بغير بوجيهات اكتر ما بغير زيت

**SASA3** · 26-12-2012 12:58 PM

السلام عليكم ورحمة الله وبركاته

فى حاجه غريبة كده مش عارف ايه الى بيحصل عندى

بحط زيت 3 الاف كيلو و اما باجى اغيرة ببص على البوجيهات بلاقى البوجيه مهبب و الراجل يقولى عاوز تغير بوجاهات

مرة و اتنين و تلاته و جبت كل الانواع و اخرهم الـ ngk 3 شعلة و ده اىل ناا ماشى بيه دلوقتى

بس فيش زيت بييجى على البوجيه كل الى بيحصل انه بيهبب بسرعه و بيحتاج بتغير و العربية تكرركر و كده

بس انا بنظفهم و اركبة تانى

العربية كربراتير !!

ده من ايه ؟؟؟؟؟

**SASA3** · 27-12-2012 10:12 PM

للرفع !!!!!!!!!!!

**romieh** · 27-12-2012 10:27 PM

من الكربراتير طبعا

حرق البنزين مش مظبوط عندك وهو ده اللى بيهبب البوجيه

هتلاحظ كمان ان استهلاك البنزين زاد شوية عن الطبيعى عندك

تروح لفنى كربراتير يكون بيفهم وكويس ينظفلك الكربراتير ويظبطهولك (فنى كربراتير مش ميكانيكى)

**SASA3** · 27-12-2012 11:07 PM

المشاركة الأصلية كتبت بواسطة romieh

من الكربراتير طبعا

حرق البنزين مش مظبوط عندك وهو ده اللى بيهبب البوجيه

هتلاحظ كمان ان استهلاك البنزين زاد شوية عن الطبيعى عندك

تروح لفنى كربراتير يكون بيفهم وكويس ينظفلك الكربراتير ويظبطهولك (فنى كربراتير مش ميكانيكى)

شكراا لاهتمامك

بس كمان فى حاجه ان العربية بتكركر بقالها فترة مكانتش بتعمل كده كان ممكن تطلع من السكون على التانى على طول و متتكلمش ؟!؟!

**aw2100** · 27-12-2012 11:29 PM

المشاركة الأصلية كتبت بواسطة sasa3

شكراا لاهتمامك

بس كمان فى حاجه ان العربية بتكركر بقالها فترة مكانتش بتعمل كده كان ممكن تطلع من السكون على التانى على طول و متتكلمش ؟!؟!

الكركرة دى ممكن تكون بتحط بنزين 80 ودة بيعمل كركرة ولو بتحط 90 يبقى البنزين دة مغشوش وغير المحطة اللى بتفول منها وعموما الكركرة دة تاخير فى الأسبراتير او عيب فى ضبط الكاربراتير او ممكن تكون العربية عاوزة ضبط تكايات وممكن تكون عاوزة تغيير فلتر الهواء والبنزين الخلاصة عربية حضرتك عاوزة طقم صيانه عند ميكانيكى كويس مش حكاية تنظيف ولا تغيير بوجيهات ؟؟؟!!

**akmm** · 31-12-2012 10:38 AM

متابع ................. وفيه حاجه اسمها طقم إصلاح كالربراتير .....

**mood_8210** · 11-01-2013 03:03 AM

حاجة من اتنين
يا اما العربية مقدمة كهرباء و دة معناه ان الالبوجية بيضرب الشرارة و بعدها البنزين بيدخل غرفة الحرق و دة يسببلك ان البنزين ميتحرقش و يهبب البوجية و طبعا يعمل كركرة لان الشرارة بتضرب و مش لاقية حاجة تحرقها

يا أما مسمار الهواء محتاج يتفتح علية شوية لان ممكن يكون البنزين بيدخل من غير هواء اللى هو المحفز على الاشتعال فا بيسبب ان البنزين ميتحرقش و يهبب البوجية و بردة يعمل كررة