مشاكل بالهوندا ex1993 اوتوماتيك بعد مرور 4شهور على اقتنائها

السلام عليكم
كنت اشتريت هوندا من 4شهور وعملت السيرفيس بتاعها كلة لكن يوجد بعض المشاكل مستمرة وهى :
1-موتور عداد الكيلوميتر غيرتة 3 مرات والمرة الاخيرة باظ وبعدين يشتغل ساعة ويفصل تانى
2-استهلاك البنزين عالى شوية ( ال40 لتر يعمل معايا من 280: 300 ك جوة البلد ( نظفت الكاربتير اكثر من مرة )
3-مياة القربة فى الشتاء دة بتقل يعنى بزود القربة كل اسبوع
4-لو معايا ناس راكبة مطبات الهواء تخلى الكاوتش بيحك فى الرفرف (غيرت مساعد )
5-ظهر مؤخرا ان السيارة بتفصل منى وانا ماشى لما اجى اهدى او اخذ مطب
( فى الاربع شهور حطيت بنزين 80 عدد 4 مرات فقط وباقى البنزين 92 )

اولا الف مبروك على السيارة

ثانيا الاجابات :

س1 - -موتور عداد الكيلوميتر غيرتة 3 مرات والمرة الاخيرة باظ وبعدين يشتغل ساعة ويفصل تانى

ج- المشكلة دية ممكن تكون عندك من حساس السرعة اللى راكب على الفتيس , هل انت كشفت علية قبل كدة ؟؟

س2- استهلاك البنزين عالى شوية ( ال40 لتر يعمل معايا من 280: 300 ك جوة البلد ( نظفت الكاربتير اكثر من مرة )

ج- كدة الاستهلاك كتير جدا , كدة انت عندك مشاكل فى الكربراتير , وغالبا كدة لازم يتفك

س3- مياة القربة فى الشتاء دة بتقل يعنى بزود القربة كل اسبوع

ج- شوف فية اى تسريب فى خراطيم المحرك , غطاء الردياتير , غطاء القربة

س4- لو معايا ناس راكبة مطبات الهواء تخلى الكاوتش بيحك فى الرفرف (غيرت مساعد )

ج- كدة السوست ضعيفة

س5- ظهر مؤخرا ان السيارة بتفصل منى وانا ماشى لما اجى اهدى او اخذ مطب
( فى الاربع شهور حطيت بنزين 80 عدد 4 مرات فقط وباقى البنزين 92 )

ج- دة بسبب ان الكربراتير عندك مش مظبوط فعايز يعلى ويتظبط صح

يا رااااااااااجل خضتنى

هى دى مشاكل دى حاجه بسيطه يا باشا و كل حاجه و ليها حل

سامح باشا جاب المفيد

ملحوظه : عدم استخدام بنزين 80 مره تانيه نهائى علشان تحافظ على العربيه

^_^

الله يبارك فيكم وشكرا على الردود وبالاخص طبعا سمسم باشا بس بالنسة للردود:
1-انا ما كشفتش على حساس السرعة ( اروح عند مين هل ميكانيكى هوندا )
2-الكشف على الخراطيم والقربة ازاى
3-السوست ضعيفة عايزين يتغيروا ولا اركب صددات للمساعدين
4-حاضر مش هاستخدم بنزين 80 تانى ( الميكانيكى بتاعى وهو تخصص هوندا قالى البنزين 80 معاها مفيش مشكلة عشان هى كاربارتير والله اعلم )
شكرا لكم مرة اخرة واسف على الاطالة

اقتباس:

---

المشاركة الأصلية كتبت بواسطة shesho

الله يبارك فيكم وشكرا على الردود وبالاخص طبعا سمسم باشا بس بالنسة للردود:
1-انا ما كشفتش على حساس السرعة ( اروح عند مين هل ميكانيكى هوندا )
2-الكشف على الخراطيم والقربة ازاى
3-السوست ضعيفة عايزين يتغيروا ولا اركب صددات للمساعدين
4-حاضر مش هاستخدم بنزين 80 تانى ( الميكانيكى بتاعى وهو تخصص هوندا قالى البنزين 80 معاها مفيش مشكلة عشان هى كاربارتير والله اعلم )
شكرا لكم مرة اخرة واسف على الاطالة

---

1- تكشف على حساس السرعة عندك ميكانيكى او كهربائى فاهم فى الهوندا

2- تكشف على الخراطيم عن طريق عكل كبس لدورة التبريد

3- لو عايز توفر هات 2 صداداة سعر الواحدة 40 جنية , وتكلفة تركيبهم 60 جنية \

4- بنزين 80 كلة شوائب ونسبة انضغاط ماتورك 9:2 فلازم بنزين مش اقل من 90 ومش اعلى من 92 لان بعد كدة هتصرف فلوس على الفاضى لكن 92 هو المنطبق على شروط ماتورك

[QUOTE=semsem kane;3874713872]1- تكشف على حساس السرعة عندك ميكانيكى او كهربائى فاهم فى الهوندا

2- تكشف على الخراطيم عن طريق عكل كبس لدورة التبريد

3- لو عايز توفر هات 2 صداداة سعر الواحدة 40 جنية , وتكلفة تركيبهم 60 جنية \

4- بنزين 80 كلة شوائب ونسبة انضغاط ماتورك 9:2 فلازم بنزين مش اقل من 90 ومش اعلى من 92 لان بعد كدة هتصرف فلوس على الفاضى لكن 92 هو المنطبق على شروط ماتورك :plusone2::plusone2::plusone2::plusone2::plusone2: :plusone2::plusone2:

هل في ترشيح لميكانيكي محترم وفاهم

شكرا على الردود انا روحت للميكانيكى يوم السبت وفك الكارباتير حتة حتة وقالى ان اللداغ ( دى حاجة فى الكاربارتير هى اللى كانت عاملة المشاكل السابق ذكرها ) وركب كواتشة مدورة فى اللداغ دة ( معرفش الاسم دة صح ولا لأ )وقال انها كانت بتسرب بنزين المهم العيب الاول الخاص بتبطيل السيارة لم اهدى او اقف اتحل والسيارة فعلا بتسحب كويس تمام لكن استهلاك البنزين لم تحل مشكلتة وشكرا على سعة صدركم