الموضوع: سؤال لمحترفى الأكسل

انا نفسي اعرف اشرحهالك وبحاول اوصلك الفكرة بس مش عارف
عامة هحاول
هنفترض ان في عمود جاهز وانت عايز تطلع نتيجة كل رقم في العمود ده مضروب في 2

اول رقم موجود في خلية a1 وانت عايز تطلع النتيجة في b1
هنكتب المعادلة دي في خلية b1 بالشكل ده
=a1*2 وبعدين تضغط enter
هتلاقي النتيجة ظهرت في خلية b1 لو عايز تطبق نفس المعادلة على b2,b3,b4 ....... الخ

هتقف على الخلية b1 وبالماوس وتتحرك عليها في ركن الخلية من الشمال لغاية لما تظهر علامة + اضغط عليها واسحف بالماوس لتحت لحد لما توصل للخلية اللي انت عايزها


يارب اكون عرفت اوصلك المعلومة

المشاركة الأصلية كتبت بواسطة BESO516

شكرا ليك ياابوصلاح بس انا عايز النتيجه نفسها تتغير ف a1
يعنى فنفس العمود
a1

انت تقصد في b1 ؟

ياريت توضح السؤال اكتر
وعامة المفروض انك لو غيرت في خلية a1 هتتغر بالتالي اوتوماتيك النتيجة في خلية b1 ولن يؤثر الناتج الجديد على اي خلية اخرى

المشاركة الأصلية كتبت بواسطة BESO516

انا عارف انى مش عارف اوصلها معلش ياابوصلاح استحملنى

انا بتكلم فعمود واحد بس

اللى هو a1

عايز اضرب جميع القيم اللى فعمود a1

فرقم 3 مثلا

ويتحول الناتج اوتوماتيك برده فى a1
نفس العمود يعنى

آه كده فهمت قصدك
بص انا ما اعرفش طريقة مباشرة اعمل بيها الحركة دي
لكن بعمل حركة تحايل كده هقولك عليها

انت هتعمل زي الخطوات اللي قلتلك عليها سابقا
وبعيد تيجي على العمود اللي فيه العادلات اللي انت عملتها وتعلمها نسخ
وتروح على العمود اللي فيه الارقام الاساسية وتعمل paste special
وبعد كده تختار value وبعدين okهتلاقي الارقام اتنقلت زي ماهي للعمود اللي اختارته لكن بدون معادلات اتنقلت كانها قيم

واتمنى حد من الاعضاء ممكن يفيدنا اكتر

السلام عليكم
مبدئيا لازم نعترف ان كل شئ بيختلف حسب المتاح لكن المهم النتيجة
انت ما تقدرش تغير قيمة في الخلية اللي فيها معادلة و تبقي قيمة ثابتة و ترجع تتغير تاني بناءا علي معادلة
المعادلة جزئين ثابت و متغير
الثابت ده قيمة مرجعية زي نسبة الفائدة مثلا و ممكن تتغير لكن بنعتبرها ثابت لانها مستقلة قيمتها من نفسها مش معتمدة علي خلية تانبة في الملف
المتغير ده معادلات و قيم متراكبة بتسترجع بياناتها من خلايا اخري داخل الملف بطريقة انت اللي تحددها
علي قد فهمي انت عندك عامود كامل عاوز تضربه في قيمة ثابتة و تتغير في نفس العامود
بس انت كده بتخاطر بفقدان القيم القديمة التي قد تكون مهمة ارجوك بس احسبها كويس
1-الخلية a1دي خلية القيمة الثابتة
2- العمود b ده اللي فيه الناتج و المدخل في نفس الوقت (هي فنيا خطأ بس احيانا بنضطر نعملها حسب احتياجاتك )
هاتضطر تحت عمود تاني وسيط موازي و ليكن c و ممكن تخفيه عادي و ده اجباري لانك ما ينفعش تدخل الخلية في معادلة و تطلع الناتج فيها هي هاتعمل معاك error حاجة اسمها المعادلة اللانهائية
في الخلية c1 هاتكتب و علامة الدولار اساسية لتثبيت الخلية عند السحب
=b1*a&1&
هاتسحب المعادلة طولي في العمود كله
هاتدخل قايمة tools و بعدين macro و بعدين ،record macro
هاتعمل كوبي للعمود c1 و تعمل paste especial في العمود b و تختار value
هاتدوس علي استوب ريكورد
و تعمل اسم للماكرو و ممكن تعمله shortcut keys و ممكن تعمله زرار في القايمة لو تحب
و بعد كده كل ما تغير القيمة الثابتة اللي في a1 هاتتغير العمود c و تشغل الماكرو هاياخد القيمة اللي في سي يحطها في بي كقيمة
لكن طبعا انت بتخاطر بفقد بياناتك القديمة ده اول شئ
و العمود سي بيتغير برضه بعد الماكرو نتيجة لتغير قيم بي ده تاني شي و ممكن يلخبطك فلو هاتعملها يفضل اخفاء العمود سي

آسف ع التطويل و ارجو اني اكون افدتك و لو مش ده المقصود انا تحت امرك بس يا ريت توضح ايه المطلوب بالضبط

المشاركة الأصلية كتبت بواسطة hossam_chixo

طيب سؤال يا جماعة لو سمحتو
ينفع كذا جهاز على نت ورك يشتغلو على ملف اكسيل واحد فى نفس الوقت و يعملو سيف علية ؟؟؟

اكيد طبعا ينفع

حضرتك تحتار من قائمه أدوات

مشاركه في المصنف

وتضع علامه صح امام الاختيار

السماح بالتغيرات بواسطه اكثر من مستخدم واحد وفي نفس الوقت