ان العربية عاملة حوالى 750 كيلو وكنت عاوز اعرف صيانة ال 1000 هتتكلف كام؟
واروح للرواس ولا المركز الرئيسى احسن؟
وايه اللى بيحصل بالظبط فى صيانة الالف غير تغير الزيت والفلتر؟
ويا ترا ممكن فى الصيانة يعرفنى ان الموتور كويس ولا انا قرصت عليه فى التلين علما بان سفرت اسكندرية ماشى على 105 تقريبا وكان ال Rpm على 3 بالظبط وكمان شغلت التكيف اربع مرات كدة بس مش لفترة طويلة يعنى 10 دقايق واقفلو تانى بس شغلتو وانا فى المدينة مش على السريع
اهم حاجة الصيانة هتتكلف كام وهيعملو ايه ؟
لو العربية مصري يبقى تتعمل في التوكيل (مصرية) او الرواس مش هتفرق (حضرتك شوف الأقرب لك) وهي بدون حجز نظرا لبساطتها
هي تغيير زيت وفلتر زيت ومراجعة عامة على السيور والفلاتر وبالتالي هي سريعة
بتتكلف 270 ج (220 ج زيت موبيل وان يكمل لصيانة العشرة آلاف و 50 ج فلتر)
المصنعية نفسها مجانية لو العربية مصري ولو خليجي بتتكلف حوالي 60 جنيه
مفيش اي مشكلة من تشغيل التكييف خلال الألف الأولى وطالما RPM معلاش عن 3 يبقى مفيش مشكلة مش لازم يتعمل كشف على المحرك طالما مفيش شكوى
اية اخبار ال1300؟؟ كويسة في السحب و كدا ام ال1600 افضل؟و الف مبروك علي السيارة
الف شكر يا بشمهندس طارق
ودايما كدة تكون حاضر و متابع معانا ونصايحك مغرقانا
بس استفسار صغير يا استاذ طارق انا عربيتى خليجى ومن غير ضمان تقريبا يبقى هتتكلف حوالى 330 جنيه ولا اكتر عشان والدى ممكن ميجيش معايا ابقى عامل حسابى فى الفلوس
بالنسبة لل 1300 سحبها حلو جدا جدا بالنسبة لسعة الموتور بس متتقارنش بعربية 1600 او حتى 1500 موتورها كويس
انا كان نفسى اجيب ال1600 بس الحج الوالد رفض لان المبلغ اللى كان معايا على قد ال 1300 وبابا مش بيحب القسط والحركات دى ثانيا البنزين لما غلى كان ال 1300 الاختيار الامثل
لو انت بتحب الشد والسرعات و السباقات بقى وكدة جيب ال 1600 مفيش كلام بس استهلاك البنزين فيها رهيب بعض الشىء تقريبا 180 كيلو فى الصفيحة
انا حاطط فى العربية حوالى 65 لتر وعامل بيهم لحد دلوقتى 750 كيلو ولسة فاضل فى التنك كتير اقل من النص بشوية دا بالنسبة لل 1300
عموما هيا ال 1600 افضل من ال1300وفى العزم والسحب والفرش البيج التحفة وهتبقى فى السفر مستريحة اكتر عشان ال Rpm بيبقى اهدى من ال 1300 بس الحمد لله ال 1300 منتشرة جدا ومحدش طلع فيها مشكلة واحد غير التكيف اللى بيأثر على السحب بطريقة ملحوظة
واى خدمة