عربيتي أخدت علامة جديدة من مواطن مصري أصيل !!!

**hazem_khidr** · 22-07-2008 05:32 AM

قدر الله و ما شاء فعل يا شريف ما تزعلش نفسك
دا قدر و الحمد لله انها جات في حاجه بسيطه
اعمل زي ما شيكو قالك سيبها كده في الشارع من غير غطا كام يوم
و خلي الخبطه ناجيه الشارع
علشان اللي رايح و جاي يشوفها مخبوطه ما يحسدهاش
صدقني و الله بتكلم بجد و ربنا يسترها:)

**MoToRiZeR** · 22-07-2008 06:37 AM

المشاركة الأصلية كتبت بواسطة Ahmed Samy

لازم نعزل نفسنا عن الشارع علشان تعرف تتمتع بحياتك
و ايه المتعة المسجونة دي

عارف يا دكتور .. حب مصر بقي عامل زي ما منير قال في اغنية يونس
" و ده حب ايه ده اللي مفيهوش أي حرية!"

**bassam nagy** · 22-07-2008 09:14 AM

قدر الله و ما شاء فعل

**tutankhamoun** · 22-07-2008 09:40 AM

أولا أعزيك يا باشمهندس في الخبطة و الغيظ اللي أنت حاسس بيه

بس هانعمل أيه

أغلب الشعب ............. أنعدم الضمير و الأخلاق لديهم

و تحيا
ج ع ع

**SAbuhashem** · 22-07-2008 02:58 PM

انتو عارفين إيه إلي حرق دمي كمان

اني دايماً بلاقي تفل شاي على الغطا

واحد شرب الشاي بتاع الصبح وملقاش مكان يرمي فيه بواقي الشاي إلا على العربية

ماعندك مساحة شاسعة تعمل القذارة بتاعتك دي فيها !!

اشمعنى غطى العربية بتاعتي !!

مش عايز أقول حقد علشان مظلمش حد
بس الموضوع إتكرر كتير

أنا متغاظ !

Thanks
Eng.Sherif Shaker

**islambana** · 22-07-2008 03:23 PM

ربنا يصبرك ياباشمهندس شريف وقدر الله وماشاء فعل

**MoToRiZeR** · 22-07-2008 03:33 PM

موضوع تفل الشاي ده غطا عربيتي واخد التوكيل بتاعه .. لدرجة ان الغطا بقت ريحته شاي .. نفسي اعرف مين الحيوان اللي بيعمل كدة

**hesham_tawfiq** · 22-07-2008 03:44 PM

المشاركة الأصلية كتبت بواسطة SAbuhashem

انتو عارفين إيه إلي حرق دمي كمان

اني دايماً بلاقي تفل شاي على الغطا

Eng.Sherif Shaker

انا من رايى يا بشمهندس انك تفدى العربيه او توزع حاجه لله.
اما بالنسبه لتفل الشاى فاحمد ربنا انو شاى
انا مره كنت راكن العربيه وبايت عند حماتى فالمنيل وف شارع رئيسى مش فى حاره يعنى صحيت الصبح ورايح العربيه شميت ريحه لايمكن بنى ادم طبيعى يستحملها فرحت بصيت على جنب العربيه اللى ناحية الرصيف فوجئت بحاجه لايمكن حد يتخيلها.
لقيت انسان ........ مبهدل جنب العربيه بفضلات بشريه ( والله زى مابؤوللكو ) اضطريت اتاخر عن الشغل الصبح وادور على اقرب محطة بنزين فاتحه الصبح عشان اغسل العربيه فضلا عن انى طبعا لما امشى جنب اى عربيه فالشارع كل اللى جنبى يبصللى بقرف منهى الاحراج
انما منه لله.
نفسى اعرف ابن ال.... اللى عمل كده.

**dr_3eshoo** · 22-07-2008 04:14 PM

يا سيدي بركه العربيه الجديده لازم تتبارك شويه هون انت بس على نفسك و سيبها بالخبطه شويه و بعدين ابقى اعملها عاااااادي جدا كوووووووووووووووووووووووو ول

**SAbuhashem** · 23-07-2008 12:26 AM

المشاركة الأصلية كتبت بواسطة hesham_tawfiq

انا من رايى يا بشمهندس انك تفدى العربيه او توزع حاجه لله.
.

أنا فاهم أوزع حاجة لله
لكن أفدي العربية دي مش فاهمها ممكن توضح أكتر
أنا ناس قالولي إدبح خروف أو أي حاجة هل دة قصدك ؟
كمان أنا شاكك في موضوع الدبح دة هل هو حلال ١٠٠٪ والله فيه شك

أنا بصراحة مازلت متضايق جداً
عندي إحساس إن احنا في بلد فيها حرب أهلية بين طبقات الناس
معادش حد يحب الخير لحد ولو طالوا يخلصوا على بعض مش هيتأخرو

هو في إيه ؟!!
أنا ههاجر تاني
لبلد تحترم فها خصوصيات وأملاك البني أدم

كنت مرة في بلد أجنبي وواحد راكب عربية جيب غصب عنه خبط عربية مرسيدس جديدة كانت راكنه وكسر الشبكة الاماميه بتاعتها

عارفين عمل إيه ؟؟

إتصل بالبوليس علشان ييجو ويجيبوا صاحب العربية
ماقالش يا فكيك ذي ما بيحصل هنا !

على رأي الشيخ الغزالي لما راح أوروبا
زرت بلاداً فيها إسلام بلا مسلمين
يقصد انهم يتحلوا بأخلاق الإسلام مع إنهم مش مسلمين

Thanks
Eng.Sherif Shaker

الموضوع: عربيتي أخدت علامة جديدة من مواطن مصري أصيل !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

عاجل للاهميه انا مواطن مصري

حوار مع مواطن مصري أصيل (بلال فضل)

::: دعاء مواطن مصري مطحون :::

فضفضه مع مواطن مصري

الكلمات الدلالية لهذا الموضوع

المفضلات

المفضلات

ضوابط المشاركة