ياترا الموضوع ده موجود فى اللانوس عامة ولا عندى انا بس

**ehabomar1987** · 26-12-2012 04:24 PM

انا من يجى شهر كده ركبت كاست بايونير deh 2350 و سماعات بس مش ديه المشكلة الكاسيت بقى بيشتغل لما الكهرباء بتوصل للعربية العربية جوليت 1 مو 2000 وياترا فيه زرار لل on وال off فى العربية او حتى الكاسيت لان واحد صاحبى كان راكب العربية وقالى هو الكاسيت عندك بيشتغل كده على طول انت لية مش قافله وهو عربيته لانوس 2007 والكاسيت فيها فيه زرار ال on و ال off ياترا ديه حاجة فى اللانوس ولا عندى انا بس

**dr.hazem** · 26-12-2012 04:40 PM

اللي ركبه ممكن يكون شبكه عالبطاريه علطول والمفروض ان الكاسيت يشتغل مع اول تكه للمفتاح...
انتظر رد شباب الدايو..
تحياتي

Sent from my SE Arc S using Forum Runner

**AlGazar2** · 26-12-2012 05:43 PM

الكاسيت فى الدايو بيشتغل مع اول تكه فى المفتاح

انما الكاسيت فيه اون و اوف دى على حسب نوع الكاسيت
عندى فى النوبيرا مفيهوش بس لما بشيل الوش و اركبه الكاسيت مبيشتغلش غير لما اشغله

**ehabomar1987** · 26-12-2012 06:20 PM

يعنى كده النوع ده من البايونير مفيهوش اى on او off تمام انما كده الموضوع ده عادى جداا تمام اوى شكرا يا رجالة الدايو

**Khaled Lanos** · 27-12-2012 10:01 AM

لأ انا عندي الكاسيت بيشتغل مع فتح الكونتاك غير كدا لأ..يمكن اللي ركبو وصلو غلط.

**swimmer25** · 27-12-2012 11:13 AM

خلي بالك ان الكاسيت البايونيير بيتقفل تماما فق عند الضغط علي زر SRC او source لمدة حتي يغلق تماما وبكده مش هيشتغل ابدا مع فتح الكونتاكت غير لما تدوس علي نفس الزر مرة اخري
بس خلي بالك كمان انه المفروض يتقفل تماما مع قفل الكونتاكت خالص للأخر

لو عندك مش بيفتح ويقفل تماما مع اخر تكة للكونتاكت يبقي اكيد التوصيل خاطئ
بيكون فيه سلك أصفر لازم يكون متوصل لوحده مع الكونتاكت عشان الخاصية دي...لو الي ركبهولك وصله مع الأحمر الموجب يبقي غلط بس ده ملوش علاقة بخاصية الكاسيت وهي الغلق التام كما ذكرت سابقا