ايهما افضل : - كيا سبورتج v سكودا yeti

السلام عليكم :hello:
ان شاء الله انا ناوي اشتري عربية جديدة
ومحتار بين عربيتين

كيا سبورتج v سكودا يتي
yeti
ŠKODA Yeti - Exterior - ŠKODA
sportage
http://www.nilemotors.net/Nile/248989-2012.html

::
مع خالص الشكر

فى مصر هنا تقريبا مشوفناش الاسكودا دى خالص و الاسبورتاج بالوضع الحالى موجود منها بس سعرها مبالغ فيه لو فورى و فتره الانتظار مبالغ فيها لو وكيل

لو عايز حاجة بالحجم ده شوف السوبارو xv يابانى و دفع رباعى و اوبشن كويسه و شكل مميز
او نيسان قاشقاى يابانى تقفيل انجليزى و عربيه كويسة و سعرها مش مبالغ فيه

انا شوفت حلقه من برنامج توب جير عن السكودا ييتي وبصراحه شكروا فيها جامد
وانا كمان حسيت ان العربيه حلوه اوي

السوبارو جميلة
وييتي برده جميلة
بس اه المعارض الى ممكن اشتري منها

هى الاسبورتيج هى اللى شغاله فى السوق كويس قوى و منتشره و ان كان مشكلتها الاوفربرايس اللعين او الحجز و الانتظار ٧ شهور مع التوكيل و القشقاى برضه جميله بس اللى موجود دلوقتى منها فئه مزودين عليها شويه كماليات و بتتباع ب ١٩٢.٥ و استلام من شهرين الى تلاته اشهر او ١٩٩ الف و استلام فورى و مفيش حجز للفئه الطبيعيه الوحيده اللى بتيجى من بره اللى ب ١٧٥ الف اصلا بس العربيتين دول ماسكين سعر كويس بينما السكودا و ال سوبارو هتواجهك معاهم مشكله عدم الانتشار اللى هيترجم فى صوره قطع غيار غاليه قوى و احتمال عدم توافرها كلها بالاضافه الى سعر اعاده بيع واقع ده إذا لقيت لهم مشترى اصلا لان الموضوع هياخد وقت

بلاش السكودا لسببين بساط فى ظل الظروف المحليه
1- مانيول, الا لو انت غاويه وعايز مانيول
2- تربو, يعنى بنزين 95 يعنى سته جنيه الا ربع لللتر
بس غير كده السكودا تضرب السبورتاج بالجزمه

اولا شكرا لكل من رد عليا
ثانيا طيب اه المعارض الكويسة الى ممكن اشتري منها
ثالثا انا شكلي هشتري lada واريح نفسي

كنت هارشحلك السبع بدون تردد لكن مع الاسف حاليا معندوش اسبورتيج و هيقولك احجز تبع التوكيل اما القشقاى فممكن يسلمك بسرعه بس ب ١٩٩ الف فممكن تشوف مع أوتو سمير ريان دول بيبقوا غالبا ارخص الاسعار بس يقع حظك مع مندوب كويس لان فى بعضهم بصراحه فى منتهى الضياع

سبورتج كمقارنة
وكراي تفكيري هيروح كده للقشقاي
وان شاء الله موفق للخير ..

سبورتاج او قشقاى هما اللى يمشوا هنا فى مصر

طب ما تشوف بيجو 3008 او ستروين c4 picasso اعتقد دول اختيارات افض و توكيلين كويسين بدل الهري بتاع الاوفر برايس و الكلام ده :)

اقتباس:

---

المشاركة الأصلية كتبت بواسطة land_cruiser

هى الاسبورتيج هى اللى شغاله فى السوق كويس قوى و منتشره و ان كان مشكلتها الاوفربرايس اللعين او الحجز و الانتظار ٧ شهور مع التوكيل و القشقاى برضه جميله بس اللى موجود دلوقتى منها فئه مزودين عليها شويه كماليات و بتتباع ب ١٩٢.٥ و استلام من شهرين الى تلاته اشهر او ١٩٩ الف و استلام فورى و مفيش حجز للفئه الطبيعيه الوحيده اللى بتيجى من بره اللى ب ١٧٥ الف اصلا بس العربيتين دول ماسكين سعر كويس بينما السكودا و ال سوبارو هتواجهك معاهم مشكله عدم الانتشار اللى هيترجم فى صوره قطع غيار غاليه قوى و احتمال عدم توافرها كلها بالاضافه الى سعر اعاده بيع واقع ده إذا لقيت لهم مشترى اصلا لان الموضوع هياخد وقت

---

ما شاء الله
اوجزت فأنجزت