المشاركة الأفضل و الأكثر تفصيلا بخصوص الجمارك. أحيك يا سيادة المواطن
اقتباس:
المشاركة الأصلية كتبت بواسطة مواطن مصرى
طبقاً لاتفاقية الجات الموقعه عام 1999 المفروض من سنه 1999 حتى سنه 2019 يتم تخفيض الجمارك 10% كل سنه لنصل الى صفر% جمارك بحلول سنه 2020 ..
الكلام ده مش بيحصل ..
ليه ؟!
لان الحكومة مصدر دخلها الاساسى هو الجمارك و الضرائب (سيبكوا من فيلم قناه السويس و السياحه و المصانع و التصدير ) .. و يستحيل الحكومة تقلل مصدر الدخل ده لان هوه اللى بتصرف منه على الشعب (مرتبات الموظفين - الدعم - الصحه - التعليم - ....)
طب الحكومة تعمل ايه ؟!
جمارك السيارات المستورده هى 3 حاجات اساسيه :
1- ضريبة استيراد السيارات (و دى ضريبه عالميه فى اغلب دول العالم و تسمى قانوناً : السيف الوارد) : و هى تتراوح فى مصر بين 40% الى 135% من سعر السياره حسب سعه محركها .. السيارات حتى 1600 سى سى ضريبتها 40% و السيارات من 1600 الى 2000 ضريبتها 100% و السيارات الاعلى من 2000 و 4 سلندرات ضريبتها 120% و الاعلى من 2000 سى سى و اكثر من 4 سلندرات ضريبتها من 135%
2- ضريبة المبيعات : و هى تتراوح بين 10% الى 45% من (سعر السياره + قيمة ضريبة السيف الوارد) حسب سعه محركها .. السيارات حتى 1600 سى سى ضريبتها 15% و السيارات من 1600 الى 2000 ضريبتها 25% و السيارات الاعلى من 2000 و 4 سلندرات ضريبتها 30% و الاعلى من 2000 سى سى و اكثر من 4 سلندرات ضريبتها من 45%
3-رسم التنمية : و هى تتراوح بين 3% الى 8.5% من (سعر السياره + قيمة ضريبه السيف الوارد) حسب سعه محركها .. السيارات حتى 1600 سى سى ضريبتها 3% و السيارات من 1600 الى 2000 ضريبتها 4.5% و السيارات الاعلى من 2000 و 4 سلندرات ضريبتها 6% و الاعلى من 2000 سى سى و اكثر من 4 سلندرات ضريبتها من 8.5%
يمعنى لو عربيه سعرها حين الوصول للميناء 100 الف جنيه و سعه محركها 1600 سى سى فاقل يكون عليها
1- سيف وارد 40 الف جنيه (40% من الـ 100 الف)
2- ضريبه مبيعات 14 الف جنيه (10% من الـ 100 الف + 40 الف سيف وارد)
3- رسم تنمية 4200 جنيه (3% من الـ 140 الف جنيه)
و بالتالى يكون قيمة ما تحصله الحكومه عن تلك السيارة : 40000 + 14000 + 4200 = 58200 جنيه
اللى المفروض يحصل ان الحكومه تخفض من مبلغ الـ 58200 اللى هتاخدهم 10% (5820) بحيث يبقوا 52380 جنيه بس لكن الحكومه الموقره بتاعتها بتخفض ضريبة السيف الوارد فقط بقيمة 10% و مالهاش دعوه بتخفيض الضريبه الكليه لان ضريبة المبيعات و رسم التنمية دى ضريبة سياديه حكوميه مالهاش دعوه بالاتفاقيات الدولية..
يعنى بدل 40% سيف وارد فى المثال السابق هتبقى 36% (نشيل 4% اللى هما عشر الضريبة) بحيث الضريبه تكون 36 الف بدل 40 الف .. و يكون اجمالى الضريبة بعد اضافه ضريبه المبيعات و رسم التنمية 56808 ... يعنى اللى نزل بعد تخفيض الضريبه الفين جنيه تقريبا من قيمتها الكليه ..
فهمتوا الحكايه و الا لسه ؟!
محدش ينتظر من اى حكومة فى مصر تعمل اى حاجه فيها تقليل للضرائب اللى بتحصلها الدولة لان كل يوم الدولة مصاريفها بتزيد و لازم تلاقى فلوس و لو عن طريق مص دم الشعب ...