ويسترن يونيون no usd

**BESO516** · 27-12-2012 11:05 AM

للأمانه مش اكتر

ويسترن يونيون موقفه خدمه التحويل فقط من اكتر من سنه لأنى بتعامل معاهم بأستمرار لكن خدمه الأستقبال شغاله ودى معلومه اكيده

**Mahmoud Nagieb** · 27-12-2012 11:30 AM

طب يا جماعة لو حد بعتلى دولارات من بره اقدر استقبل ولا لاه برضه

طب لو حد بعتلى دولارات على حسابى الشخصى فى اى بنك , ممكن استقبل برضه ولا لاه ؟

**NaderNabil** · 27-12-2012 12:24 PM

المشاركة الأصلية كتبت بواسطة egyptawy2010

بنك ايه ده يافندم

cib

**mohamed_selim** · 27-12-2012 12:48 PM

لو حسابك فيه دولار تقدر تسحب عادى .. مجربتش مبلغ كبير بس واضح ان 10000 ده الحد الاقصى
اللى بيحصل ان الدولار مش موجود فى كل فروع البنوك يعنى مثلا فى البنك بتاعى فى فرع جنب الشغل بس مفيهوش دولار و بيطلب منى اروح الفرع الاكبر و هناك بسحب عادى.

**kimokaim** · 27-12-2012 04:03 PM

ويستريونيون رجعت للعمل في الفروع المتوقفة حسب كﻻم المدير بتعها في اليوم السابع

الدوﻻر موجود بس في هلع معين وكله عايز يكسب من الحكاية ديه وعايز يستغل الفرصة

وممكن يحصل تراجع لسعر الدوﻻر في اي لحظة لو تدخل البنك المركزي وده حيحصل واتوقع استقرار الدوﻻر على 6.20 للشراء

**أبو صلاح** · 27-12-2012 05:13 PM

المشاركة الأصلية كتبت بواسطة NaderNabil

زميلة ليا عنده حساب بالدولار في مصر....إمبارح رفضوا تماماً يدوها أي مبلغ منه أو حتى يحولوا لأي حساب تاني بحجة انه معمول هولد على الدولار!

لسه كاتب حالا الرد ده في موضوع كريم منير

طيب انا عايز افهم
دلوقتي لو حولت دولارات لمصر في حسابي وحبيت اسحبها مش هعرف؟ لازم هيجبرني على السحب بالجنيه ؟

لو ده حقيقي مش هحول اصلا خالص وخلي فلوسي جنبي هنا في البنوك السعودية
بعرف اسحب اي عملة في اي وقت وبمعدل ثابت وبقاله سنين ثابت
ده الاغرب هنا في السعودية ان في بنوك ما ينفعش تفتح فيها حساب بالدولار زي البنك الاهلي وغيره

وده لينك الموضوع
http://www.nilemotors.net/Nile/326551-a.html

**Ahmed_Adham** · 27-12-2012 11:03 PM

ربنا يعدي الازمه دي على خير. أنا متأكد ان البلد فيها دولارات كتير بس التجار مجمدينها عشان سعرها يضرب ويبيعو بالعالي ومش هيبوظ الخطه الزباله دي الا تحويلات المصريين في الخارج لو بيحولو بالدولار مش بالمصري أو عمله البلد اللي هما فيها.

**Imhotep** · 27-12-2012 11:12 PM

المشاركة الأصلية كتبت بواسطة ahmed_adham

ربنا يعدي الازمه دي على خير. أنا متأكد ان البلد فيها دولارات كتير بس التجار مجمدينها عشان سعرها يضرب ويبيعو بالعالي ومش هيبوظ الخطه الزباله دي الا تحويلات المصريين في الخارج لو بيحولو بالدولار مش بالمصري أو عمله البلد اللي هما فيها.

و انت الصادق يا باشا مش هيبوظ الخطة دى الا وعى الناس و ترشيدها لاستهلاكها من السلع الاستهلاكية اللى ملهاش لازمة..... ازاى؟ التجار هتشترى سلع ملهاش لازمة، الناس مش هتشتريها، السلع هتبور، التجار هيحاولوا يصرفوها بأى شكل، بس لانهم اتقرصوا المرة اللى فاتت هيقللوا استيراد السلع اللى ملهاش لازمة او حتى يقلبوا نشاطهم الاستيرادى الى سلع اهم و بالتالى الضغط هيقل على الدولار..... كارثتنا الاساسية هى الاستيرااااااااااد السفيه اللى لازم يترشد بأى شكل.....