.html
راي انا الجيب طبعا
ويستحسن تنتظر الشكل الجديد خلاص قرب ينزل
والله الموفق
هى فعلا هاى لوكس ومقفلنها بس الهاى لوكس دى بجد عربية اعتمادية ملهاش حل وبتستحمل الى مفيش عربية تستحملة وتقفلها مقارنة بالجيب ما عرفش وهو اصلا لو الجيب تقفيل مصرى فالاتنين بيتقفلوا فى نفس المصنع بتاع الجيش الى فى طريق السويس مش عارفة اسمة هيئة العربية للتصنيع باين حاجة كدة
اللي بيفضل يقول هيا هيا هاي لوكس ومش عارف ايه اقلك انت عمرك ركبت الهايلوكس 4x4 لا اكيد ههه ولا هتركبها حتي لان الكبينة الواحدة منها بسعر 190 الف جنيه و 2 كابينة ب 245 الف جنيه دا طبعا قبل ما حصل مشاكل واختلاف عالجمرك بتاعها دلوقتي ال 2 كابينة بتتباع ب 300 الف مستريح ولسي هتغلي وعربية عملية جدا وقوية اه هيا ناشفة بس دي عشان عربية نقل انما الفورتشنر اكيد انعم وافخم من جوة خصوصا ال 6 سلندر بس الجيب افخم واشيك بس مش اعتمادية خالص و تعتبر مش عربية off road عربية جيب للشوارع فقط@
شكرا جزيلا علي المعلومات
طب سؤال تاني يطرح نفسه
اخبار الكابتيفا ايه لو عن طريق تجربه يبقي تمام
و الوكيل برضو بتاعها ظروفه ايه
من وجهة نظري الشخصية المتواضعة:
شيروكي طبعاً
ولو هختار حاجة تانية وتالتة ورقم مائة ...
أكيد بردة الشيروكي
وربنا يوفقك لما فيه الخير
بما انهم بنفس السعر تقريبا (لو هتتكلم عن الفورتشنر ال 4000 سي سي) يبقى الشيروكي طبعا للفخامه والشياكه وانها ليها تاريخ في البلد واتعرفت خلاص لكن الفورتشنر لسه بتتجرب في مصر وممكن حالها ميمشيش.
لو الكلام عن الكابتيفا أقدر أقولك هنا ممكن تحتار شويه عشان فرق السعر 70 الف تقريبا فلو المبلغ متوفر يبقى الجيب وحتى لو مش متوفر ممكن تجيب الجيب برضه استعمال خفيف هتبقى قريبه من الكابتيفا.
ممكن أضيف لحيرتك وادخل معاك في المقارنه بي ام x3 مستعمله لو بتمن الشيروكي الجديده (330 ألف تقريبا) هتبقى مش ماشيه كتير وأقوى وأفخم من الشيروكي.
ده بروشور الشيروكي
http://www.jeep.com.eg/docs/cherokee...ublication.pdf
وده بروشور الفورتشنر
http://www.driveinside.com/car-broch...rtuner-388.pdf
وده بروشور ال X3 القديمه اللي هيه 2007-2011 تقريبا.
https://pictures.dealer.com/bmwutah/...8db0d02752.pdf