استفسار عن سعر موتور سوزوكي كاتانا استعمال1995

**hamadasat96** · 26-12-2012 02:09 PM

السلام عليكم ورحمة الله وبركاته
اود الاستفسار عن سعر موتور سوزوكي
موديل 1995
لان الموتوسيكل مش بيدور وبيضرب
مدافع وصوت لفات الموتور في الدوارة متغير
ومحتاج طقم شمبر
وكنت عايز اعرف سعر الموتور المستعمل كام والاقيه فين
ودي صورة الموديل

**bido600** · 26-12-2012 06:49 PM

المشاركة الأصلية كتبت بواسطة hamadasat96

السلام عليكم ورحمة الله وبركاته
اود الاستفسار عن سعر موتور سوزوكي
موديل 1995
لان الموتوسيكل مش بيدور وبيضرب
مدافع وصوت لفات الموتور في الدوارة متغير
ومحتاج طقم شمبر
وكنت عايز اعرف سعر الموتور المستعمل كام والاقيه فين
ودي صورة الموديل

وعليكم السلام ورحمة الله وبركاتة
هتتعب وهتلف وهتدور وممكن في الاخر متلاقيش لانة نادر حبتين بس ممكن يجيلك بالطلب تروح.............او التوني وتقولوهم عاوز كذا وهيجيبو بس هياخد وقت

مش بيدور ممكن يكون ليه اكتر من سبب
بيضرب مدافع يبقي الكاربراتير مش تمام خالص وهيبقي سبب من اسباب الموتور مش بيدور
لو قصدك لفات الار بي ام بتعلي وتوطي لما البيك يدور فدا بردة كاربراتير مش مظبوط ( بوابات الكاربراتير مش متزامنة مع بعض )
طقم شنبر بيتعمل بس لازم واحد يكون ثقة يعملهولك عشان يديك حاجة كويسة

سعر الموتور لوحدة هتلاقية في حدود ال 8 او 9

اذا وجد
منين اسال عند التوني في الدقي

**hamadasat96** · 28-12-2012 04:14 PM

الف شكر اخ بيدو
علي متابعتك
وبكده هضطر اعمل عمرة للموتور
عندي ميكانيكي كويس
بس كنت بحسب الموتور متوفروسعره رخيص
لكن كده هعملها عمره وخلاص
والف شكر لك علي متابعتك

**bido600** · 28-12-2012 08:12 PM

المشاركة الأصلية كتبت بواسطة hamadasat96

الف شكر اخ بيدو
علي متابعتك
وبكده هضطر اعمل عمرة للموتور
عندي ميكانيكي كويس
بس كنت بحسب الموتور متوفروسعره رخيص
لكن كده هعملها عمره وخلاص
والف شكر لك علي متابعتك

العفو يا حمادة بيك
انت تؤمر
هو للاسف المواتير مش عارف مالها اليومين دول مش موجودة واذا وجدت اسعارها خيالية
عمرة عند حد ثقة هتريحك من اللف بس في نفس الوقت لو متعملتش صح (كتير بيعكو ) هتتعبك
فانها حقا معادلة رخمة شوية

بس اتاكد بس من الكاربراتير قبل اي حاجة لانو ممكن يكون سبب في كل اللي بيحصل دا ويكون الموتور زي الفل (لو الاعراض اللي معاليك بتقولي عليها دي هي بس اللي بتحصل )

**a_ali** · 28-12-2012 09:11 PM

السلام عليكم الحاله الي وصلها الموتور تأكد ان الكربراتير مثلا اكيد في مشاكل كبيييييييييره وده عن تجربه مع السوزوكي و احسن ميكانيكي ح يقولك جيب طقم اصلاح للكربراتير من التوكيل وده سعره ٨٠٠ وحتلاقي في الاخر انك دفعت عليها اكتر من ضعف سعرها ولسه عندك مشاكل حاول تشوف امكانيه تركيب موتور الانزوما عليها الـ gsx تقريبا نفس الشكل بس ميكانيكي كويس هو الي يقولك والموتور ده متوفر عند تجار الوطات بتاعت المرور و الاحسن تأخد المكنه كلها حتلقيها بسعر حلو بس ركز على الموتور والكربراتير وعلى فكره انا بايعها موديل ٢٠٠٠ بحوالي ١١٠٠٠ بعد ما اتصرف عليها حوالي ٣٠٠٠ او تشتري موتوسيكل تاني وتخلي الي معاك قطع غيار ليها احسن ما تخش في حورات مكلفه غير مضمونه وربنا يوفقك

**hamadasat96** · 29-12-2012 12:52 AM

كل الشكر والتقدير لمتابعتكم
واهتمامكم
وطبعا انا عندي مشكلة اساسية بالكاربرتير
انه بيخلي المكنة تشرق المهم انا عرفت علتها وطريقة التعامل معاها
وكانت المشكلة في الابر
وطقم الاصلاح قالولي ب150 او200 جنيه
بس زي قلته
ده الكلام اللي اتقالي
وان اغير الكاربرتير
احسن واشتري واحد استعمال سعره تقريبا1000
لكن الموتوسيكل مشاكله كتير عشان كده مقدرتش اجيبه
وهشوف الميكانيكي يعمل طقم الشمبر ونشوف اللي في الموتور
وربنا يسهل